ការវិវត្តន៍នៃប្រតិបត្តិការ iOS របស់ Apple ពីមួយជំនាន់ទៅមួយជំនាន់ត្រូវបាន Apple ធ្វើការកែប្រែបន្ថែមនូវកម្មវិធី និងមុខងារប្រើប្រាស់ឲ្យកាន់តែមានភាពទាក់ទាញទំនើបទាន់សម័យកាលបច្ចេកវិទ្យាដែលមានការវិវត្តន៍ទៅមុខឥតឈប់ឈរពីមួយថ្ងៃទៅមួយថ្ងៃ។ ហើយបើគិតមកទល់នឹងពេលបច្ចុប្បន្ននេះប្រតិបត្តិការ iOS របស់ Apple បានឈានដល់ជំនាន់ទី 8 ហើយ។ ហើយខាងក្រោមនេះគឺជាការវិវត្តន៍ពីមួយជំនាន់ទៅមួយជំនាន់របស់ប្រតិបត្តិការមួយនេះ:
1-iPhone OS (iOS 1.x)
iPhone OS រឺ iOS 1.x ត្រូវបាន Apple ប្រកាសចេញដំបូងក្នុងឆ្នាំ 2007 ព្រមគ្នាជាមួយទូរស័ព្ទ iPhone ដំបូងបំផុតរបស់ខ្លួនផងដែរ។ ប្រតិបត្តិការ iOS 1.x មានយួស័រអ៊ីនធើហ្វេសសាមញ្ញ និងមិនសូវសម្បូរកម្មវិធីប្រើប្រាស់។ ក្នុងនោះជំនាន់ដំបូងនេះមិនត្រូវបាន Apple បង្កើតឲ្យមាន App Store និងមិនអាចថតយករូបលើផ្ទៃអេក្រង់បាន(screenshot) ហើយវាក៏ទទួលបានកំណែប្រែដល់វឺស៊ិន 1.1.5 (iOS 1.1.5)។
2-iPhone OS 2 (iOS 2.x)
ឈានចូលដល់ឆ្នាំ 2008 ជំនាន់ទី2 នៃប្រតិបត្តិការ iOS ក៏បានប្រសូត្ររូបរាងឡើង ហើយក៏ត្រូវបាន Apple ប្រកាសចេញដោយបានភ្ជាប់មកជាមួយកម្មវិធី App Store ដែលអាចឲ្យអ្នកប្រើប្រាស់ទូរស័ព្ទ iPhone និង iPhone 3G អាចទាញយកកម្មវិធី និងហ្គេមមកប្រើប្រាស់លេងកម្សាន្តបានផងដែរ។
3-iPhone OS3 (iOS3.x)
ក្នុងឆ្នាំ 2009, Apple ក៏បានប្រកាសចេញជំនាន់ទី3 ដែលមានការកែប្រែ និងបានមន្ថែមនូវមុខងារ និងកម្មវិធីប្រើប្រាស់កាន់សម្បូរជាមុនដែលរួមមាន video recording, video editing, MMS messages, voice command (iPhone 3GS only), copy & paste, spotlight search, a landscape mode for the keyboard in Mail & Messaging, Voice Memos និង Compass…ជាដើម។ រហូតដល់ឆ្នាំ 2010 Apple ក៏បានប្រកាសចេញថេបប្លេតដំបូងរបស់ខ្លួន Apple iPad ហើយប្រតិបត្តិការណ៍ជំនាន់ទីបីនេះក៏ទទួលបានកំណែប្រែថ្មីផងដែរគឺវឺស៊ិន 3.2 (iOS3.2)។
4-iOS 4
iOS4 ត្រូវបានប្រសូត្ររូបរាងឡើងនៅពាក់កណ្តាលឆ្នាំ 2010 ជាមួយនឹងការកំនែប្រែដ៏ថ្មីសន្លាងខុសពីមុនស្ទើរតែទាំងស្រុង។ ដោយក្នុងនោះគឺអាចឲ្យអ្នកប្រើប្រាស់អាចដាក់រូបភាពក្រោយផ្ទាំងកម្មវិធី (Home screen wallpaper), multi-tasking functionality, auto-correction functionality for the keyboard និងទ្រទ្រង់បានជាមួយនឹង multiple exchange servers ជាដើម។ ហើយ iOS4 នេះក៏ទទួលបានកំណែប្រែវឺស៊ិនដល់ 4.2.1 (iOS4.2.1) ។
5-iOS 5
