ប្រភពពី Digitimes បានឲ្យដឹងថាក្រុមហ៊ុនផលិតផលបច្ចេកវិទ្យាកុំព្យូទ័រ ថេបប្លែត និងសា្មតហ្វូន ASUSTeK Computer Inc នឹងពង្រឹងយុទ្ធសាស្ត្រទីផ្សាររបស់ខ្លួនដើម្បីជំរុញការលក់ផលិតផលស្មាតហ្វូនត្រកូល ZenFone របស់ឲ្យបាន 30 លានគ្រឿង ឬក៏លើសពីនេះ។ ដែលបច្ចុប្បន្ននេះក្រុមហ៊ុន Asus បានលក់ស្មាតហ្វូនរបស់ខ្លួនបានប្រមាណ 25 លានគ្រឿងរួចហើយ។
ប្រភពដដែលបានបន្តថា ក្រុមហ៊ុន Asus កំពុងទទួលបានជោគជ័យដ៏ត្រចះត្រចង់ជាមួយការលក់ស្មាតហ្វូនស៊េរីថ្មីរបស់ខ្លួន ZenFone2 ដែលគិតចាប់ពីថ្ងៃប្រកាសចេញកាលពីខែមីនាមកទល់នឹងពេលនេះក្រុមហ៊ុនលក់បានជាង 2.5 លានគ្រឿងហើយ ហើយចំនួននៃការលក់នឹងបន្តកើនឡើងបន្ថែមទៀតពី 2.5 ទៅ 3 លានគ្រឿងគិតដល់ខែមិថុនាខាងមុខនេះ។
ZenFone2 របស់ Asus គឺជាស្មាតហ្វូនស៊ីមពីរដែលមានអេក្រង់ទំហំ 5.5 អ៊ីង, ប្រើបន្ទះឈីបពពួក Intel Atom, អង្គគណនា Quad-Core ល្បឿនគណនា 1.8/2.3 GHz, RAM ទំហំ 2/4 GB, ទំហំផ្ទុក 16/32/64 GB, ថ្មទំហំ 3,000 mAh, កាមេរ៉ាក្រោយទំហំ 13 MP, មុខទំហំ 5MP និងដំណើរការដោយ Android Lollipop v5.0។
បន្ថែមពីលើការលក់ស្មាតហ្វូន Asus ក៏នឹងជំរុញការលក់ SmartWatch ស៊េរី VivoWatch និង ZenWatch របស់ខ្លួនឲ្យបានចាប់ពី 300,000 ទៅ 500,000 គ្រឿងផងក្នុងឆ្នាំនេះ៕
ប្រភពព័ត៌មាន: http://www.gsmarena.com/asus_reportedly_expecting_to_ship_30_million_zenfone_units_this_year-news-12007.php