យោងតាមប្រភពពីទីស្នាក់ការកណ្តាលរបស់ Windows (Windows Central) បានបង្ហាញព័ត៌មានជាក់លាក់មួយដោយបានលើកឡើងថា Microsoft នឹងប្រកាសចេញស្មាតហ្វូនស៊េរីថ្មីពីរម៉ូដែលគឺ Microsoft Lumia 950 ដែលមានលេខកូដម៉ូដែល Talkman និង 950 XL ដែលមានលេខកូដម៉ូដែល Cityman នៅក្នុងព្រឹត្តិការ IFA 2015 ដែលនឹងប្រារព្ធធ្វើឡើងនៅថ្ងៃទី 4-9 ខែកញ្ញាខាងមុខនេះ។
ប្រភពដដែលបានបញ្ជាក់ទៀតថា ស្មាតហ្វូនទាំងពីរម៉ូដែលនេះត្រូវបានផលិតឡើងពីសារធាតុប៉ូលីកាបោនដែលមានកម្រាស់ស្តើងពី 7-8 មម ហើយ Microsoft ក៏មានគម្រោងចេញចរាចរណ៍ដាក់លក់លើទីផ្សារនៅខែតុលាទៀតផង។ ស្មាតហ្វូន Lumia 950 & 950 XL បំពាក់ដោយអេក្រង់ប្រភេទ Quad HD OLED និងមានកាមេរ៉ាផ្នែកខាងក្រោយទំហំ 20MP និងមុខ 5.0 MP។
ជាងនេះទៅទៀតកំពូលស្មាតហ្វូនស៊េរីថ្មីទាំងពីរនេះនឹងបំពាក់នូវមុខងារ iris scanner នៅកាមេរ៉ាមុខ, Windows Hello ដែលជាមុខងារថ្មីដែលអនុញ្ញាត្តិឲ្យអ្នកប្រើប្រាស់ដោះសោរទូរស័ព្ទ (Unlock) លឿងជាងមួយវិនាទី និង Microsoft Continuum ដែលជាមុខងារថ្មីដែលមាននៅលើ Windows 10 Phone ដែលអាចឲ្យអ្នកប្រើប្រាស់ប្តូរទូរស័ព្ទទៅជាកុំព្យូទ័របាន (Minicomputer)។
ហើយនៅពេលខាងមុខ Microsoft នឹងប្រកាសចេញឧបករណ៍ឈ្មោះថា Optional docking station ដែលមានលេខកូដផលិតផល Munchkin ដែលអាចភ្ជាប់ទូរស័ព្ទ Windows Phone ទៅកាន់កុំព្យូទ័របានតាមរយះ USB និង Display port។ ចាំមើលតើកំពូលស្មាតហ្វូនទាំងពីររបស់ Microsoft អាចវាយលុកទីផ្សារ និងអាចផ្តួលគូប្រជែងដែលកំពុងចរាចរណ៍លើទីផ្សារបច្ចុប្បន្នបានដែរ រឺយ៉ាងណអត់?
ប្រភពព័ត៌មាន: http://www.phonearena.com/news/Microsoft-Lumia-950-Talkman-and-950-XL-Cityman-wont-be-made-out-of-metal-could-be-announced-in-September_id71879
