ក្រុមហ៊ុន Samsung ដែលជាក្រុមហ៊ុននាំមុខគេលើ សម្ភារអេឡិចត្រូនិកសម្រាប់ការកម្សាន្តក្នុងគេហដ្ឋានអសប់រយៈពេល 9 ឆ្នាំជាប់គ្នា ថ្មីៗនេះក្នុង 2015 ក្រុមហ៊ុន Samsung បានទទួលពានរង្វាន់ជាបន្តបន្ទាប់គួរឲ្យកត់សំគាល់ ជាម៉ាកល្បីចំណាត់ថ្នាក់លេខ 1 ទូទាំងអាស៊ី ក៏ដូចជាបានទទួលការគាំទ្រពីសំណាក់អ្នកប្រើប្រាស់លើទូរទស្សន៍ HDTV នៃ J.D. Power ។ ភាពលេចធ្លោទាំងអស់នេះហើយ ដែលត្រូវាបានគេទស្សន៍ទាយថា Samsung នឹងដណ្តើមបានចំណាត់ថ្នាក់លេខ 1 បន្តទៀតជាទូរទស្សន៍ដែលលក់ដាច់ជាងគេលំដាប់ថ្នាក់ពិភពលោកក្នុងឆ្នាំ 2015 ផងដែរសម្រាប់រយៈពេល 10 ឆ្នាំជាប់គ្នា ។
BusinessKorea បានឲ្យដឹងថា UHD TV ត្រូវបានលក់ចេញជាង 13 លានគ្រឿង កាលពីឆ្នាំទៅ ដែលជម្រុញឲ្យការលក់ មានការកើនឡើង ជាងឆ្នាំមុនៗ រហូតដល់ទៅ 8 ដង។ នៅឆ្នាំនេះ សាមសុងបានផលិតនូវ ទូរទស្សន៍យ៉ាងទំនើបប្រភេទ SUHD TV ដែលរចនានូវអេក្រង់រាងកោងយ៉ាងល្អប្រណិត។ Samsung ជឿជាក់ថា ការលក់ចេញរបស់ទូរទស្សន៍ SUHD TV និងទូរទស្សន៍ដទៃទៀត នឹងជម្រុញឲ្យការលក់ចេញរបស់ Samsung កើនឡើង 10 ភាគរយ ដែលនឹងធ្វើឲ្យប្រាក់ចំណូលរបស់ខ្លួនមានការកើនឡើងដល់ទៅ 30 ភាគរយបន្ថែមទៀត។ ជាមួយគ្នានេះ Display Search ចេញផ្សាយដោយក្រុមហ៊ុន Samsung ក៏បានបង្ហាញទិន្នន័យ នៃការកើនឡើងរហូតដល់ 232.51 លានគ្រឿង ស្មើនឹង 3.3% ផងដែរ។ ទូរទស្សន៍ប្រភេទ LCD TV (បូករួមទាំងទូរទស្សន៍ ប្រភេទ LED-TV ) មានការកើនឡើងដល់ទៅ 7.5% ធៀបនឹងឆ្នាំមុនៗ ។
គួរបញ្ជាក់ផងដែរថា ក្រុមហ៊ុន Samsung បានរក្សាតំណែងឈានមុខគេផ្នែកទូរទស្សន៍កញ្ចក់ត្រង់រាបស្មើ រយៈពេល 9 ឆ្នាំជាប់គ្នា ចាប់តាំងពីឆ្នាំ 2006 មកម្លេះ។ នៅក្នុងឆ្នាំ 2014 ក្រុមហ៊ុនបានណែនាំទូរទស្សន៍ប្រភេទ UHD TV ដែលជាការផ្តល់ជូននូវអត្ថប្រយោជន៍ថ្មីដល់អតិថិជន។ ទូរទស្សន៍ Samsung UHD TV គឺជាបដិវត្តន៍ទូរទស្សន៍ជំនាន់ថ្មីដែលមិនត្រឹមតែផ្តល់នូវរូបភាពច្បាស់ប៉ុណ្ណោះទេ ថែមទាំងស្តង់នៃការផ្សាយកម្រិត UHD តាមរយៈ Evolution Kit ថែមទាំងទូរទស្សន៍ប្រភេទកញ្ចក់កោងដែលមើលបានគ្រប់ជ្រុងដែលនឹងជម្រុញវិសាលភាពនៃការលក់ទូរទស្សន៍របស់ Samsung កាន់តែកើនឡើង។ ក្រុមហ៊ុន Samsung គឺជាក្រុមហ៊ុនខ្លាំងជាងគេផ្នែកទូរទស្សន៍ ដែលនាំមុខគូប្រគួតប្រជែងរយៈពេល 9 ឆ្នាំជាប់គ្នាគិតត្រឹមឆ្នាំ 2014 ហើយក្រុមហ៊ុន Samsung ក៏កំពុងតែត្រៀមដណ្តើមយកចំណែកទីផ្សារក្នុងលំដាប់ថ្នាក់លេខ 1 បន្តទៀតជាបណ្តើរៗហើយក្នុងឆ្នាំ 2015 នេះ។