បន្ទាប់ពីបានលក់នូវស្មាតហ្វូនត្រកូល Lumia ទៅឲ្យក្រុមហ៊ុន Microsoft ផ្តាច់មុខរួចមក ក្រុមហ៊ុន Nokia ស្ទើរតែបាត់ឈ្មោះពីក្នុងទីផ្សារស្មាតហ្វូនទៅហើយ តែថ្មីៗនេះ ក្រុមហ៊ុន Nokia បានបញេ្ចញនូវព័ត៌មានថា ខ្លួននឹងត្រឡប់មកចូលរួមក្នុងទីផ្សារទូរស័ព្ទស្មាតហ្វូនជាថ្មីម្តងទៀត ជាមួយនឹងការចេញលក់នូវម៉ូដែលទូរស័ស្មាតហ្វូនថ្មីរបស់ខ្លួននៅឆ្នាំ 2016 ខាងមុខនេះ។
តាមប្រភពព័តមានពីក្រុមហ៊ុន Nokia បាននិយាយទៅកាន់ភ្នាក់ងារសារព័ត៌មាន Re/code បានឲ្យដឹងថា ការត្រឡប់មកវិញនេះ គឺមិនត្រឹមតែជាការចូលរួមក្នុងការលក់ទូរស័ព្ទស្មាតហ្វូនប៉ុណ្ណោះទេ តែក្រុមហ៊ុន Nokia ក៏នឹងបង្ហាញពីបច្ចេកវិទ្យាថ្មីជាច្រើនមកជាមួយផងដែរ។ ការបញ្ចេញនូវបច្ចេកវិទ្យាថ្មីៗរបស់ Nokia គឺជាផ្នែកមួយនៃជំនួញរបស់ខ្លួនក្នុងចំណោមបីផ្សេងទៀត ដែលត្រូវបានលក់ឲ្យក្រុមហ៊ុន Microsoft។ ជាមួយគ្នានេះ បើទោះបីជាក្រុមហ៊ុន មិនទាន់ទទួលបានអាជ្ញាបណ្ណបា៉តង់ក៏ដោយ ក៏ Nokia បានផលិតនូវស្មាតហ្វូនថ្មីចំនួនពីរគឺ Z Launcher និង N1 tablet រួចហើយផងដែរ។
កាលពីចុងឆ្នាំមុន នាយកប្រតិបត្តិក្រុមហ៊ុន Nokia លោក Rajeev Suri បានប្រាកាសថា ក្រុមហ៊ុន Nokia នឹងមិនត្រឡប់ទៅកាន់ទីផ្សារស្មាតហ្វូនដោយផ្ទាល់នោះទេ តែម៉ាកសញ្ញានេះ នឹងលេចឡើងម្តងទៀតនៅលើពិភពលោក។ ដូច្នេះ Nokia នឹងធ្វើការរៀបចំនូវសក្តានុពលដ៏ជាក់លាក់មួយសំរាប់បំពេញនូវឆន្ទះក្នុងការត្រឡប់មកវិញនៅឆ្នាំក្រោយនេះ។
សូមបញ្ជាក់ថា ក្រុមហ៊ុន Nokia ត្រូវបានហាមឃាត់មិនឲ្យលក់នូវផលិតផលស្មាតហ្វូននៅក្រោមឈ្មោះរបស់ខ្លួនរហូតដល់ចុងឆ្នាំនេះ និងការចេញអាជ្ញាបណ្ណមា៉កយីហោរបស់ខ្លួននៅលើទូរស័ព្ទរហូតដល់ត្រីមាសទីបីក្នុងឆ្នាំ 2016 នេះ បើតាមកិច្ចសន្យាជាមួយនឹងក្រុមហ៊ុន Microsoft ។ ទោះជាយ៉ាងណា មា៉កយីហោ Nokia និងមានមុខនៅលើទីផ្សារម្តងទៀត នៅពេលដែលកិច្ចព្រមព្រៀងអាជ្ញបណ្ណបានបញ្ចប់ជាស្ថាពរ ហើយក្រុមហ៊ុន នឹងជួលក្រុមហ៊ុនផ្សេងទៀត សំរាប់ផលិតនូវផលិតផលរបស់ខ្លូន។
ក្រុមហ៊ុន Nokia បានបង្ហាញនូវអារម្មណ៌ដ៏រំភើបរបស់ខ្លួនថា ការពង្រីកខ្លួនចូលទៅក្នុងទីផ្សារសារជាថ្មីនេះ វាពិតជាគួរឲ្យរំភើបខ្លាំងណាស់…តាមរយះទស្សនះវិស័យរបស់ Nokia គឺផ្តល់ឲ្យមនុស្សទាំងអស់អាចភ្ជាប់ទំនាក់ទំនងទៅកាន់ពិភពលោកបាន។
រង់ចាំមើលទាំងអស់គ្នាថាតើក្រុមហ៊ុន Nokia អាចនឹងវិលត្រឡប់មកវិញបានតាមការប្រកាសនេះដែររឺទេ?
ប្រភពព័តមាន : http://www.androidauthority.com/nokia-smartphone-in-2016-602531/
