វាជារឿងមួយដ៏កម្រហើយវាជារឿងមួយដ៏អស្ចារ្យបំផុតដែលស្មាតហ្វូនiPhone 5C របស់ក្រុមហ៊ុនបច្ចេកវិទ្យាយក្ស Apple បានជួយសង្រ្គោះ ជីវិតរបស់បុរសម្នាក់ពីការបាញ់ប្រហារពីសំណាក់ក្មេងពាលក្នុងតំបន់មួយក្នុងប្រទេសអង់គ្លេស។កាលខែតុលាឆ្នាំកន្លងទៅលោក Daniel Kennedy វ័យ25ឆ្នាំដែលជាប្រជាពលរដ្ឋរស់នៅក្នុងតំបន់Widnes នៃប្រទេសអង់គ្លេសបានដេញតាមបុរសម្នាក់ដែលមានឈ្មោះថាRyan Dugganវ័យ19 ឆ្នាំដែលជាមុខសញ្ញាចោរលួចប្លន់និងជាក្មេងសង្គមងងឹតប្រចាំតំបន់ Widnes។ក្រោយពីលោក Kennedy បានដេញតាមដល់ប្លុកមួយ ក្នុងតំបន់នេះក៏ត្រូវបាន Ryanវាយប្រហារមកវិញដោយប្រើកាំបិតនិងកាំភ្លើងបណ្តាលឲ្យរូបលោករងរបូសជាទម្ងន់ ហើយរូបលោកក៏ត្រូវបានក្រុម ភ្នាក់ងារជួយសង្រ្គោះប្រចាំតំបន់ជួយសង្រ្គោះជីវិតបន្ទាប់ពីរូបលោកបានខំរត់គេចចេញពីការកន្លែងកើតហេតុ។
នៅថ្ងៃបន្ទាប់ភ្នាក់ងារសើបអង្កេតប្រចាំតំបន់បានចុះទៅដល់កន្លែងកើតហេតុហើយបានប្រមូលភ័ស្តតាងបានមួយចំនួនហើយអ្វីដែលធ្វើឲ្យភ្នាក់ងារ ទាំងសើបអង្កេតមានការភ្ញាក់ផ្អើលគឺពួកគេបានរកឃើញទូរស័ព្ទ iPhone 5C ពណ៍បៃតងរបស់ Kennedyដែលមានស្នាមផ្ទុះឆេះដោយសារ ត្រូវ គ្រាប់កាំភ្លើង។យោងទៅលើលោក Gary McIntyre ដែលជាប្រធានដឹកនាំការសើបអង្កេតមានប្រសាសន៍លើកឡើងថា“ជនរងគ្រោះអាចនឹងបាត់ បង់ជីវិតដោយសារគ្រាប់កាំភ្លើងប្រសិនបើគ្មានទូរស័ព្ទ iPhone មួយនេះនៅក្នុងហោប៉ៅអាវរបស់លោកនោះ”នេះពិតជាសំណាងណាស់ សម្រាប់ លោក Kennedy។
គួររំលឹងផងដែរថាកាលពីខែសីហាឆ្នាំ2012 ក៏មានហេតុការណ៍ដ៏អស្ចារ្យដូចគ្នាដែរគឺទូរស័ព្ទ Nokia X2 បានជួយសង្រ្គោះជីវិតបុរសម្នាក់ពីរគ្រាប់ កាំភ្លើងនៅក្នុងប្រទេសស៊ីរី៕
ប្រភពព័ត៌មាន: http://www.phonearena.com/news/This-iPhone-5c-saved-a-man-from-a-shotgun-blast-to-the-chest_id69573
