កាលពីថ្ងៃទី ១៩ ខែ កញ្ញា ឆ្នាំ ២០១៤៖ Canon បានប្រកាសបង្ហាញនូវម៉ាស៊ីនថតជំនាន់ថ្មីរបស់ EOS 7D គឺ EOS 7D Mark II ដែលប្រើបច្ចេក វិទ្យាទំនើប ជាមួយឈិបគណនារូបភាពចំនួនពីរទន្ទឹមគ្នា DIGIC 6 និង មាន សិនសឺប្រភេទ CMOS កំរិត 20.2 មេហ្គាភិចសែល ព្រមទាំងផ្តល់នូវល្បឿនថតរហ័សបំផុត ដល់ទៅ 10fps ជាមួយកញ្ចក់កែវឡេនថ្មី ហើយមានចំនុច ផ្តោតរូបភាពកាត់គ្នាដល់ទៅ 65 ចំនុច។ បច្ចេកវិទ្យាទំនើបនេះ ជួយអោយការថតរូបភាពមានសកម្មភាព រហ័សប្រកប ដោយភាពច្បាស់ល្អត្រឹមត្រូវ។ ហើយមិនត្រឹមតែល្បឿននោះទេ តែគុណភាពរូប ភាព ក្នុងគ្រប់ស្ថានភាព និង ល័ក្ខខ័ណ្ឌពន្លឺ ទាំងអស់ ត្រូវបាន ធានាដោយ សិនសឺ CMOS 20.2 មេហ្គាភិចសែល មានកំរិតពន្លឺ ISO 16,000 និងដំណើរការបញ្ជូនយ៉ាង រហ័ស ដោយឈិបគណនារូបភាព ពីរព្រមគ្នា DIGIC 6។ ពិសេស មុខងារ Dual Pixel CMOS AF ក៏ជួយអោយការផ្តោតចាប់រូបភាពក្នុងពេលថតវីដេអូនានា ប្រកបដោយគុណភាពច្បាស់ ទោះបីជារូបភាពដែលយើងថតស្ថិតក្នុងប្លង់ដែលសាំញុំា ក៏ដោយ។
លោកនាយក Edwin Teoh អគ្គនាយករង ផ្នែកទីផ្សារពាណិជ្ជកម្មអតិថិជន មកពីក្រុមហ៊ុន Canon, សិង្ហបូរី បាននិយាយ ថា៖ EOS 7D Mark II បន្តវិវត្តពីម៉ូឌែលមុន ដោយផ្តោតលើសមត្ថភាពថតរូប និង សិនសឺចាប់រូប APS-C ក្នុងប្រភេទម៉ាស៊ីន ថត DSLR ហើយនឹងឆ្លើយតបតាមតំរូវ ការម៉ាស៊ីនថត ល្បឿនលឿន និងរូបភាព ច្បាស់របស់អតិថិជន។ ម៉ូឌែលថ្មីនេះបាន ពង្រីក នូវ អ្វីដែលជាព្រំដែនរបស់ម៉ាស៊ីនថត DSLR និង សិនសឺ APS-C ជំនាន់មុន ដោយផ្តល់នូវសិនសឺជំនាន់ថ្មីប្រភេទ APS-C ដែលធានាផ្តល់ជូននូវរូបភាពប្រកប ដោយគុណភាពខ្ពស់និងសមត្ថ ភាពថតរូបទំនើប។
ល្បឿនថតរហ័សជាមួយការផ្តោតស្វ័យប្រវត្តិ AF
