ថ្មីៗនេះ ក្រុមហ៊ុន Samsung បានដាក់ចេញជាផ្លូវការនូវទូរស័ព្ទ Galaxy A ដែលត្រូវបានរចនារូបរាងថ្មី ដែលតួម៉ាស៊ីនធ្វើពីលោហៈសម្រាប់មនុស្សជំនាន់ថ្មី ដើម្បីបង្ហាញនូវស្ទាយទាន់សម័យប្លែកៗ និងជីវិតរស់នៅប្រចាំថ្ងៃ។
ក្រុមហ៊ុន Samsung Electronics បានឱ្យដឹងថា Samsung Galaxy A ជាទូរស័ព្ទស្មាតហ្វូនសម្រាប់មនុស្សសម័យថ្មីដែលបានរចនាយ៉ាងផ្ចិតផ្ចង់ជាទីបំផុតលើរូបរាងដ៏ស្តើងស្រស់ស្អាត ជាមួយតួស្រោបដោយលោហៈដ៏រឹងមាំរួមនឹងការផ្សាភ្ជាប់ បទពិសោធន៍ដ៏ប្រសើរផ្សាភ្ជាប់ទៅនឹងបណ្តាញសង្គម និងកម្មវិធីប្លែកៗជាច្រើនដែលសុទ្ធសឹងតែបម្រើផលប្រយោជន៍ដែលមិនអាចខ្វះបាន។ វាជាទូរស័ព្ទដែលអាចផ្តល់នូវអ្វី កាន់តែអស្ចារ្យមួយកម្រិតទៀតដល់មនុស្សជំនាន់ថ្មី និងយុវវ័យដែលចូលចិត្តស្ទាយកាលីបប្លែកៗ។
អេក្រង់
បំពាក់ដោយបច្ចេកវិជ្ជាអេក្រង់ Super AMOLED ច្បាស់ឥតខ្ចោះដូចធម្មជាតិ និងផ្តល់ពណ៌ដិតច្បាស់ទោះបី មើលក្រោមពន្លឺថ្ងៃ។
រចនារូបរាង
Galaxy ស៊េរី A ជាម៉ូឌែលទូរស័ព្ទរាងស្តើងជាងគេបំផុតរបស់ Samsung ជាមួយការរចនារាងដ៏កាលីបព័ទ្ធ ដោយលោហៈ ហើយមានជម្រើសនៃពណ៌ជាច្រើនសម្រាប់យុវវ័យដើម្បីបង្ហាញនូវស្ទាយជីវិតដ៏រីករាយ របស់ខ្លួន។
ថតរូប Selfie បែបថ្មី
ថតរូប Selfie បែបថ្មី ច្បាស់ល្អដាច់គេជាមួយកាមេរ៉ាមុខទំហំ 5 មេហ្គាភិកសែល ជាមួយកម្មវធី ថតរូបប្លែកដូចជា Wide Selfie, Palm Selfie, Animated GIF, Beauty Face Features និង Rear-cam Selfie ជាដើម។
សមត្ថភាពប្រព័ន្ធដំណើរការ
Galaxy ស៊េរី A មានអង្កចងចាំរហូតដល់ 16GB និងបំពាក់ដោយ Quad Core 1.2 GHz, LTE DS/3G DS: A53 1.5GHz Quad + A53 1.0GHz Quad, LTE SS: A15 1.8GHz Quad + A7 1.GHz Quad processor សម្រាប់ប្រើកម្មវិធីច្រើនក្នុងពេលតែមួយ និងអ៊ីនធើណិតល្បឿនលឿន។ ពិសេសជាងនេះទៅទៀត ទូរស័ព្ទស៊េរីនេះភ្ជាប់មកជាមួយ Galaxy devices ដែលមានកម្មវិធី Ultra-Power Saving Mode, Private Mode និង Multiscreen ផងដែរ។
ល្បីថា Samsung Galaxy A មានរហូតដល់ទៅ ៣ ស៊េរី ដើម្បីបំពេញតម្រូវការរបស់យុវវ័យ ដូចជា Samsung Galaxy A3 Galaxy A5 និង Galaxy A7 ដែលនឹងដាក់លក់ជាផ្លូវការនៅលើទីផ្សារកម្ពុជាក្នុងពេលឆាប់នេះ។ យើងរង់ចាំស្ទាបផ្ទាល់ទាំងអស់គ្នា ថាតើ Samsung Galaxy A នីមួយៗ មានលក្ខណៈពិសេស និងកាលីបយ៉ាងណា ហើយមានលក្ខណៈខុសគ្នាដូចម្តេចខ្លះ រវាង A3 A5 និងA7 នេះ!
Samsung Electronics គឺជាក្រុមហ៊ុននាំមុខគេលើពិភពលោកផ្នែកបច្ចេកវិជ្ជា ដោយផ្តល់លទ្ធភាពថ្មីៗជូនមនុស្ស គ្រប់រូប គ្រប់ទីកន្លែង។ តាមរយៈការបង្កើតថ្មី និងរបកគំហើញឥតឈប់ឈរ យើងកំពុងតែ ផ្លាស់ប្តូរឲ្យកាន់តែប្រសើរឡើងនូវពិភពទូរទស្សន៍ ស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីនថតរូប ឧបករណ៍ផ្ទះបាយ ម៉ាស៊ីនថតចម្លង ប្រព័ន្ធ LTE ឧបករណ៍វេជ្ជសាស្ត្រ ឧបករណ៍ផ្សេងៗប្រើប្រព័ន្ធអគ្គិសនី និងដំណោះស្រាយផ្សេងៗប្រើប្រព័ន្ធ LED។ យើង មានបុគ្គលិកចំនួន 286.000 នាក់ នៅទូទាំង 80 ប្រទេស ដោយមានបរិមាណលក់ប្រចាំឆ្នាំ ចំនួន 216.7 ពាន់លានដុល្លារអាមេរិក។ ត៌មានបន្ថែម សូមមើលគេហទំព័រ www.samsung.com។
