បើតាមរបាយការណ៌ថ្មីមួយរបស់ក្រុមហ៊ុនយក្សផ្នែកបច្ចេកវិទ្យារបស់ប្រទេសកូរ៉េខាងត្បូង Samsung បានឲ្យដឹងថា បន្ទាប់ពីបង្ហាញខ្លួនមិនបានយូរប៉ុន្មាន ប្រព័ន្ធប្រតិបត្តិការជំនាន់ថ្មីរបស់ Google គឺ Android 6.0 Marshmallow ត្រូវបានក្រុមហ៊ុន Samsung ដាក់គម្រោងនឹងធ្វើការអាប់ហ្គ្រេតនិងបំពាក់នៅលើទូរស័ព្ទស្មាតហ្វូនស៊េរីថ្មីប្រភេទ flagships ម៉ូដែលថ្មីចុងក្រោរបស់ខ្លួនចំនួនបួនម៉ូដែលគឺ Samsung Galaxy Note 5, Galaxy S6, S6 Edge និង S6 Edge Plus នៅក្នុងពេលដ៏ឆាប់ខាងមុខនេះផងដែរ។
យ៉ាងណាមិញ សម្រាប់ទូរស័ព្ទស្មាតហ្វូនទាំងបួនម៉ូដែលខាងលើគឺមាន firmware ដែលអាចធ្វើការអាប់ហ្គ្រេតបាន មិនតែប៉ុណ្ណោះ ទូរស័ព្ទស្មាតហ្វូន Galaxy Note 4 គ៏នឹងអាចទទួលការដំឡើងទៅកាន់កំណែប្រែថ្មីនេះដែរ។ ជាការពិតណាស់ ក្រុមហ៊ុន Samsung បាននឹងកំពុងធ្វើការងារយ៉ាងមមាញឹកបំផុតទៅលើកំណែកប្រែថ្មីនេះ ដើម្បីក្លាយជាទូរស័ព្ទស្មាតហ្វូនតំបូងគេបានទទួលបានការកំណែប្រែថ្មីនេះ បន្ទាប់ពីត្រកូល Nexus របស់ Google ផ្ទាល់តែម្តង។ ទូរស័ព្ទស្មាតហ្វូនដែលនឹងទទួលបានការដំឡើងទៅកាន់កំណែប្រែថ្មីក្នុងពេលដ៏ឆាប់ខាងមុខនេះ ត្រូវបានគេរំពឹងទុកថា នឹងទទួលបាននូវគុណប្រយ៉ោជន៌ជាច្រើន ជាពិសេសការដំណើរការនិងការកម្សាន្តបានកាន់តែរលូន ក៏ដូចជារក្សានូវអាយុកាលនៃការប្រើប្រាស់ថាមពលថ្មបានកាន់តែយូរជាងមុនថែមទៀតផង៕