ស្មាតធីវី (Smart TV) គឺជាផ្នែកមួយនៃបច្ចេកវិទ្យាដ៏ទំនើបជឿលឿននាពេលបច្ចុប្បន្ន ហើយវាក៏ជាផ្នែកមួយដែលជួយអោយសង្គមគ្រួសាររស់នៅប្រកបទៅដោយភាពសប្បាយរីកផងដែរ។ហើយបច្ចុប្បន្ននេះ មានក្រុមហ៊ុនបច្ចេកវិទ្យាល្បីៗនៅទូទាំងសកលលោកកំពុងប្រកូតប្រជែងដណ្តើមទីផ្សារគ្នាដោយបានផលិត និងចេញចរាចរណ៍លក់នូវសមត្ថិផលទូរទស្សន៍ប្រភេទស្មាតធីវីថ្មីៗរបស់ខ្លួននៅលើទីផ្សារ។ ខាងក្រោមនេះគឺជាប្រភេទស្មាតធីវីដែលមានអេក្រង់ទំហំ 46, 47 និង 48 អ៊ីង របស់បណ្តាក្រុមហ៊ុនមួយចំនួនដែលបានជាប់ចំណាត់ថ្នាក់ជាស្មាតធីវីដែលល្អបំផុតប្រចាំពាក់កណ្តាលឆ្នាំ 2015 នេះ………
1.Samsung UE48JU7000T
ជាផលិតផលស្មាតធីវីរបស់ក្រុមហ៊ុនបច្ចេកវិទ្យាដ៏ល្បី Samsung។ UE48JU7000T គឺជាស្មាតធីវីប្រភេទ Ultra HD TV ដែលបំពាក់ដោយអេក្រង់ប្រភេទ LED ទំហំ 48 អ៊ីង 3840 x 2160p, ដំណើរការជាមួយនឹងប្រតិបត្តិការ Tizen និងមានការរចនារូបរាងយ៉ាងប្រណីត។
2.Samsung UE48JU7500T
UE48JU7500T ក៏ជាស្មាតធីវីប្រភេទ Ultra HD TV របស់ Samsung ដែរ។ ហើយម៉ូដែលមួយនេះបំពាក់ដោយកញ្ចក់អេក្រង់កោងប្រភេទ Curve HD LED ទំហំ 48 អ៊ីង 3840 x 2160p និងដំណើរការជាមួយប្រព័ន្ធប្រតិបត្តិការ Tizen។
3.Philips 48PFT5509
ស្មាតធីវីមួយនេះត្រូវបានក្រុមហ៊ុនបច្ចេកវិទ្យា Philips ធ្វើការរចនាឡើងយ៉ាងប្រណីតដោយបំពាក់នូវអេក្រង់ទំហំ 48 អ៊ីង FHD LED 1920 x 1080p ភ្លឺច្បាស់ត្រជាក់ភ្នែក និងប្រើយូរស័រអ៊ីនធើហ្វេស Philips Smart TV។
4.Panasonic TX-47AS740
មិនត្រឹងតែជាស្មាតធីវីដែលបង្ហាញរូបភាពធម្មតានោះឡើយ Panasonic TX-47AS740 ក៏ជាស្មាតធីវីដែលអាចទ្រទ្រង់ការបង្ហាញរូបភាពប្រភេទ 3D បានយ៉ាងល្អទៀតផង។ TX-47AS740 មានអេក្រង់ទំហំ 47 អ៊ីងFHD LED, 1920 x 1080p និងប្រើយូរស័រអ៊ីនធើហ្វេស myHomeScreen។
5. Samsung UE46H7000
ជាមួយនឹងការរចនារូបរាងដ៏ប្រណីតស័ក្តិសមដោយមានអេក្រង់ទំហំ 46 អ៊ីង FHD LED, 1920 x 1080p និងមានស៊ុមព័ទ្ធជុំវិញដ៏ស្តើងដែលមើលទៅកាន់តែទាក់ទាញ។ UE46H7000 ដំនើរការដោយមុខងារ Smart Hub រួមនឹងមុខងារប្រើប្រាស់មើលលេងកម្សាន្តយ៉ាងច្រើនសម្បូរបែប៕
ប្រភពពី: http://www.techradar.com/news/television/10-best-46-and-47-inch-tvs-in-the-world-today-696329
