ចាប់តាំងពីប្រកាសចេញរហូតមកដល់ពេលឥលូវនេះកំពូលស្មាតហ្វូនជំនាន់ថ្មី Galaxy S6, S6 Edge និង iPhone 6, 6 Plus របស់ក្រុមហ៊ុនបច្ចេកវិទ្យាឈានមុខគេទាំងពីរ Samsung និង Apple បានកំពុងតែមានភាពល្បីល្បាញស្ទើរតែពាសពេញពិភពលោកជាមួយនឹងបដិវត្តិន៍នៃការច្នៃប្រឌិតលើរចនាបទក៏ដូចជាបច្ចេកវិទ្យាទំនើបចុងក្រោយជាដើម។ ទោះបីជាម៉ូដែលទាំងបួននេះគឺជាកំពូលស្មាតហ្វូនដែលកំពុងស្ថិតក្នុងក្រអៅបេះដូចនៃអ្នកប្រើប្រាស់យ៉ាងណាក្តីក៏ម៉ូដែលទាំងបួននេះមានគុណសម្បត្តិប្រើប្រាស់ខុសប្លែកគ្នាមួយចំនួនដែលអ្នកប្រើប្រាស់មួយចំនួនមិនបានដឹង។
ហើយខាងក្រោមនេះគឺជាគុណសម្បត្តិពិសេស 10 យ៉ាងដែលកំពូលស្មាតហ្វូន Galaxy S6, S6 Edge អាចធ្វើបានតែ iPhone 6, 6 Plus មិនអាចធ្វើបាន:
-1- សាកថ្មបានលឿនឆាប់ពេញ: Galaxy S6 និងS6 Edge សាកថ្ម 10 នាទីអាចប្រើបានរហូតដល់ទៅជាង 4 ម៉ោងឯណោះ ដែលសមត្ថភាពនេះមិនទាន់មានស្មាតហ្វូនណាអាចធ្វើបាននៅឡើយទេរួមទាំង iPhone 6, 6 Plus ផងដែរ នេះបើតាមការបញ្ជាក់ពីក្រុមហ៊ុន Samsung។
-2- បច្ចេកវិទ្យាសាកថ្មឥតខ្សែ: Galaxy S6 បំពាក់មកជាមួយនឹងបច្ចេកវិទ្យាសាកថ្មឥតខ្សែ (Wireless Charging) ដែលផ្តល់ភាពងាយស្រួលបន្ថែមទៀតដល់អ្នកប្រើប្រាស់នៅពេលសាកថ្មទូរស័ព្ទ ហើយសាកបានលឿនជាការប្រើខ្សែ។
-3- ដំណើរការកម្មវិធីបានច្រើនក្នុងពេលតែមួយ: Multi-Tasking ដែលមាននៅលើ Galaxy S6 និង S6 Edge គឺជាមុខងារពិសេសមួយដែលអាចឲ្យអ្នកប្រើប្រាស់អាចដំណើរការកម្មវិធីកម្សាន្តផ្សេងៗបានច្រើននៅលើអេក្រង់តែមួយក្នុងពេលដំណាលគ្នា។ ដែលមុខងារនេះមិនទាន់មាននៅលើស្មាតហ្វូនរបស់ Apple នៅឡើយទេរួមទាំងដូចជា iPhone 6 និង 6 Plus ផងដែរ។
-4- បង្ហាញសារក្រឿនរំលឹកផ្សេងៗទោះបីជាអេក្រង់ទូរស័ព្ទបានបិទ: S6 Edge មានលក្ខណះពិសេសមួយដែលស្មាតហ្វូនដទៃមិនមាននោះគឺគ្រប់ពេលមានសារថ្មី រឺសារក្រឿនរំលឹកផ្សេងៗវានឹងបង្ហាញឡើនភ្លាមៗនៅគែមម្ខាងនៃអេក្រង់របស់វា ទោះបីជាអេក្រង់ទាំងមូលបិទក៏ដោយ។
