លោកអ្មកដែលនិយមប្រើប្រាស់កាមេរ៉ាថតរូបទាំងអស់ មិនថាតែនៅក្នុងប្រទេសកម្ពុជា ក៏ដូចជានៅលើពិភពលោកនោះទេ គឺប្រាកដជាធ្លាប់ដឹង នឹងបានស្គាល់ខ្លះៗហើយអំពីសមត្ថភាពរួមជាមួយលក្ខណះសម្បត្តិ និងគុណភាពរបស់ Canon EOS M ដោយកាលពីឆ្នាំ 2013 កន្លងទៅ ម៉ូដែលនេះ ត្រូវបានគេចាត់ទុកជាកាមេរ៉ាអជីពដែលមានរាងតូចបំផុត ប៉ុន្តែសមត្ថភាពរបស់វា គឺពិតជាមិនចាញ់ប្រភេទ DLRS នោះទេ។
ឥលូវនេះ EOS M បានធ្វើការវិវត្តន៍ខ្លួនដល់ជំនាន់ទី 10 ហើយ។ EOS M10 គឺជាបងធំរបស់គេ ដែលនិងទើបតែដាក់សម្ពោធជាផ្លួវនៅលើទីផ្សារពិភពលោកកាលពីថ្ងៃទី 13 ខែតុលា ឆ្នាំ 2015 កន្លងទៅ ហើយបច្ចុប្បន្ននេះ វាកំពុងតែធ្វើដំណើរមកកាន់ប្រទេសកម្ពុជាហើយ តាមរយះក្រុមហ៊ុន i-Qlick។ EOS M10 គឺប្រភេទកាមរ៉ាដែលមានទំហំតូច តែអាចធ្វើការផ្លាស់ប្តូរកែវម៉ាស៊ីនបាន វាមានកាមេរ៉ាទំហំ 18 មេហ្កាភិចសែល APS-C CMOS sensor ហើយនិងមានភ្ជាប់មកជាមួយនឹង Lens Kits ទំហំ (15-45មម) និងមានអេក្រង់ Touchscreen ទំហំ 3.0 អីុង សំរាប់បង្ហាញរូបភាព ហើយព្រមទាំងមានភ្ជាប់រួចស្រេចនៅបច្ចេកវិទ្យា Wi-fi និង NFC ដើម្បីផ្តល់នូវភាពងាយស្រួល និងរឹតតែសំបូរបែបថែមទៀតសំរាប់អ្នកប្រើប្រាស់នៅក្នុងការចែករំលែករូបភាព។
EOS M10 មានសមត្ថភាពអាចថតវីដេអូបាននៅក្នុងកំរិត 1080p@30fps និងបានធ្វើការបំពាក់បន្ថែមនូវប្រព័ន្ធ Hybrid CMOS II AF system ដែលអាចចាប់រូបភាព Autofocus បានរហូតដល់ទៅ 49 points។ EOS M10 គឺមាន ISO 125-12800 និងអាចពង្រីកបន្ថែមបាន 25600។ វាមានទំហំរួម 108x67x35មម និងមានទម្ងន់ 301 ក្រាម។