iOS5 ត្រូវបាន Apple ប្រកាសចេញកាលពីឆ្នាំ 2011។ iOS5 ភ្ជាប់មកជាមួយនឹងកម្មវិធី និងមុខងារប្រើប្រាស់ថ្មីៗជាង 200 ដែលក្នុងនោះរួមមានមុខងារ Notification Center, Siri, iMessage, iCloud, Newsstand, universal system-wide dictionary, deep social integration for Twitter និង Game Center support។ ហើយក្នុងនោះកម្មវិធី Web Browser Safari ដែលមាននៅលើទូរស័ព្ទ iPhone គ្រប់ស៊េរីក៏ត្រូវបានកែប្រែបន្ថែមមុខងារប្រើប្រាស់ថ្មីផងដែរ។ ហើយ iOS5 គឺជាប្រតិបត្តិការណ៍ដំបូងដែល Apple ដាក់អោយអ្នកប្រើប្រាស់ធ្វើការអាប់ឌែដបានតាមរយះប្រព័ន្ធអ៊ីនធើណេត។
6-iOS 6
ដល់ឆ្នាំ 2012 iOS ជំនាន់ទី 6 ត្រូវបានប្រកាសចេញ ហើយជំនាន់ទី 6 នេះក៏បានធ្វើការវិវត្តន៍នៅកម្មវិធីដែលមាននៅជំនាន់ទី 5 ឲ្យកាន់តែមានភាពទំនើបក្នុងការប្រើប្រាស់ដូចមុនងារ Siri គឺកាន់តែមានភាពវៃឆ្លាតក្នុងការផ្តល់ព័ត៌មានកាន់តែជាក់លាក់ រួមនឹងកម្មវិធី និងមុខងារមួយចំនួនទៀតដូចជា map app, Apple Maps, Do Not Disturb mode, Passbook, Photo Stream, Google Maps, YouTube និង native Email app ត្រូវបានបន្ថែមមុនងារប្រើប្រាស់កាន់តែពិសេសជាងមុន។ ហើយក្នុងនោះកម្មវិធីហ្វេសប៊ុកក៏ត្រូវបានរួមច្របាច់បញ្ចូលក្នុងប្រតិបត្តិការ iOS6 នេះផងដែរ។
7-iOS 7
សម្រាប់ iOS ជំនាន់ទី 7 នេះវិញត្រូវបាន Apple ប្រកាសចេញកាលពីខែកញ្ញា 2013 ជាមួយនឹងការកែប្រែកាន់តែមានភាពទាក់ទាញជាងជំនាន់មុនៗ ទីមួយ គឺវាមានអាយខនកម្មវិធីមានលក្ខណះស្រស់ស្អាតមើលទៅត្រជាក់ភ្នែក។ ទីពីរ កម្មវិធី និងមុខងារប្រើប្រាស់ថ្មីៗហើយទំនើបជាងមុន។ តួរយ៉ាងដូចជា mentioning Control Center, day overview for the Notification Center, improved multi-tasking, enhanced Photos app, AirDrop, Contacts, Calendar, Weather apps និង iTunes radio streaming។ ហើយចំពោះមុខងារកាមេរ៉ាវិញក៏បានបន្ថែមមុខងារថ្មីៗជាច្រើនសម្រាប់ប្រើប្រាស់ដូចជា scored Burst Mode & Slo-Mo video mode និងSpeaking of Photos…ជាដើម។
8-iOS 8
ជំនាន់ទី8នេះ គឺជាជំនាន់ចុងក្រោយបំផុតនៃប្រតិបត្តិការ iOS របស់ Apple ដែលត្រូវបានប្រកាសចេញកាលពីពាក់កណ្តាលឆ្នាំ 2014 ដែលមានវត្តមាននៅលើកំពូលស្មាតហ្វូន iPhone 6 និង 6 Plus។ ចំពោះប្រតិបត្តិការជំនាន់ទី8 នេះមិនសូវជាខុសប្លែកពីជំនាន់ទី 7 ប៉ុន្មានឡើយទាំងយួស័រអ៊ីនធើហ្វេស និងអាយខនកម្មវិធី។ ប៉ុន្តែ កម្មវិធី និងមុខងារមួយចំនួនដែលមាននៅលើ iOS7 ត្រូវបានកែប្រែឲ្យកាន់តែទំនើបជាងមុន។ ក្នុងនោះក៏មានមុនងារ និងកម្មវិធីថ្មីៗមួយចំនួនទៀតក៏ត្រូវបានរួមច្របាច់បញ្ចូលបន្ថែមជាមួយនឹង iOS8 នេះដែរ។ បើរាប់ចាប់ពីថ្ងៃប្រកាសចេញរហូតមកដល់បច្ចុប្បន្ននេះ iOS8 ទទូលបានកំនែប្រែវឺស៊ិនដល់ 8.3 (iOS 8.3 beta) ហើយ៕
ប្រភពព័ត៌មាន: http://www.phonearena.com/news/The-evolution-of-Apples-iOS---from-iPhone-OS-all-the-way-to-iOS-8_id68280
