ក្រុមហ៊ុនបច្ចេកវិទ្យា និងទូរគមនាគមន៍ដ៏ល្បីរបស់ប្រទេសចិន Huawei ថ្ងៃនេះបានប្រារព្ធព្រឹត្តិការណ៍ប្រកាសចេញកំពូលស្មាតហ្វូនស្រឡាយ Honor ជំនានទី7 ជាផ្លូវការណ៍។ Honor 7 គឺជាស្មាតហ្វូនស៊េរីថ្មីដ៏ទំនើបដែលមានការរចនារូបរាងប្រកបទៅដោយភាពទាក់ទាញស៊ីវីល័យទាន់សម័យ។ Huawei Honor 7 បំពាក់នូវអេក្រង់ទំហំ 5.2 អ៊ីង 1080p, កាមេរ៉ាខាងក្រោយទំហំ 20MP dual-LED dual tone flash អមដោយមុខងារចាប់រូបភាព Phase detection AF, កាមេរ៉ាមុខទំហំ 8MP Selfie snapper និងមានមុខងារស្គែនក្រយ៉ៅដៃ (FingerPrint) នៅក្រោមកញ្ចក់ការមេរ៉ាក្រោយដូចគ្នាទៅនឹង Ascend Mate 7s ដែរ។
រីឯផ្នែករឹងខាងក្នុងវិញគឺវាដើរដោយបន្ទះឈីប Kirin 925, អង្គគណនា Quad-Core 1.5GHz & 2.2GHz Cortex-A53, អង្គក្រាហ្វិក Mali-T628, RAM ទំហំទំហំ 3 GB, ថ្មខ្នាត 3,100 mAh, ប្រតិបត្តិការ Android Lollipop v5.0 និងប្រើយួស័រអ៊ីនធើហ្វេស Emotion 3.1។ Honor 7 នឹងចេញចរាចរណ៍លក់ក្នុងទីផ្សារប្រទេសចិននៅថ្ងៃទី 07 ខែ កក្តដា ខាងមុខនេះ ប៉ុន្តែ ក្រុមហ៊ុនក៏ដាក់ឲ្យកុម្ម៉ង់ទិញមុនបានផងដែរនៅថ្ងៃនេះ។ Honor 7 មានបីពណ៌ បីម៉ូដែលសម្រាប់ជ្រើសរើសគឺមានពណ៌ទឹកប្រាក់ មាស និងក្រម៉ៅ ហើយមានម៉ូដែលស៊ីមមួយដែលមានម៉េមូរីជាប់ម៉ាស៊ីនទំហំ 16GB មានតម្លៃ $320, ម៉ូដែលស៊ីមពីរតម្លៃ $355 និងម៉ូដែលស៊ីមពីរម៉េមូរីជាប់ម៉ាស៊ីនទំហំ 64GB មានតម្លៃ $400។ គ្រប់ម៉ូដែលទាំងអស់គឺភ្ជាប់ដោយប្រព័ន្ធបណ្តាញ LTE Cat.6 និងបច្ចេកវិទ្យាផ្ទេរទិន្នន័យ NFC។ Huawei មិនទាន់កំនត់ការបរិច្ចេទនាំយក Honor 7 ចេញទៅចរាចរណ៍ដាក់លក់ក្នុងទីផ្សារពិភពលោកនៅឡើយទេ៕
ប្រភពព័ត៌មាន: http://www.gsmarena.com/huawei_honor_7_gets_official_with_kirin_935_chip_52_display-news-12858.php
