កាលពីខែកន្លងទៅនាយកប្រតិបត្តិជាន់ខ្ពស់របស់ក្រុមហ៊ុន SONY លោកកាហ្សូហាយរ៉ៃបានមានប្រសាសន៍ថាប្រសិនបើអាជីវកម្មទូរស័ព្ទមិនអាចធ្វើឲ្យចំនូលរបស់ក្រុមហ៊ុនកើនឡើងក្នុងរយះពេលពេញមួយឆ្នាំក្រុមហ៊ុនអាចនឹងពិចារណាលើគម្រោងផ្សេង។ ការលើកឡើងបែបនេះ បានធ្វើឲ្យមជ្ឈដ្ឋានមួយចំនួនសន្និដ្ឋានថា ក្រុមហ៊ុន SONY អាចនឹងលក់អាជីវកម្មទូរស័ព្ទរបស់ខ្លួនជាក់ជាមិនខាននៅពេលខាងមុខ។
តែទោះជាយ៉ាងណាកាលពីពេលថ្មីៗនេះក្នុងបទសម្ភាសន៍ជាមួយនឹងប្រព័ន្ធផ្សព្វផ្សាយមួយរបស់ចិន លោក ហាយរ៉ៃ ដែលបានកាន់តំណែងជាប្រធាន និងជានាយកប្រតិបត្តិជាន់ខ្ពស់របស់ SONY តាំងពីឆ្នាំ 2012 មកបានបដិសេធទៅនឹងការលើកឡើងទាំងនោះដោយលោកបានបញ្ជាក់ច្បាស់ថាក្រុមហ៊ុនមិនមានបំណងលក់អាជីវកម្មទូរស័ព្ទរបស់ខ្លួននោះឡើយ។ ផ្ទុយទៅវិញក្រុមហ៊ុននៅតែពង្រឹងបន្តការផលិតរបស់ខ្លួន។
ប៉ុន្តែ ក្រុមហ៊ុនអាចនឹងកាត់បន្ថយការចំនាយខ្លះដើម្បីស្តារប្រាក់ចំនូលខ្លួនឡើងវិញ។ នៅពេលសំនួរសួរថា កន្លងមកមានពាក្យចចាមអារាមលើកឡើងថា ក្រុមហ៊ុន SONY មានគម្រោងចូលទីផ្សារបង្កើតបន្ទះឈីបទូរស័ព្ទស្មាតហ្វូនផ្ទាល់ខ្លួនរឺ? លោក ហាយរ៉ៃ បានបរិយាយច្រានចោលនូវពាក្យចចាមអារាមទាំងនោះ ដោយលោកបានមានប្រសាសន៍ថា SONY មិនមានគម្រោងណាមួយដើម្បីប្រឡូកក្នុងទីផ្សារបង្កើតបន្ទះឈីបស្មាតហ្វូនដូចដែលពាក្យចចាមរាមបានលើកឡើងនោះទេ។
ដោយ SONY គ្រាន់តែចង់ធ្វើការផ្លាស់ប្តូរ និងរៀបចំរចនាសម្ព័ន្ធអាជីវកម្មថ្មីមួយដើម្បីកាត់បន្ថយការចំនាយ និងបង្កើនប្រាក់ចំនូលរបស់ក្រុមហ៊ុនឡើងវិញតែប៉ុណ្ណោះ។ កត់សំគាល់បានថារយះពេលប៉ុន្មានឆ្នាំចុងក្រោយនេះប្រតិបត្តិការអាជីវកម្មស្មាតហ្វូនរបស់ក្រុមហ៊ុន SONY ហាក់មានការធ្លាក់ចុះ ទោះបីជាក្រុមហ៊ុនបានស្វះស្វែងបញ្ចេញនូវស្មាតហ្វូនស៊េរីថ្មីៗទំនើបៗរបស់ខ្លួនដើម្បីប្រកូតប្រជែងទីផ្សារយ៉ាងណាក៏ដោយ៕
http://www.gsmarena.com/sony_ceo_refutes_mobile_unit_sale_and_inhouse_chipset_rumors-news-15136.php