ប៉ុន្មានឆ្នាំចុងក្រោយនេះក្រុមហ៊ុនទូរស័ព្ទ BlackBerry របស់កាណាដាហាក់ពុំសូវមានដំណើរការល្អលើចង្វាក់អាជីវកម្មផលិត និងចរាចរណ៍លក់ស្មាត ហ្វូនរបស់ខ្លួននៅលើទីផ្សារឡើយ ដែលធ្វើឲ្យប្រាក់ចំណូលមានការធ្លាក់ចុះជាលំដាប់។ ស្របពេលជាមួយគ្នានេះដែរ ក៏មានពាក្យលេចលឺថាក្រុមហ៊ុន BlackBerry អាចនឹងលក់ភាគហ៊ុនអាជីវកម្មរបស់ខ្លួននៅពេលខាងមុខនេះ។ ហើយក៏មានក្រុមហ៊ុនបចេ្ចកវិទ្យាល្បីៗក្នុងប្រទេសចិនដូចជា Xiaomi, Huawei និង Lenovo បាននឹងកំពុងគិតគួរក្នុងការទិញយកភាគហ៊ុនអាជីវកម្មរបស់ BlackBerry ហើយក្នុងនោះក៏មានក្រុមហ៊ុន Software យក្ស Microsoft ក៏ចាប់អារម្មណ៍ជុំវិញការចរចាទិញយកភាគហ៊ុនអាជីវកម្មរបស់ BlackBerry ផងដែរ។
តាមការឲ្យដឹងពីដំណាងក្រុមហ៊ុន Microsoft បានមានប្រសាសន៍ថា ខណះពេលនេះក្រុមហ៊ុនបានត្រៀមរៀបចំឯសារនានារួចរាល់ហើយដើម្បីដាក់ ស្នើរទៅកាន់ក្រុមហ៊ុនវិនិយោគដើម្បីវាយតម្លៃពីលទ្ធិភាព ដើម្បីទទួលបានកិច្ចព្រមព្រៀងដេញថ្លៃទិញយកភាគហ៊ុនអាជីវកម្មស្មាតហ្វូនពី BlackBerry ចំណែកឯក្រុមហ៊ុន BlackBerry ខ្លួនឯងវិញមិនទាន់សម្រេចចិត្តថា តើនឹងត្រូវលក់អាជីវកម្មស្មាតហ្វូនរបស់ខ្លួនរឺក៏យ៉ាងណានៅឡើយទេខណះពេល នេះ៕