អ្នកថតរូបជំនាញមួយចំនួនធំ តែងសរសើរជាមួយសមត្ថភាពថតរូបរហ័សរបស់ ម៉ាស៊ីនថត Canon EOS 1D Mark IV ។ ដោយឡែក ម៉ាស៊ីនថត Canon EOS 7D Mark II បានចម្លងនូវគុណសម្បត្តិរបស់ 1D Mark IV នេះ ទៅក្នុងតួម៉ាស៊ីន តាម រយៈ ការប្រើប៊ូតុងថត និងកញ្ចក់ថ្មី ដែលធ្វើអោយវាអាចថតក្នុងល្បឿនដល់ទៅ 10fps និង អាចថតគ្រប់សកម្មភាព ជា មួយភាព ច្បាស់ ត្រឹមត្រូវមុតល្អ។ ពិសេស EOS 7D Mark II បានបន្ថែមនូវអាយុកាលនៃចំនួន ប៊ូតុងចុចថត (Shutter Release) រហូតដល់ 200,000 ដង លើសម៉ូឌែល មុនដែលមានត្រឹមតែ 150,000។ សំរាប់អ្នកប្រើប្រាស់ដែលចូលចិត្តធ្វើ ការថតបន្តបន្ទាប់ក្នុងល្បឿនយឺតៗ ម៉ាស៊ីនថត EOS 7D Mark II ក៏អនុញ្ញាតិ អោយ លោកអ្នកធ្វើការសំរួលល្បឿនថតផង ដែរ ដែលមុខងារនេះ មានតែក្នុងម៉ូឌែលប្រភេទ EOS 1D ប៉ុណ្ណោះ កាលពីមុន។ ជាមួយកញ្ចក់ថ្មីដែលមានយន្តការ កាត់ បន្ថយការជះត្រលប់មកវិញនៃពន្លឺ អ្នកប្រើប្រាស់អាចជ្រើស យកមុខងារថត សំលេងស្ងាត់ (Silent Mode) នៅពេលកំពុង ថតក្នុងល្បឿន 4fps។ចំនែកចំនុចផ្តោតកាត់គ្នា 65-point all cross-type AF គ្របដណ្តប់លើចំនុចផ្តោត ធំជាងសិនសឺ ប្រភេទ APS-C របស់ ម៉ាស៊ីនថតណាណាទាំងអស់ ដែលជួយបង្កើននូវភាពត្រឹមត្រូវក្នុងការផ្តោតយករូបភាពមាន ចលនា លឿនៗ។ ហើយចំនុច ផ្តោតចំកណ្តាល សើ្មនឹង f/2.8 ជួយអោយលោកអ្នកអាចថតក្នុងលក្ខខណ្ឌ ពន្លឺតិចតួច បំផុតក្នុង កំរិតពន្លឺក្នុងម៉ាស៊ីនថតលេខ3 (Exposure Value-3 luminance)។
EOS 7D Mark II ក៏មានភ្ជាប់មុខងាររបស់ Canon ហៅថា EOS iTR AF system (មុខងារតាមចាប់រូបភាព និងការ សំគាល់) ដែលដំណើរការជាមួយ EOS iSA (មុខងារវិភាគរូបភាព) ក្នុងការសំគាល់ និងតាមចាប់ ពណ៌ និងផ្ទៃមុខ របស់រូបភាព។ ជាមួយសមត្ថភាពគណនាប្រសិទ្ធិភាពកាន់តែល្អនេះ ប្រព័ន្ធថតទាំងមូលពិត ជាជួយអោយ ការអង្កេត យកទំរង់រូបភាពមនុស្ស ផ្តោតលើផ្ទៃមុខមានភាពងាយស្រួលក្នុងការចាប់យក។ ជាមួយគ្នានេះដែរ ប្រសិទ្ធិភាព ថ្មីនៃបច្ចេកវិទ្យាតាមចាប់ ពណ៌ រូបភាពជួយអោយការតាមចាប់រូបភាពមាន ចលនា បាននឹងនរល្អ។ ហើយករណីមានការផ្លាស់ប្តូរទិសដៅ ឬល្បឿននោះ ប្រព័ន្ធ EOS iTR AF នឹងធ្វើ ការផ្លាស់ប្តូរចំនុច AF ស្របតាមចលនា ទាំងនោះផងដែរ។
