Note ជំនាន់ទីប្រាំបានវាយលុកទីផ្សារស្មាតហ្វូនជាថ្មីម្តងទៀតជាមួយនឹងការច្នៃប្រឌិតរូបរាងដ៏ប្រណីត និងបំពាក់មុខងារប្រើប្រាស់កាន់តែទំនើបៗជាងមុន។ ចំពោះ Apple iPhone 6 Plus វិញក៏មិនអន់ដែរ ព្រោះត្រូវបាន Apple រចនាឡើងជាមួយនឹងអេក្រង់ដ៏ធំមិនធ្លាប់មានក្នុងប្រវត្តិសាស្ត្ររបស់ Apple។ ប៉ុន្តែទោះបីជាសា្មតហ្វូនទាំងពីរនេះមានគុណសម្បត្តិ និងលក្ខណះសម្បត្តិសុទ្ធតែខ្លាំងៗដូចគ្នាយ៉ាងណាក្តីក៏នូវមានចំនុចខ្លះខុសគ្នាដែរ។ ដូច្នេះ យើងខ្ញុំសូមលើកយកមុខងារ 8 ចំនុចដែល Note 5 អាចធ្វើបានតែ iPhone 6 Plus បច្ចុប្បន្នមិនទាន់ធ្វើបាន។
1-ប៊ិច S Pen របស់ Note 5 មានមុខងារកាន់តែពិសេសឆ្លាតវៃ:
ប៊ិច S Pen ដែលភ្ជាប់មកជាមួយនឹង Note 5 មានគុណសម្បត្តិដ៏ពិសេសគឺអាចឲ្យអ្នកប្រើប្រាស់បំពេញកិច្ចការងារបានលឿនរហ័ស។ ចុចដើម្បីដកវាចេញរួចចាប់ផ្តើមសរសេរកំនត់ចំនាំផ្សេងៗដោយមិនចាំបាច់ដោះសោរអេក្រង់, បើកមុខងារប្រើប្រាស់មួយចំនួននៅលើ Air Command, សរសេរអក្សរជំនួសម្រាមដៃដោយមិនត្រូវការប្រើឃីប៊ត និងមុខងារសំខាន់ៗជាច្រើនទៀត។ ដែលខុសពី iPhone 6 Plus គឺអាចប្រើបានតែម្រាមដៃចុចបញ្ជាតែប៉ុណ្ណោះ។
2-មុខងារវាស់ចង្វាក់បេះដូង Monitor your heart rate:
មុខងារមួយនេះត្រូវបានបំពាក់មករួចជាស្រេចតែម្តងនៅលើ Note 5 ដោយមិនចាំបាច់ធ្វើការទាញយក ហើយការប្រើប្រាស់ក៏មានលក្ខណះសាមញ្ញទៀតផង។ប៉ុន្តែសម្រាប់ iPhone 6 Plus វិញគឺទាមទារឲ្យធ្វើការទាញយកមុខងារមួយនេះពីក្នុង App Store។
3-មុខងារ Stream live video directly to YouTube:
មុខងារថ្មីនេះអាចឲ្យអ្នកប្រើប្រាស់បញ្ជូនវីដេអូបានកម្រិត Full HD1080p ពីកាមេរ៉ាក្រោយ Note 5 ទៅកាន់គណនី Youtube របស់អ្នកផ្ទាល់តែម្តង។ ចំពោះ iPhone 6 Plus អាចប្រើមុខងារមួយនេះបានលុះត្រាតែដំឡើងកម្មវិធីជំនួយ និងមានអាចបញ្ជូនវីដេអូបានទំហំតូចតែប៉ុណ្ណោះ។
.jpg)
4-បច្ចេកវិទ្យាសាកថ្មឥតប្រើខ្សែ Wireless Charging:
Galaxy Note5 អនុញ្ញាត្តិឲ្យអ្នកប្រើប្រាស់សាកថ្មដោយប្រើឧបករណ៍ Wireless Charger ផ្សេងបានក្រៅពីរបស់វាផ្ទាល់ឲ្យតែ Wireless Charger ទាំងនោះផលិតតាមលក្ខណះស្តង់ដារ។
5-Screenshot វ៉ិបសាយបានពេញមួយគេហទំព័រតែម្តង
Note 5 និង S6 Edge+ អាចឲ្យលោកអ្នក Screenshot គេហទំព័រមួយបានពេញមួយទំព័រតែម្តង ព្រោះវាត្រូវបានភ្ជាប់ជាមួយនឹងមុខងារ Scroll Capture។ ចំនែក iPhone 6 Plus វិញអាច Screenshot បានតែចំនុចដែលអ្នកកំពុងមើលតែប៉ុណ្ណោះ។
6-មុខងារ Mobile Payment អាចប្រើបានគ្រប់ពេលគ្រប់ទីកន្លែង:
Samsung Pay នឹងដាក់ចេញឲ្យប្រើប្រាស់ជាផ្លូវការនៅថ្ងៃទី 28 កញ្ញាខាងមុខនេះ។ ហើយ Galaxy Note5 និង S6 Edge+ នឹងភ្ជាប់មុខងារមួយនេះផងដែរ។ Samsung Pay បំពាក់នូវបច្ចេកវិទ្យា Magnetic Secure Transmission ដែលមានលទ្ធភាពអាចស្កែន Credit Card បានគ្រប់ប្រភេទ ដូច្នេះ លោកអ្នកអាចទូទាត់ការចំនាយទាំងឡាយបានកាន់តែងាយស្រួលគ្រប់ពេលគ្រប់ទីកន្លែងជាមួយប័ណ្ណគណនីធានាគាររបស់លោកអ្នកតាមរយះ Note5។ ខុសពី Apple Pay អាចដំណើរការបានតែជាមួយនឹងឧបករណ៍ដែលមានបំពាក់បន្ទះ NFC តែប៉ុណ្ណោះ។
7-កញ្ចក់អេក្រង់ជំនាន់ចុងក្រោយភ្លឺច្បាស់ស្រទន់
Note5 និង S6 Edge+ បំពាក់ដោយកញ្ចក់អេក្រង់ជំនាន់ចុងក្រោយប្រភេទ Quad-HD Super AMOLED ដែលមានលទ្ធភាពបង្ហាញរូបភាពបានក្នុងកម្រិត 1440 x 2560p និងមានដង់ស៊ីតេភាពច្បាស់ខ្ពស់ 518ppi។ រីឯ iPhone 6 Plus វិញបំពាក់កញ្ចក់អេក្រង់ដែលអាចទ្រទ្រង់ទំហំរូបភាពក្នុងកម្រិត Full HD 1080p តែប៉ុណ្ណោះ។
8-ផ្លាស់ប្តូរទិន្នន័យទៅកាន់កុំព្យូទ័រ Mac និង Windows តាមរយះមុខងារ SideSync
Note5 និង S6 Edge+ បំពាក់មុខងារ SideSync ដែលជាមុខងារថ្មីមួយអាចឲ្យអ្នកប្រើប្រាស់ផ្លាស់ប្តូរទិន្នន័យទៅវិញទៅមករវាងទូរស័ព្ទ និងកុំព្យូទ័រពពួក Mac និងWindows។ ហើយទូរស័ព្ទ iPhone ក៏អាចដំណើរការជាមួយបានដែរ។
ទាំងអស់នេះគ្រាន់តែជាចំនុចខុសគ្នាមួយចំនួនរវាងកំពូលស្មាតហ្វូនស៊េរីថ្មីរបស់ក្រុមហ៊ុនបិតាបច្ចេកវិទ្យាពិភពលោកទាំងពីរតែប៉ុណ្ណោះ។ការវិនិច្ឆ័យ៉ាងណានោះមានតែអ្នកប្រើប្រាស់ទេដែលជាចៅក្រមកាត់សេចក្តី និងការស្រលាញ់ពេលចិត្តរបស់លោកអ្នកប៉ុណ្ណោះ៕
ប្រភពព័ត៌មាន :http://www.techinsider.io/samsung-galaxy-note-and-edge-versus-iphone-2015-8?utm_content=bufferc50c9&utm_medium=social&utm_source=facebook.com&utm_ campaign=buffer