-5-កំនត់ពណ៌លើឈ្មោះ និងលេខទូរស័ព្ទក្នុងសៀវភៅទូរស័ព្ទ: S6 Edge មានលក្ខណះពិសេសមួយទៀតគឺអាចឲ្យអ្នកប្រើប្រាស់កំនត់ពណ៌នៅលើឈ្មោះ លេខទូរស័ព្ទណាដែលសំខាន់សម្រាប់អ្នកក្នុងសៀវភៅទូរស័ព្ទ (Contacts) ហើយលោកអ្នកអាចដឹងយ៉ាងច្បាស់ថាអ្នកណាហៅទូរស័ព្ទចូល ព្រោះ វានឹងបង្ហាញពណ៌ដែលអ្នកបានកំណត់នៅគែមម្ខាងនៃអេក្រង់ ទោះបីជាទូរស័ព្ទដាក់ផ្កាប់អេក្រង់ក៏ដោយ។
-6-ទូទាត់ការចំនាយតាមរយះទូរស័ព្ទបានគ្រប់ពេលគ្រប់ទីកន្លែង: Samsung បានបំពាក់សេវាកម្មថ្មី Samsung’s Payment នៅលើ Galaxy S6 និង S6 Edge ដែលផ្តល់ភាពងាយស្រួលដល់អ្នកប្រើប្រាស់ក្នុងការទូទាត់ការចំនាយផ្សេងៗបានលឿនរហ័សគ្រប់ពេលគ្រប់ទីកន្លែងជាមួយនឹងបច្ចេកវិទ្យា hybrid technology ដែលងាយស្រួលប្រើប្រាស់ជាង Apple’s Payment ដែលមាននៅលើ iPhone 6។
-7- ចាប់យករូបភាពមានចលនាដោយមិនចាំបាច់បង្វិលកាមេរ៉ាទូរស័ព្ទតាម: ចំនុចដ៏ពិសេសអស្ចារ្យមួយទៀតនៅ Galaxy S6 និង S6 Edge គឺមុខងារថតរូបវិដេអូ Tracking Auto-Focus ដែលមានសមត្ថភាពចាប់យករូបភាពដែលមានចលនាមួយដោយមិនចាំបាច់បង្វិលកាមេរ៉ាទូរព័ស្ទតាមឡើយ គឺវានឹងចាប់យកតែទីតាំងដែលអ្នកបានកំនត់ (Focus) ។
-8- បើកាមេរ៉ាថតរូបបានលឿនទាន់ចិត្ត: លោកអ្នកគ្រាន់តែចុចពីរដងនៅលើហូមប៊ូតុងរបស់វា ពេលនោះវានឹងបើកកាមេរ៉ាទូរស័ព្ទបានយ៉ាងលឿនរហ័សទាន់ចិត្តត្រឹមតែ 0.7 វិនាទីប៉ុណ្ណោះគឺអាចចាប់ផ្តើមថតរូបបានតែម្តង។
-9- ប្រើជាឧបករណ៍បញ្ជាទូរទស្សន៍: Galaxy S6 & S6 Edge អាចឲ្យលោកអ្នកប្រើប្រាស់ជាឧបករណ៍បញ្ជាទូរទស្សន៍ (Remote) បានយ៉ាងមានប្រសិទ្ធភាពជាមួយនឹងមុខងារ infrared ដែលផ្ទុយពី iPhone6 ដែលតម្រូវឲ្យលោកអ្នកទិញឧបករណ៍បំពាក់បន្ថែម និងតំឡើងកម្មវិធីបន្ថែមទៀត។
-10- ជាឧបករណ៍វាស់ចលនាជីពចរ និងចង្វាក់បេះដូង: សម្រាប់ iPhone 6 រឺ 6 Plus ក៏អាចប្រើជាឧបករណ៍វាស់ចលនាជីពចរ និងចង្វាក់បេះដូងបានដែរ តែតម្រូវឲ្យអ្នកប្រើប្រាស់ដំឡើងកម្មវិធីជំនួយ។ ហើយការវាស់ទៀតសោធគឺមានលក្ខណះយឺត និងមិនសូវជាសុក្រិត។ ចំនែក Galaxy S6 និង S6 Edge វិញមិនត្រូវការកម្មវិធីជំនួយអ្វីឡើយដោយវាភ្ជាប់មករួចជាស្រេចនូវមុខងារ heart rate monitor ដែលមានលក្ខណះសុក្រិតក្នុងការវាស់ចលនាជីពចរ និងចង្វាក់បេះដួង ហើយលឿនរហ័សទៀតផង៕
ប្រភពព័ត៌មាន: https://www.yahoo.com/tech/s/10-things-galaxy-s6-iphone-6-t-143302308.html