ម្យ៉ាងទៀត មុខងារនៃប្រព័ន្ធ EOS iTR AF ត្រូវបានសំរួលដោយ AI Servo AF III និង ការកំណត់ AF ដើម្បីជួយ ដល់ការថត ប្រកបដោយភាពនឹងនរ និង ត្រឹមត្រូវ។ មុខងារ AI Servo AF III ធ្វើការប៉ាន់ស្មាន នូវចលនា របស់ រូបភាពយ៉ាងត្រឹមត្រូវ និងតាមចាប់រូបភាពជានិច្ចទោះបីជាចំនុចផ្តោតរូបភាព AF point ទទួលរងការបាត់បង់ រូបភាពជាបណ្តោះអាសន្នក៏ ដោយ ។ ដូចនេះ ដើម្បីសំរួលដល់មុខងារផ្តោតលើរូបភាព AF លោកអ្នកអាច ជ្រើស ការកំណត់មួយ ក្នុងចំនោម 6 នៃមុខងារ ផ្តោតលើ រូបភាព AF ដើម្បីជួយបង្កើនភាពត្រឹមត្រូវនៃការថតក្នុងស្ថានភាពខុសគ្នា។
រូបភាពច្បាស់គ្មានគូប្រជែង
EOS 7D Mark II ជាម៉ាស៊ីនថតម៉ាក Canon ប្រភេទ DSLR មានសិនសឺប្រភេទ CMOS 20.2 មេហ្គាភិច សែល ដំណើរការលើ ឈិបគណនារូបពីរព្រមគ្នា DIGIC 6 ដែលជាបង្គុំដ៏មានឥទ្ធិពល ក្នុងការលប់ បំបាត់ ចំនុចល្អិតរំខានលើរូប (Noise) និង មានសមត្ថភាពចាប់រូបភាពរហ័ស ទាំងរូបភាពបែបវីដេអូ ឬ រូបសន្លឹក។ ពិសេស សំរាប់អ្នកប្រើប្រាស់ក្នុងការផលិត ខ្សែ វីដេអូ ពោរពេញដោយសកម្មភាពវិញ ម៉ាស៊ីនថតនេះផ្តល់នូវ សមត្ថភាពថតក្នុងទំរង់RAW ដល់ទៅ 31 ប៉ុស្តិ៍។ ចំនែកកែវ បង្ហាញរូបភាព ហៅថា Viewfinder វិញផ្តល់នូវការបង្ហាញរូបភាពដល់ទៅជិត ១០០ភាគរយ នៃ រូបភាពទាំងមូលព្រម ទាំង ទិន្ន័យនៃមុខងារថត ការកំណត់ពន្លឺក្នុងម៉ាស៊ីន និង កំរិតអេឡិចត្រូនិចមួយ។ ហើយ គ្រប់ ការកំណត់ទាំងអស់ អាចត្រូវ ផ្លាស់ប្តូរនៅពេលលោកអ្នក កំពុងមើលក្នុងកែវ Viewfinder ផងដែរ ៕
ការគ្រប់គ្រងមុខងារថតភាពយន្តទំនើបចុងក្រោយ
EOS 7D Mark II ផ្តល់នូវសមត្ថភាពថតបែបភាពយន្តជាមួយបច្ចេកវិទ្យាថ្មី DUAL PIXEL CMOS AF ដែលផ្តល់ នូវការផ្តោត យកយ៉ាងរហ័សនូវភាពខុសគ្នានៃ AF លើបន្ទះសិនសឺ CMOS។ មុខងារនេះ បានជួយអោយការ ថតបែបភាពយន្ត ឬ ការ ថតមើលតាមអេក្រង់ Live View ធ្វើការចាប់រូបភាពបានល្អទោះបីរូបភាពធ្វើចលនាផ្លាស់ទីក្នុងរយៈចំងាយណា ក៏ដោយ។ ពិសេស Dual Pixel CMOS AF ជួយអោយមុខងារ Movie Servo AF តាមចាប់រូបភាពបានរហ័ស គុណភាព ច្បាស់ឥតខ្ចោះ និងមានសំលេងស្ងាត់ល្អនៅពេលដំណើរការជាមួយកែវឡេន STM។ ចំនែក ល្បឿនផ្តោតលើ រូបភាព AF ក៏អាចធ្វើការ សំរួល អោយស្របតាមស្ទីលថតពិសេសៗ ដូចជាការប្តូរល្បឿននៃ ការផ្តោត អោយយឺតបន្តិចដើម្បីបង្កើតភាពស្រទន់ លើរូបភាព។សំរាប់គុណភាពវីដេអូវិញ ម៉ាស៊ីនថត EOS 7D Mark II អាចថតក្នុងកំរិតច្បាស់ FULL HD ឬ ក្នុងល្បឿនខ្សែភាព យន្ត ទូទៅ 24fps ឬ ល្បឿនលឿន 60fps នឹង អាចធ្វើការរក្សាក្នុងទំរង់ MOV ឬ MP4 ។ ពិសេស លោកអ្នកក៏អាចផលិតខ្សែ វីដេអូក្នុង ទីតាំងងងឹតនានា យ៉ាងច្បាស់ល្អជាមួយប្រព័ន្ធពន្លឺ ISO 16,000ផងដែរ។
មុខងារប្រមូលផ្តុំជួយដល់អ្នកប្រើប្រាស់
យើងដឹងហើយថាពន្លឺមានការផ្លាស់ប្តូរជានិច្ចដែល ភ្នែកមនុស្សធម្មតាពុំអាចអង្កេតដឹងពីភាពខុសគ្នាបានទេ ហើយការ ប្រែប្រួល នៃកំរិតពន្លឺនេះ អាចធ្វើអោយលោកអ្នកថតនូវរូបភាពក្នុងកំរិតពន្លឺមិនគ្រប់គ្រាន់ក៏ថា បាន។ នៅក្នុងម៉ាស៊ីនថត EOS 7D Mark II វាមានសមត្ថភាពចាប់យកភាពខុសគ្នានៃពន្លឺដែលមានការផ្លាស់ ប្តូរទាំងនេះដោយបង្កើននូវកំរិតពន្លឺនិង ចាប់យកតែរូបភាព ដែលមានកំរិតពន្លឺខ្ពស់ប៉ុណ្ណោះ កាត់បន្ថយនូវពន្លឺ ប្រែប្រួល ដែល កើតឡើង។ ម៉ាស៊ីនថតនេះ ក៏បានបញ្ចូលនូវ ទិន្ន័យពីកាំពន្លឺ ជាមួយនឹងទិន្ន័យនៃ ពណ៌ RGB ដើម្បីទទួលបាន នូវការគ្រប់គ្រងល្អបំផុតលើផ្ទៃពណ៌ស (White Balance)។ លោកអ្នកក៏អាច ថតបែប Time-Lapses movies និង Long-Exposure ដោយមិនប្រើឧបករណ៍ បញ្ជា បន្ថែមនោះទេ ជាមួយមុខងារ Interval and Bulb Timer ហើយការ បង្កើនសមត្ថភាពក្នុងប្រពន្ធ័ថត High Dynamic Range (HDR ដែលជា ការថតរូបភាពក្នុង ស្ថានភាពខ្វះ ពន្លឺ ឬចាំងពន្លឺ) ក៏ជួយអោយលោកអ្នកអាចទទួលអត្ថប្រយោជន៍ ពីការ ថត ដោយដាក់កំរិតពន្លឺខុសៗគ្នាចេញពីម៉ាស៊ីនថតផងដែរ។ ម្យ៉ាងទៀត ដើម្បីជួយសំរួលដល់មុខងារប្រើប្រាស់ EOS 70D Mark II ក៏ត្រូវបានផលិតភ្ជាប់ជាមួយនូវ ជំរើសអាច