កាលពីថ្ងៃទី 3 ខែមេសា ឆ្នាំ 2014 នៅក្នុងកម្មវិធី Microsoft Build, Nokia បានប្រកាស អំពីស្មាតហ្វូន Lumia ចំនួនបីម៉ូដែល ដំណើរការដោយប្រព័ន្ធប្រតិបត្តិការដែលទើបបានកែលំអថ្មីគឺ Windows Phone 8.1 រួមទាំងលក្ខណៈពិសេសថ្មីៗមួយចំនួនទៀតដែលមានតែនៅក្នុងទូរស័ព្ទ Nokia តែប៉ុណ្ណោះ ។ លើសពីនេះ Nokia ថែមទាំងបានបញ្ជាក់ថា ប្រព័ន្ធប្រតិបត្តិការដែលទើបទទួលបានកំណែលំអថ្មីខាងលើ ក៏នឹងត្រូវផ្តល់ជូនបណ្តាអ្នកប្រើប្រាស់ Lumia Windows 8 គ្រប់ម៉ូដែលទាំងអស់នៅក្នុងអំឡុងខែមិថុនា-សីហា ខាងមុខនេះ ក្រោយពេលការធ្វើតេស្តបានជោគជ័យ និង មានការឯកភាពពីដៃគូដែលពាក់ព័ន្ធ ។
សេចក្តីប្រកាសសំខាន់ៗនៃព្រឹត្តិការខាងលើ រួមមានដូចខាងក្រោម ៖
•Nokia Lumia 930 គឺជាស្មាតហ្វូនលំដាប់កំពូល ដែលផ្តល់ជូននូវបទពិសោធន៍ថតរូបភាព និង វីដេអូដ៏ប្រសើរបំផុតពី Microsoft និង Lumia ។
•Nokia Lumia 635 និង Nokia Lumia 630 ផ្តល់នូវបទពិសោធន៍ Windows Phone 8.1 កំណែលំអថ្មី និងផ្តល់ជូននូវកំណែច្នៃប្រឌិតថ្មីពី Microsoft និង Lumia ក្នុងតម្លៃកាន់តែទាបជាងមុន ។
•Nokia Lumia 630 ផ្តល់ជូននូវជម្រើសស៊ីមមួយ និង ស៊ីមពីរ សម្រាប់បំពេញសេចក្តីត្រូវការរបស់ អតិថិជននៅក្នុងបណ្តាប្រទេសដែលមានសេដ្ឋកិច្ចកំពុងលូតលាស់ដូចជា ចិន និង ឥណ្ឌា ។
•Nokia Lumia ប្រើ Windows Phone 8 ទាំងអស់នឹងទទួលបានការ update ឡើងទៅ Lumia Cyan ដែលជាបន្សំរវាង Windows Phone 8.1 និងលក្ខណៈពិសេសដោយឡែកនៅក្នុងកញ្ចប់តែមួយ ។
•Windows Phone 8.1 មានលក្ខណៈពិសេសថ្មីៗជាច្រើនដូចជា ការបង្ហាញព័ត៌មានលំអិតច្រើនជាងមុននៅផ្ទៃបង្ហាញកម្មវិធី, ការវាយអក្សរនៅលើប៊ូតុងដោយពុំចាំបាច់ដកម្រាមដៃចេញពីអេក្រង់, និង Action Center ដែលជួយអ្នកប្រើប្រាស់ស្ថិតនៅជិតអ្វីៗដែលខ្លួនស្រឡាញ់ ។
លោក Stephen Elop នាយកប្រតិបត្តិរងទទួលបន្ទុកផ្នែកផលិតផលនិងសេវាកម្ម Nokia បានមានប្រសាសន៍ថា ៖ ថ្ងៃនេះយើងបង្ហាញជូនពិភពលោកទាំងមូលនូវអ្វីដែលប្រសើរបំផុតពី Lumia និង Microsoft តាមរយៈផលិតផលបីម៉ូដែលដ៏អស្ចារ្យ ដែលដំណើរការដោយ Windows Phone 8.1 ។ បន្ថែម ពីលើការអភិវឌ្ឍន៍ថ្មីៗពី Microsoft, Nokia បានផ្តល់នូវបទពិសោធន៍ថតរូបដ៏ប្រពៃ ការរចនាដ៏ល្អវិចិត្រ និងស្មាតហ្វូនបែបធុរកិច្ច ។ យើងមានសេចក្តីសោមនស្សនឹងនាំមកនូវការអភិវឌ្ឍន៍ថ្មីៗនៃ Windows Phone 8.1 មកដាក់បញ្ចូលក្នុងផលិតផល Lumia ដែលអ្នកផងស្រឡាញ់ពេញចិត្តនាពេលបច្ចុប្បន្ននេះ ។
