ទីក្រុង LAS VEGAS, ខែមករា ឆ្នាំ2015 ក្រុមហ៊ុន LG Electronic (LG) នៅតែបន្តក្នុងការជំរុញនូវ ការវិវត្តន៍នៃទំនើបកម្មទូរសព្ទដៃស្មាតហ្វូនសាកលថ្មីរូបរាងកោង G Flex2 នៅឯ CES អន្តរជាតិ 2015 ក្នុងទីក្រុង LAS VEGAS។ ឆ្លងកាត់តាមបទពិសោធន៍ដើមនៃទូរសព្ទដៃម៉ូដែល G Flex ដែលបានទទួលនូវភាពវិជ្ជមានដ៏ខ្លាំងក្លាសំរាប់បរិបទនៃការរចនាដែលមានការរូមបញ្ចូលនូវគំនិតដ៏អស្ចារ្យក្នុងរយះពេល 1 ឆ្នាំកន្លងទៅនេះ។ ទូរសព្ទដៃម៉ូដែលថ្មី G Flex2 ត្រូវបានរចនាឡើងដោយមានការពង្រឹងបន្ថែមនូវបច្ចេកវិទ្យាដ៏អស្ចារ្យនាំមុខគេ កាន់តែពិសេស ទៅលើបច្ចេកវិទ្យាកាលពីមុន លើគ្រប់ផ្នែកនៃទូរសព្ទដៃ ជាមួយនឹងប្រព័ន្ធដំណើរការដ៏រហ័ស ដែលផ្តល់នូវសារះសំខាន់ដ៏អស្ចារ្យ និងផាសុកភាពបំផុតដល់អ្នកប្រើប្រាស់។
ទូរសព្ទដៃ LG G Flex2 ត្រូវបានបង្កើតឡើងជាមួយស្តាយថ្មីដែលមានរូបរាងកោង ព្រមទាំងត្រូវបានបំពាក់ដោយអង្គប្រតិបត្តិការដែលមានល្បឿនលឿនបំផុត Qualcomm® Snapdragon™ 810 CPUs Octa-Core 64-bit ដែលធ្វើអោយទូរសព្ទដ៏អស្ចារ្យនេះមានប្រព័ន្ធដំណើរការមួយប្រកបដោយភាពរហ័សរហួន នឹងមានដំណើរការយ៉ាងរលូនបំផុត។ ជាមួយនឹងអេក្រង់ទំហំ 5.5 អ៊ីញ រូបភាពកំរិត Full HD ជាមួយនឹងអានុភាពដ៏ពិសេសនៃប្រព័ន្ធ Softwareថ្មីបានផ្តល់នូវផាសុកភាពបំផុតទៅលើគ្រប់បច្ចេកវិទ្យា នឹងលក្ខណះនៃទូរសព្ទថ្មីនេះដែលមានដូចជា បច្ចេកវិទ្យាថ្មី Gesture View និង Glance View។ ដែលអស្ចារ្យបំផុតនោះគឺបច្ចេកវិទ្យាដែលមានតែមួយគត់ “Self Healing” ដែលបានមកពីទូរសព្ទដៃម៉ូដែលច្បង G Flex បានបន្តវេនមកទូរសព្ទ G Flex2 ដោយមានលក្ខណះកាន់តែពិសេសបន្ថែមទៀងផងដែរ។
ការអត្ថធិប្បាយអំពីរូបរាងដ៏ស្រស់ស្អាតពិសេសអស្ចារ្យ
G Flex2 មានការរចនាដោយមានរាងកោងទំហំ 700mm ស្របនឹងលក្ខណះធម្មជាតិនៃបាតដៃ។ ជាប្រភេទទូរសព្ទដៃស្មាតហ្វូនថ្មីដែលមានសំឡេងដ៏ពិរោះស្របនិងចង្វាក់នៃការរោធិ៍បែបធម្មជាតិនៃភាពកោងដ៏ពិសេស ដែលសំឡេងរោទិ៍នោះត្រូវបានឆ្លងកាត់នឹងលឺបានគ្រប់ផ្នែកនៃទូរសព្ទដៃដូចជាផ្នែកខាងមុខ ខាងក្រោយ និងពីលើចុះក្រោមនៃគែមទូរសព្ទដៃ។
