យោងតាមរបាយការណ៍របស់ TrendForce បានឲ្យដឹងថា ក្នុងត្រីមាសទីពីរក្នុងឆ្នាំនេះ ក្រុមហ៊ុន Samsung បាននាំមុខគេក្នុងការចរាចរណ៍លក់ផលិតផលស្មាតហ្វូននៅទូទាំងពិភពលោកដែលទទួលបានចំនែកទីផ្សារសរុប 26.8 %។ រីឯក្រុមហ៊ុន Apple ឈរនៅលំដាប់ទីពីរដែលមានចំនែកទីផ្សារសរុប 16.4%។ TrendForce បានបញ្ចាក់ថា កំពូលស្មាតហ្វូន Galaxy S6 Series មានទីផ្សារល្អហើយទទួលបានការនិយមប្រើប្រាស់ពីសំណាក់អតិថិជននៅទូទាំងពិភពលោកជាមួយនឹងការរចនាដ៏វិចិត្រ និងសមត្ថភាពប្រើការគ្មានដែនកំនត់។ ចំនែកកំពូលស្មាតហ្វូន 6 Series របស់ Apple ក៏ទទួលបានការនិយមប្រើប្រាស់មិនចាញ់ GS6 Series របស់ Samsung ប៉ុន្មានដែរ។
ចំនែកបណ្តាក្រុមហ៊ុនបច្ចេកវិទ្យាល្បីៗមួយចំនួនទៀតដូចជា Huawei ទទួលបានចំនែកទីផ្សារ 7.6 % សម្រាប់ទីផ្សារពិភពលោក និងឈរលំដាប់ជួរមុខគេក្នុងប្រទេសចិនដែលមានចំនែកទីផ្សារ 18.3%។ ក្រុមហ៊ុន Xiaomi ទទួលបានចំនែកទីផ្សារ 5.9 % និងLG ទទួលបាន 5.8% ហើយបណ្តាក្រុមហ៊ុនដទៃទៀតមានចំនែកទីផ្សារសរុប 37.5%។ TrendForce បានម៉ាន់ប្រមាណថា ក្នុងឆ្នាំនេះការចេញចរាចរណ៍លក់ផលិតផលស្មាតហ្វូន និងផលិតផលបច្ចេកវិទ្យាទាំងឡាយមានការធ្លាក់ចុះបើប្រៀបធៀបនឹងឆ្នាំកន្លងទៅ។ នោះក៏ដោយសារតម្រូវការទីផ្សាររបស់អ្នកប្រើប្រាស់មានការធ្លាក់ចុះ និងវិស័យសេដ្ឋកិច្ចសកលមានផលអវិជ្ជមានផងដែរ៕
ប្រភពព័ត៌មាន : http://www.gsmarena.com/samsung_tops_global_shipments_in_q2_2015_huawei_leads_chinese_brands-news-13164.php