អ្នកផងទាំងពួង ស្ថិតនៅជិតបង្កើយនឹងអ្វីដែលខ្លួនស្រឡាញ់ពេញចិត្ត ជាមួយនឹង Lumia Windows Phone 8.1
នៅចន្លោះខែមិថុនា-សីហាខាងមុខនេះ, Windows Phone 8.1 នឹងមានផ្តល់ជូនបណ្តាអ្នកប្រើប្រាស់ Lumia Windows Phone 8 ទាំងអស់តាមរយៈការ Update នៅលើប្រព័ន្ធអ៊ិនធឺណិត ។ ការ ផ្តល់ជូន Update នឹងធ្វើឡើងនៅក្រោយពេលធ្វើតេស្តសាកល្បងបានជោគជ័យ និងបន្ទាប់ពីមានការឯកភាពគ្នាពីបណ្តាភាគីដែលពាក់ព័ន្ធ ។ Windows Phone 8.1 ណែនាំជូននូវព័ត៌មានលំអិតជាងពេលមុននៅលើផ្ទៃកម្មវិធីដែលមានរាងក្រឡា ការូ, ផ្ទាំងផ្សាយព័ត៌មានសំខាន់ៗថ្មីៗពីកម្មវិធី ទូរស័ព្ទ ឲ្យឈ្មោះជាភាសាអង់គ្លេសថា “Action Centre” , កម្មវិធីវាយអក្សរដោយពុំចាំបាច់ដកម្រាមដៃចេញពីអេក្រង់ (Word Flow), និងកម្មវិធីជំនួយការផ្ទាល់ដែលអាចបញ្ជាដោយសម្លេងបាន ឲ្យឈ្មោះថា “Cortana” ។ លើសពីនេះ ជាមួយនឹង Windows Phone 8.1 សម្រាប់សហគ្រាស បានសេចក្តីថា ស្មាតហ្វូន Lumia Windows Phone 8 បច្ចុប្បន្ននឹងក្លាយទៅជាទូរស័ព្ទធុរកិច្ចកាន់តែប្រសើរឡើង ។
អមជាមួយលក្ខណៈពិសេសសំខាន់ៗនៃ Windows Phone 8.1 អ្នកប្រើប្រាស់ក៏នឹងទទួលបានបទពិសោធន៍ថ្មីៗបន្ថែមទៀតក្រោយពេល Update ។ បទពិសោធន៍ថ្មីៗទាំងនោះ គឺពាក់ព័ន្ធទៅនឹងការកែលំអមុខងារ Camera roll និង Creative Studio ក៏ដូចជាកម្មវិធីកែលំអថ្មីនៃ Nokia Storyteller សម្រាប់បង្ហាញ video slideshow ក្នុងបណ្តាញសង្គម ។
ស្មាតហ្វូន Lumia ថ្មី សំយោគនូវអ្វីដែលប្រសើរបំផុតពី Microsoft និង Lumia
Nokia Lumia 930 គឺជាឧត្តមនិមិត្តនៃ Windows Phone 8.1 ហើយមានលក្ខណៈពិសេសសំខាន់ៗដូចខាងក្រោម ៖
•កាមេរា PureView 20 megapixel ប្រើកញ្ចក់អុបទិក ZEISS ថតបានកាន់តែច្បាស់ល្អ ទាំងរូបភាព វីដេអូ និងសម្លេង ជាមួយនឹងការច្នៃប្រឌិតថ្មីលើរូបភាព ។
•ការរចនាដ៏ល្អវិចិត្រ រូបរាងខាងក្រៅផ្សំដោយលោហធាតុ រួមជាមួយនឹងប៉ូលីកាបូណាត ស្រោបលើអេក្រង់ ClearBlack ទំហំ 5” ល្អបំផុតសម្រាប់មើលវីដេអូ Vyclone, Netflix និង Xbox ទោះបីជាស្ថិតនៅក្រោមពន្លឺថ្ងៃខ្លាំងក៏ដោយ ។
•អង្គគណនា Snapdragon quad-core 2.2GHz ដែលបណ្តាលឲ្យដំណើរការនៃកម្មវិធីផ្សេងៗ, ហ្គេម, អ៊ិនធឺណិត និងសេវាកម្មផ្សេងទៀតពី Microsoft ដូចជា OneDrive និង Microsoft Office មានល្បឿនកាន់តែលឿន និងរលូនល្អ ។
