ក្រុមហ៊ុនផលិតស្មាតហ្វូនរបស់ប្រទេសបារាំង Archos បានត្រៀមបញ្ចេញស្មាតហ្វូនស៊េរីថ្មីចំនួនបីម៉ូដែលនៅក្នុងព្រឹត្តិការណ៍ពិព័ណ៌ផលិតផលអេឡិចត្រូនិក IFA Trade 2015 ដែលនឹងប្រារព្ធធ្វើឡើងនៅខែកញ្ញាខាងមុខនេះនាទីក្រុងប៉ែកឡាំង។ ស្មាតហ្វូនស៊េរីថ្មីទាំងបីម៉ូដែលនោះមានដូចជា Archos 50 Cesium, 50e Helium និង Archos Diamond S។
នៅក្នុងចំនោមស្មាតហ្វូនស៊េរីថ្មីទាំងបីម៉ូដែលនេះមានមួយម៉ូដែលនឹងដំណើរការដោយ Windows 10 Phone នៅពេលប្រតិបត្តិការមួយនេះប្រកាសចេញជាផ្លូវការ នេះបើតាមការបញ្ជាក់ពីក្រុមហ៊ុន។ ស្មាតហ្វូនទាំងបីម៉ូដែលនេះសុទ្ធតែភ្ជាប់ដំណើរការដោយប្រព័ន្ធបច្ចេកវិទ្យា Dual SIM 4G LTE និងសមត្ថភាពខ្លាំងគួរសមអាចប្រគូតប្រជែងទីផ្សារបាន។ Archos 50 Cesium នឹងជាស្មាតហ្វូនដំបូងរបស់ក្រុមហ៊ុនដែលដំណើរការដោយ Windows 10 Phone។
ម៉ូដែលនេះនឹងបំពាក់នូវអេក្រង់ទំហំ 5.0 អ៊ីង HD720p, កាមេរ៉ាក្រោយទំហំ 8.0MP autofocus, LED Flash, មុខ 2.0MP, ប្រើបន្ទះឈីប Qualcomm Snapdragon 210-Quad-core 1.1GHz Cortex-A7, អង្គចងចាំ 1GB RAM, អង្គក្រាហ្វិក Adreno 304, ថ្មខ្នាត 2,100 mAh, ម៉េមូរីក្នុងម៉ាស៊ីន 8GB និងមានរន្ធដោតបន្ថែមម៉េមូរីក្រៅ។ សម្រាប់ Archos 50e Helium វិញនឹងដំណើរការជាមួយ Android 5.1 Lollipop និងមានលក្ខណះសម្បត្តិ និងសមត្ថភាពប្រើការទូទៅដូចគ្នាទៅនឹង Archor 50 Cesium ដែរ។
ចំពោះ Archor Diamond S នឹងដំណើរការដោយ Android 5.1 Lollipop, មានអេក្រង់ទំហំ 5.0 អ៊ីង HD720p-Gorilla Glass3, បំពាក់ដោយកាមេរ៉ាក្រោយទំហំ 16 MP autofocus, LED flash និងមុខ 8.0 MP Selfie Shooter។ ប្រើប្រាស់បន្ទះឈីប MediaTek MT6753 SoC, អង្គគណនា 8 គ្រាប់ Octa-Core 1.5 GHz, អង្គចងចាំ 2GB RAM, ថ្មខ្នាត 2,300 mAh, ម៉េមូរីក្នុងម៉ាស៊ីន 16 GB និងអាចដាក់បន្ថែមម៉េមូរីក្រៅបានផងដែរ។ ស្មាតហ្វូនស៊េរីថ្មីទាំងបីម៉ូដែលនេះក្រុមហ៊ុននឹងចេញចរាចរណ៍វាយលុកទីផ្សារនៅខែវិច្ឆិកាបន្ទាប់ពីនាំទៅដាក់បង្ហាញនៅ IFA Trade។
សម្រាប់តម្លៃរបស់ Archos 50 Cesium និង50e Helium គឺប្រហែល £99 ស្មើរនឹងប្រមាណ $153។ រីឯ Archor Diamond S មានតម្លៃប្រហែល £159.99 ស្មើរនឹងប្រមាណ $247 តែប៉ុណ្ណោះ៕
ប្រភពព័ត៌មាន: http://www.gsmarena.com/archos_unveils_three_new_smartphones_one_runs_windows_10-news-13698.php