នៅថ្ងៃនេះ ក្រុមហ៊ុន LG Electronics Corp របស់កូរ៉េខាងត្បូង បានប្រកាសដាក់ឲ្យអាប់ឌែតប្រតិ បតិ្តការ Android Lollipop v5.0 នៅលើឧបករណ៍ថាប់ប្លែតស្រឡាយ LG G Pad របស់ខ្លួនហើយ។ ដែលដំណើរការអាប់ឌែតនេះ គឺផ្តើមចេញដំបូងពីទីផ្សារដើមកំណើតរបស់វាមុនគេ ហើយបន្ទាប់មកទៀត គឺបណ្តាទីផ្សារក្នុងប្រទេសមួយចំនួនទៀតក៏នឹងអាចធ្វើការអាប់ឌែតបានក្នុងពេលឆាប់ៗខាងមុខនេះផងដែរ។
ក្រុមហ៊ុន LG បានហក់ចូលប្រលូកក្នុងទីផ្សារឧបករណ៍កម្សាន្តចល័តថាប់ប្លែតដំបូងនាកំឡុងឆ្នាំ 2013 ហើយឧបករណ៍ថាប់ប្លែតដែលក្រុមហ៊ុនបានផលិតចេញ និងកំពុងចរាចរនៅលើទីផ្សារសព្វថ្ងៃមានដូចជា G Pad 8.3, G Pad 7.0, G Pad 8.0, G Pad 10.1 និង G Pad 8.3 Google Play Edition ដែលកំពុងទទួលបានការពេញនិយមខ្លាំងពីសំណាក់អ្នកប្រើប្រាស់។
សម្រាប់ព័ត៌មានទាក់ទងនឹងការអាប់ឌែតប្រតិបត្តិការ Android Lollipop v5.0 នេះ នឹងធ្វើឲ្យអ្នកប្រើប្រាស់ G Pad ទាំងអស់មានភាពសប្បាយរីករាយ ព្រោះថា ពួកគេមិនបាច់ចំណាយថវិការក្នុងការផ្លាស់ប្តូរឧបករណ៍ថ្មីនោះទេ គឺពួកគេគ្រាន់តែចំណាយពេលបន្តិចធ្វើការអាប់ឌែតប្រតិ បត្តិការថ្មីនេះនៅលើ G Pad ដែលពួកគេកំពុងប្រើគឺពួកគេអាចទទួលបានការប្រើប្រាស់ជាមួយប្រតិបត្តិការថ្មីនេះតែម្តង៕
ប្រភពព័ត៌មាន : http://www.phonearena.com/news/LG-starts-rolling-out-Android-Lollipop-updates-for-its-G-Pad-tablets_id67532