បន្ថែមពីនោះទៅទៀត ទូរសព្ទដៃម៉ូដែល G Flex2 មិនត្រឹមតែត្រូវបានរចនាឲ្យមានរូបរាងកោងដ៏ស្រស់ស្អាត និងមានភាពទាន់សម័យនោះទេ គឺត្រូវបានបង្កើតឡើងដោយមានលក្ខណះសមស្របទៅនឹងជីវភាពរស់នៅរបស់អ្នកប្រើប្រាស់ ព្រមទាំងផ្តល់ភាពងាយស្រួលក្នុងការប្រើដ៏ពិសេសដូចជាទូរសព្ទដៃនេះមានមីក្រូហ្វូន(microphone ) នៅជិតនឹងមាត់ផ្ទាល់របស់អ្នកប្រើប្រាស់តែម្តង។ រីឯសំឡេងនៃការលើកទូរសព្ទមានការផ្តល់នូវផាសុខភាពខ្ពស់បំផុតក្នុងចំណោមទូរសព្ទដៃស្មាតហ្វូនដទៃៗទៀត ដោយមិនបង្កើតឲ្យមានសំលេងចូលមករំខានខ្លាំងក្នុងពេលដែលអ្នកប្រើប្រាស់កំពុងនិយាយទូរសព្ទ។ រូបរាងដ៏ស្តើងជាមួយនឹងអេក្រង់ទំហំ 5.5 អ៊ីញ កោងសមក្នុងការមើលដោយភ្នែក និងកាន់ដោយដៃ។ ទូរសព្ទដៃដ៏អស្ចារ្យនេះមានលក្ខណះពិសេសក្នុងការស្របនឹងបាតដៃក្នុងការកាន់ និងដាក់ក្នុងហោប៉ៅ។ ជាមួយនឹងទំហំភាពច្បាស់បំផុតនៃអេក្រង់ទូរសព្ទដែមានរហូតដល់ 1080p Full HD ដែលធ្វើអោយ UI របស់ទូរសព្ទមានការលេចឡើងនូវភាពច្បាស់ និងដូចមានជីវិត។ អេក្រង់ P-OLED បានធ្វើឲ្យទូរសព្ទដៃ G Flex2 មានរូបរាងស្អាត និងប្រើបានយូរបំផុត។
បច្ចេកវិទ្យាចុងក្រោយបំផុត
G Flex2 គឺជាទូរសព្ទដៃម៉ូដែលស្មាតហ្វូនដែលដំបូងបំផុតដែលត្រូវបានប្រកាសថាត្រូវបានបំពាក់ដោយអង្គប្រតិបត្តិការ Snapdragon 810 ជាមួយនឹង CPUs Octa-Core 64-bit សំរាប់ប្រើប្រាស់អង្គ ប្រតិបត្តិការ Android 5.0 និង Qualcomm® Adreno™ 430 GPU ដែលមានភាពងាយស្រួលបំផុតក្នុងការដំណើរការក្រាហ្វិក (graphics) ផ្សេងៗ។ លក្ខណះពិសេសទាំងអស់នេះធ្វើអោយទូរសព្ទដៃស្មាតហ្វូននេះមានល្បឿនលឿនមិនគួរឲ្យជឿ និងមានប្រសិទ្ធិភាពខ្ពស់បំផុតសំរាប់ការកំសាន្ត និងកិច្ចការផ្សេងៗ។
អង្គប្រតិបត្តិការ Snapdragon 810 មានការរួមបញ្ចូលជាមួយនឹងរលកសញ្ញា 3x20MHz ដែលលឿន និងមានប្រសិទ្ធិភាពបំផុត។
អ្វីដែលបន្ថែមទៀតនោះ G Flex2 ត្រូវបានបង្កើតឡើងដោយគ្របដណ្តប់ជាមួយនឹងកញ្ចក់ផ្នែកខាងក្រៅដែលមានភាពរឹងមាំ និងជាប់បានយូរបំផុត ដែលគួរឲ្យថ្លែងអំណរគុណដល់អ្នកជំនាញនៃក្រុមហ៊ុន LG។ បច្ចេកវិទ្យា “Self Healing” ជាបច្ចេកវិទ្យាមួយដែលសំរាប់រក្សាទូរសព្ទដៃអោយមើលទៅមានលក្ខណះថ្មី ទោះបីជាមានការឆ្កូតឬកោសក៏ដោយដែលនឹងធ្វើអោយទូរសព្ទវិលទៅរកភាពដើមវិញ។
ចំណែកឯការរួមបញ្ចូលនូវបរិបទទំនើបថ្មីផ្សេងទៀតមានដូចជា ភាពអស្ចារ្យដែលមិនអាចស្មានដល់នៃល្បឿនដ៏លឿនបំផុតនៃការចាប់យករូបភាពរបស់កាម៉េរាដែលមានអានុភាពដ៏ពិសេសស្រដៀងគ្នាទៅនឹងកាមេរ៉ារបស់ទូរសព្ទដៃម៉ូដែល LG G3 ដែលត្រូវបានទទួលប្រជាប្រិយភាពបំផុត។ បច្ចេកវិទ្យាដ៏កាមេរ៉ាដ៏អស្ចារ្យនេះមានភាពពិសេសបំផុត ដែលអាចធ្វើការថតរូបបានយ៉ាងច្បាស់ទោះជានៅកន្លែងដែលមានពន្លឺទាបបំផុតក៏ដោយ ហើយមានការវាស់ស្ទង់យ៉ាងម៉តចត់បំផុតអំពីរយះចង្ងាយនៃការថតជាមួយនឹងការតម្រង់នៃប្រព័ន្ធឡាសឺ(laser)។ ការដាក់ចូលជាមួយនឹងបច្ចេកវិទ្យា OIS+ នឹង LED flash ចំនួន 2 បានធ្វើឲ្យទូរសព្ទដៃ G Flex2 អាចថតបាននូវរូបភាពដែលមានកំរិតស្តង់ដារខ្ពស់បំផុត។