Nokia Lumia 930 នឹងមានដាក់លក់នៅក្នុងអំឡុងខែមិថុនា ដោយចាប់ផ្តើមពីទ្វីបអឺរ៉ុប អាស៊ី អាស៊ីបូព៌ា និងប្រទេសឥណ្ឌា ក្នុងតម្លៃប្រហាក់ប្រហែល $599 (មិនទាន់គិតពន្ធអាករនានា) ។
Nokia Lumia 630
Nokia Lumia 635
ចំណែក Nokia Lumia 630 និង Nokia Lumia 635 វិញ ផ្តល់ជូនអ្នកប្រើប្រាស់នូវបទពិសោធន៍ Windows Phone 8.1 ក្នុងតម្លៃទាបល្មម ។ ទាំងពីរម៉ូដែលនេះ មានលក្ខណៈពិសេសសំខាន់ៗដូចខាងក្រោម ៖
•អង្គគណនា Quad Core Snapdragon ធ្វើឲ្យការវាយអក្សរដោយពុំចាំបាច់ដកម្រាមដៃចេញពីអេក្រង់ និង បទពិសោធន៍ប្រើប្រាស់បណ្តាញសង្គមកាន់តែលឿនហើយរលូនល្អទៀត ។
•ការរចនារំលេចទៅដោយពណ៌ដ៏ស្រស់ឆើតឆាយ, អ្នកប្រើប្រាស់អាចប្តូរសំបកគម្របថ្មបាន, មានអេក្រង់ ClearBlack ទំហំ 4.5” ល្អសម្រាប់ប្រើកម្មវិធីនានា និងការកម្សាន្តលេងហ្គេម ឧទាហរណ៍ដូចជា Asphalt 8 និង Vimeo ជាដើម។
•មានច្រើនជម្រើស ដូចជា Lumia 630 3G ស៊ីមមួយ, Lumia with 3G ស៊ីមពីរ និង Lumia 635 4G/LTE ។
•ផ្តល់បទពិសោធន៍ដូចគ្នាទៅនឹងស្មាតហ្វូន Lumia លំដាប់កំពូលដូចជា SensorCore, Microsoft Office, Nokia Camera, Nokia MixRadio streaming ដោយឥតគិតថ្លៃ, ផែនទីពិភពលោក និងកម្មវិធីបង្ហាញផ្លូវដោយឥតគិតថ្លៃ ដែលជួយសន្សំពេលវេលា និងថវិកា ។
Nokia Lumia 630 នឹងត្រូវចេញលក់នៅក្នុងអំឡុងខែឧសភា ដោយចាប់ផ្តើមពីទ្វីបអាស៊ី, ឥណ្ឌា/អាស៊ី បូព៌ា, អាមេរិកខាងត្បូងនិងអឺរ៉ុបក្នុងតម្លៃប្រមាណ $159 (មិនទាន់គិតពន្ធអាករ) សម្រាប់ស្មាតហ្វូនស៊ីម មួយ និង $169 សម្រាប់ ស្មាតហ្វូនស៊ីមពីរ ។ ចំណែកស្មាតហ្វូន Nokia Lumia 635 នឹងមានលក់ជាសាកល ដោយរាប់បញ្ចូលទាំងសហរដ្ឋអាមេរិកផង នៅក្នុងអំឡុងខែមិថុនា-សីហា ខាងមុខនេះ ក្នុងតម្លៃប្រមាណ $189 (មិនទាន់គិតពន្ធអាករ) ។
Nokia Lumia 630
Nokia Lumia 635
ការអភិវឌ្ឍន៍ Ecosystem ទីបីឲ្យបានជោគជ័យ
Nokia Lumia បង្កភាពងាយស្រួលដល់បណ្តាអ្នកផលិតកម្មវិធីដើម្បីអភិវឌ្ឍន៍កម្មវិធីជំនាន់ក្រោយ ជុំវិញរូបភាព ដោយណែនាំនូវកូដ Imaging SDK 1.2 Beta ។ ដោយមានផ្តល់ជូនចាប់ពីថ្ងៃនេះតទៅនៅក្នុង developer.nokia.com/imaging, កូដ Imaging SDK ថ្មី ។ លើសពីនេះ Nokia ក៏បានប្រកាសដែរថា SensorCore API’s ក៏នឹងចាប់ផ្តើមផ្តល់ជូននៅថ្ងៃនេះសម្រាប់បណ្តាអ្នកផលិតកម្មវិធី ។