កំណត់បានជាច្រើនផងដែរ រួមមានកាំសំរាប់កំណត់ ចំនុចផ្តោតលើ រូបភាព AF ប៊ូតុងគ្រប់គ្រងការកំណត់នានាដូចជាល្បឿន ISO និងការកំណត់ផ្សេងៗទៀត ដែលរួមមានដល់ទៅ 11 ប្រភេទ។ អ្នកប្រើប្រាស់កំរិតជំនាញ ពិតជាអាចធ្វើការប្រើប្រាស់ជាមួយការគ្រប់គ្រងច្រើនបែបនេះ ដើម្បីបន្ថែមល្បឿន នៃការងារនានា។ EOS 7D Mark II មានរន្ធដាក់កាតមេម៉ូរីចំនួនពីរ គឺ CF card និង SD card ងាយស្រួលក្នុងការរក្សា ទុករូប ភាព ឬ វីដេអូទៅក្នុង កាតមេម៉ូរីទាំងពីរក្នុងពេលតែមួយ ជួយការពារពីការបាត់បង់ណាមួយ។ ពិសេស ម៉ាស៊ីនថតនេះ មាននូវរន្ធដោត ខ្សែ USB 3.0 Digital Terminal ផងដែរ សំរាប់ការផ្ទេរទិន្ន័យ ល្បឿនលឿនបំផុតដែលជាបច្ចេកវិទ្យាដំបូង ក្នុងត្រកូលម៉ាស៊ីនថតEOS។ ពិសេសតួម៉ាស៊ីនថត EOS 7D Mark II មានលក្ខណៈរឹងមាំ តែមានទំងន់ស្រាល ធ្វើពីលោហៈ ម៉ាញេស្យូម និងត្រូវបានស្រោប យ៉ាងល្អ ដែលអាចធន់នឹងធូលី ឬ សំណើម ខ្លាំងជាងម៉ូឌែល EOS 7D ដល់ទៅបួនដង។
សំភារៈបន្ថែមសំរាប់បទពិសោធថតរូបកាន់តែប្រសើរ
លោកអ្នកដែលចូលចិត្តថតរូបយូរ អាចបន្ថែមជាមួយថ្មភ្ជាប់ទៅនឹងតួម៉ាស៊ីននេះ ដែលមានម៉ូឌែល BG-E16 ព្រោះវាមាន គុណភាពល្អ និងប៊ូតុងជ្រើសរើសចំនុច AF សំរួលដល់ការថតនៅពេល លោកអ្នកកាន់ម៉ាស៊ីនបញ្ឈរ។ ម្យ៉ាងទៀត លោក អ្នកក៏អាចប្រើនូវជំរើសបន្ទះ Super Precision Matte ដើម្បីធ្វើការផ្តោតចាប់ប្លង់បាន ច្បាស់ល្អ នៅពេលប្រើជាមួយកែវ ឡេន ក្នុងកំរិត Aperture f/2.8 ឬ ធំជាងនេះ។ចំពោះការផ្ទេរទិន្ន័យដោយឥតខ្សែ លោកអ្នកក៏អាចជ្រើសយក Wireless File Transmitter ម៉ូឌែល WFT-E7 ក្នុងការផ្ទេរ រូបភាពពី EOS 7D Mark II ទៅកាន់ឧបករណ័ដទៃ ហើយឧបករណ៍ភ្ជាប់បន្ថែមនេះ មានល្បឿន លឿនអាចជឿជាក់បាន។
តំលៃ និង កាលបរិច្ឆេទនៃការដាក់លក់
តំលៃ និងកាលបរិច្ឆេទនៃការដាក់លក់ម៉ាស៊ីនថត EOS 7D Mark II និង សំភារៈបន្ថែម នឹងត្រូវជូនដំណឹងនា ពេលក្រោយ ឆាប់ៗនេះនៅក្រុម ហ៊ុន i-Qlick Marketing Co., Ltd រាជធានីភ្នំពេញ។