ការអនុវត្តនូវដំណោះស្រាយផ្សេងៗដែលសំរាប់បំពេញនូវរាល់តំរូវរបស់អ្នកប្រើប្រាស់ប្រកបដោយភាពងាយស្រួល
ទូរសព្ទដៃម៉ូដែល G Flex2 ជាទូរសព្ទដៃមួយដែលមានការបង្កើតឡើងដោយមានរូបរាងកោងដែលផ្តល់បទពិសោធន៍នៃការចាប់កាន់បែបថ្មី តែក៏ជាទូរសព្ទដៃមួយដែលមានបំពាក់ដោយប្រព័ន្ធ software ដ៏ពិសេសឥតខ្ជោះថែមទៀតផង ដែលមានដូចជា៖
បច្ចេកវិទ្យាថតយ៉ាងពិសេស(Gesture Shot) បានធ្វើឲ្យការថតរូបរបស់លោកអ្នកមានភាពងាយស្រួល ព្រមទាំងអាចថតរូបជាមួយបច្ចេកវិទ្យាកាមេរ៉ាមុខដ៏អស្ចារ្យតាមរយះកាយវិការដែលកំណត់បានក្នុងរយះចំងាយ 1.5 ម៉ែត្រ។
បច្ចេកវិទ្យាដ៏ពិសេស(Gesture View)ដោយអាចត្រួតពិនិត្យយ៉ាងរហ័សបំផុតបន្ទាប់ពីការថតរូបដោយប្រើកាយវិការ។
បច្ចេកវិទ្យា(Glance View) ជាបច្ចេកវិទ្យាដែលធ្វើការបង្ហាញនៅលើអេក្រង់ទូរសព្ទដៃស្តីអំពីព័ត៌មានដូចជា ពេលវេលា Message និង missed calls។ល។
បច្ចេកវិទ្យា(Fast Charge) ដែលបានបង្កប់ដោយថាមពលថ្មីដែលមានកំលាំង 3,000mAh ហើយក៏ទូរសព្ទដំបូងបំផុតនៅលើពិភពលោកដែលធ្វើការសាក់ថ្មរយះពេល 40 នាទីបានថាមពល 50% (រហ័សបំផុត)។
លោក Juno Cho, ប្រធានប្រតិបត្តិ(CEO) ប្រចាំ ក្រុមហ៊ុន LG Electronics Mobile Communications “ទូរសព្ទដៃម៉ូដែល G Flex 2 បានធ្វើការរួមបញ្ចូលថ្មីនូវបច្ចេកវិទ្យាយ៉ាងពិសេសៗពីលើបច្ចេកវិទ្យាដែលមានស្រាប់ដែលត្រូវបានបំពាក់នៅក្នុងទូរសព្ទដៃម៉ូដែលរៀមច្បង G Flex ដោយមានការកំណត់សម្គាល់យ៉ាងពិសេសដោយមានរូបរាងកោង ដែលនេះជាបរិបទនៃទស្សនៈវិទ្យាក្នុងការរួមបញ្ចូលថ្មីដើម្បីជីវិតកាន់តែប្រសើរ”។ លោកបន្ថែមទៀតថា “ទូរសព្ទដៃម៉ូដែល G Flex2 មិនមែនត្រឹមតែមានរូបរាងស្រស់ស្អាតនោះទេ ថែមទាំងមានថាមពលខ្លាំងបំផុតបើប្រៀបធៀបនឹងយុគសម័យនៃទូរសព្ទដៃស្មាតហ្វូលថ្មីនេះ។ និយាយអោយសាមញ្ញ ទូរសព្ទដៃម៉ូដែល G Flex2 គឺត្រូវបានបង្កើតឡើងដោយបរិបទនៃធម្មជាតិនៃភាពកោង។”
ទូរសព្ទដៃម៉ូដែល LG G Flex2 នឹងដាក់បង្ហាញលក់ចាប់ពីចុងខែមករាឆ្នាំ2015នេះនៅប្រទេសកូរ៉េ ហើយនឹងបញ្ចូនបន្តទៅក្នុងទីផ្សារទូរសព្ទដៃសកល។ ទូរសព្ទដៃដ៏ទំនើបនេះមាន 2 ពណ៌គឺ ពណ៌ទឹកប្រាក់(Platinum Silver)និងពណ៌ក្រហម(Flamenco Red)។
ប្រភព៖ http://www.lgnewsroom.com/newsroom/contents/64850