ក្រុមហ៊ុន Samsung Electronics បានចូលរួមនៅក្នុងពិព័រណ៍សៀវភៅហ្វ្រែងហ្វើត ដែលជាពិព័រណ៍ប្រមូលផ្តុំសៀវភៅអានរបស់អ្នកនិពន្ធល្បីៗបំផុតក្នុងពិភពលោក។ វត្តមានរបស់ Samsung Electronics ក្នុងពេលនេះ គឺជាដៃគូផ្តួចផ្តើមប្រកបដោយគំនិតច្នៃប្រឌិតដំបូងបង្អស់ក្នុងការបង្ហាញឧបករណ៍អេឡិចត្រូនិកដែល ផ្តល់សមត្ថភាពខ្ពស់លើការអានអក្សរបែបឌីជីថលថ្មី ដើម្បីសម្របតាមការវិវឌ្ឍនៃបច្ចេកវិជ្ជាក្នុងពេលបច្ចុប្បន្ន ដូចជាគ្រប់ស៊េរីទូរស័ព្ទ និង Tablet ក្នុងត្រកូល Galaxy។ នៅក្នុងពិព័រណ៍នោះ លោក Paulo Coelho ដែលជាកវីនិពន្ធបទចម្រៀង និងសៀវភៅទទួលបានពានរង្វាន់អន្តរជាតិជាច្រើន និងទទួលបានរហស្សនាមជា weltbestsellerauor របស់ពិភពលោកបាននិយាយថា ការអានផ្តល់សារៈប្រយោជន៍សំខាន់ធំ 2 គឺការកម្សាន្ត និងចំណេះដឹង។
យោងតាមរយៈសម្តីរបស់លោក Younghee Lee អនុប្រធានប្រតិបត្តិជាន់ខ្ពស់ទីផ្សារសកល ផ្នែក ព័ត៌មានវិទ្យា & ទូរស័ព្ទចល័តនៃក្រុមហ៊ុន Samsung Electronics បានឱ្យដឹងថា “សៀវភៅអានអេឡិចត្រូនិកបានទៅដល់ដៃអ្នកអានតាមលក្ខណៈប្រភេទឌីជីថលផ្សេងគ្នា ដូចនេះហើយទើប Samsung ព្យាយាមផ្តល់ជូននូវជម្រើសឧបករណ៍បច្ចេកវិជ្ជាទំនើប និងច្នៃប្រឌិតចុងក្រោយដែលផ្តោតលើការអាន និងមាតិកា។ នៅក្នុងស្មារតីនេះ យើងបានសហការជាមួយពិព័រណ៍សៀវភៅ ហ្វ្រែងហ្វើត ជាកន្លែងដែលយើងអាចធ្វើការបង្ហាញពីការប្តេជ្ញាចិត្តចំពោះការបោះពុម្ពផ្សាយអន្តរជាតិ និងការលះបង់របស់យើងដើម្បីដំណោះស្រាយបញ្ហាបទពិសោធន៍អានសៀវភៅ ដែលបង្ហាញតាមរយៈទូរស័ព្ទ Galaxy Note 4 និង Tablet Galaxy Tab S ជាឧបករណ៍អេឡិចត្រូនិកកំពុងនាំមុខគេ និងពិតជាស័ក្តិសមបំផុតសម្រាប់ការអានរបស់មនុស្សជំនាន់ថ្មី។
ចំពោះលោក Jergen Boos នាយករៀបចំពិព័រណ៌សៀវភៅ ហ្វ្រែងហ្វើត បានឱ្យដឹងផងដែរថា “យើងពិតជាមានមោទនភាពដែលមាន Samsung ជាដៃគូគំនិតច្នៃប្រឌិតដំបូងបង្អស់ និងយើងខ្ញុំពិតជារីករាយក្នុងការបង្ហាញនូវបច្ចេកវិជ្ជាក្នុងការផ្លាស់ប្តូរជីវិតរស់នៅរបស់យើង និងរបៀបទទួលយកនូវអ្វីដែលមានក្នុងនោះ។ក្នុងឆ្នាំ 2013 Samsung បានចាប់ផ្តើមផ្តោតសំខាន់លើការអានឌីជីថល តាមរយៈការណែនាំ Galaxy Note 8.0 ដោយបំពាក់នូវបច្ចេកវិជ្ជាសម្រាប់ភាពងាយស្រួលក្នុងការអាន ក៏ដូចជាកែសម្រួលពន្លឺ និងផ្ទៃពណ៌ជាដើម។
ដោយមើលឃើញពីតម្រូវការ និងភាពពេញនិយមលើការអានបែបឌីជីថលកាន់តែខ្លាំង ក្នុងដើមឆ្នាំនេះ Samsung បានផ្តល់ជូនកម្មវិធី Kindle ដែលជាបណ្ណាល័យសៀវភៅឌីជីថលសម្រាប់ទូរស័ព្ទ និងTablet ស៊េរី Galaxy។ Samsung ក៏បានសហការជាមួយ Barne & Noble ដោយបញ្ចេញ Galaxy Tab 4 NOOK នៅសហរដ្ឋអាមេរិក ដែលជា Tablet ចុងក្រោយបំផុតបំពាក់ដោយបច្ចេកវិជ្ជាពិសេសគ្រប់យ៉ាងសម្រាប់ការអាន។ Samsung បន្តការអភិវឌ្ឍន៍បច្ចេកវិជ្ជាច្នៃប្រឌិតថ្មីលើទូរស័ព្ទដើម្បីកែតម្រូវ និងធ្វើឱ្យការអានបែបឌីជីថលកាន់តែប្រសើរឡើង ដូចជាបញ្ហាពន្លឺចាំងដែលផ្តល់ផលវិបាកពេលអាននៅខាងក្រៅបន្ទប់ និងជួយសម្រួលដល់ភ្នែកនៅពេលអានក្រោមពន្លឺតិច។ នៅខែ មិថុនា 2014 ថ្មីៗនេះ Samsung បានសហការជាមួយ Marvel ដើម្បីនាំយកបណ្ណាល័យ ដ៏អស្ចារ្យផ្ទុកដោយសៀវភៅអាន 15,000 ក្បាល ទៅក្នុង Galaxy Tab S តាមរយៈកម្មវិធី Marvel Unlimited Application។ Samsung និង Marvel កំពុងធ្វើការយ៉ាងសកម្មដើម្បីបន្ថែមមាតិកាឱ្យកាន់តែទំនើបនៅលើ Galaxy Tab S និងនាឡិកា Gear VR។
លោក Joe Quesada ប្រធានផ្នែកច្នៃប្រឌិត Marvel Entertainment បានបញ្ជាក់ប្រាប់ថា “Marvel មានបំណងបង្កើតនូវបទពិសោធន៍ការអានកម្សាន្តលក្ខណៈឌីជីថលដ៏អស្ចារ្យមួយដោយផ្តល់ភាពរីករាយ និងការផ្សាភ្ជាប់អារម្មណ៍អ្នកឱ្យដូចនៅពេលអ្នកអានសៀវភៅផ្ទាល់។ ភាពជាដៃគូរបស់យើងជាមួយ Samsung បានជួយរក្សាកម្រិតគុណភាពជាមួយសមត្ថភាពដើម្បីផ្តល់រឿងប្រលោមលោកឌីជីថល នៅលើឧបករណ៍បច្ចេកវិជ្ជាច្នៃប្រឌិតថ្មីដែលមិនគ្រាន់តែត្រូវបានបង្កើតឡើង ប៉ុន្តែផ្តល់ជូនលើសពីការ គិតដូចជាពណ៌ និងគុណភាពអក្សរ។ យើងក៏បានសហការជាមួយ Samsung ដើម្បីនាំយកសាច់រឿង ប្រលោមលោកឱ្យទៅជាខ្សែភាពយន្តដើម្បីឱ្យឃើញរូបភាពពិតជាក់ស្តែងដែលអាចទស្សនាបាននៅ លើទូរស័ព្ទ Samsung ដ៏អស្ចារ្យរបស់ពួកគេ។”
ពិព័រណ៍សៀវភៅអាន ហ្វ្រែងហ្វើត គឺជាបុត្រសម្ព័ន្ធសមាគមបោះពុម្ពផ្សាយអាឡឺម៉ង់ និងអ្នកលក់សៀវភៅ និងជាពិព័រណ៍សៀវភៅអានអន្តរជាតិធំជាងគេបំផុតដែលមានអ្នកតាំងពិព័រណ៌ 7,300 នាក់មកពីបណ្តាប្រទេសជាង 100 ប្រទេស និងអ្នកចូមរួមប្រមាណ 275,000 នាក់ ជាមួយកម្មវិធីច្រើនជាង 3,400 ព្រមទាំងចួលរួមពីបណ្តាអ្នកកាសែតអន្តរជាតិល្បីៗ 9,000 នាក់ ផងដែរ។
ក្រុមហ៊ុន Samsung Electronics គឺជាក្រុមហ៊ុននាំមុខគេលើពិភពលោកផ្នែកបច្ចេកវិជ្ជាដោយផ្ដល់លទ្ធភាពថ្មីៗ ជូនមនុស្សគ្រប់រូបគ្រប់ទីកន្លែង។ តាមរយៈការបង្កើតថ្មីនិងរបកគំហើញឥតឈប់ឈរ យើងកំពុងតែផ្លាស់ប្ដូរឱ្យកាន់តែប្រសើរឡើងនូវពិភព ទូរទស្សន៍ ស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីនថតរូប ឧបករណ៍ផ្ទះបាយ ម៉ាស៊ីនថតចម្លង ប្រព័ន្ធ LTE ឧបករណ៍វេជ្ជសាស្ត្រ ឧបករណ៍ផ្សេងៗប្រើប្រព័ន្ធអគ្គិសនី និងដំណោះស្រាយផ្សេងៗប្រើប្រព័ន្ធ LED។ យើងមានបុគ្គលិកចំនូន 286.000 នាក់ នៅទូទាំង 80 ប្រទេស ដោយមានបរិមាណលក់ប្រចាំឆ្នាំចំនួន 216.7 ពាន់លានដុល្លាអាមេរិក។ព័ត៌មានបន្ថែមសូមមើលគេហទំព័រ www.samsung.com។