គំរូស្មាតហ្វូនជំនាន់ថ្មីរបស់ Samsung ចំនួនពីរម៉ូដែលគឺ Galaxy A3 (SM-A310F) និង Galaxy A5 (SM-A5100) ពេលនេះបានធ្លាក់ដល់ដៃស្ថាប័នសហព័ន្ធគណះកម្មការទូរគមនាគមន៍ (FCC) របស់សហរដ្ឋអាមេរិកហើយ។ ហើយបើយោងទៅលើរបាយការណ៍ធ្វើតេស្តសាកល្បងបញ្ចេញដោយ benchmark បានឲ្យដឹងថា ស្មាតហ្វូនជំនាន់ថ្មី Samsung Galaxy A3 ដែលមានលេខកូដតួរ SM-A310F នឹងមានអេក្រង់កម្រិត HD (720 x 1280p) ទំហំ 4.7 អ៊ីង, ប្រើបន្ទះឈីប Samsung Exynos 7580 SoC, អង្គគណនា Quad-Core 1.5GHz, RAM ទំហំ 1.5GB, អង្គក្រាហ្វិក Mali-T720, ថ្មទំហំ 2,300mAh, ទំហំផ្ទុកស្រាប់ក្នុងម៉ាស៊ីន 16GB និងដំណើរការដោយ Android 5.1.1 Lollipop។
ចំនែកកាមេរ៉ាថតរូបវិញមានទំហំ 13MP នៅផ្នែកខាងក្រោយ និងមុខ 5.0MP។ សម្រាប់ Samsung Galaxy A5 ដែលមានលេខកូដតួរ SM-A5100 វិញនឹងមានអេក្រង់កម្រិត FHD (1080 x 1920p) ទំហំ 5.2 អ៊ីង, បំពាក់អង្គគណនា octa-core 1.6GHz, អង្គក្រាហ្វិក Mali-T720, RAM ទំហំ 2GB, ថ្មទំហំ 2,900mAh, មានទំហំផ្ទុកស្រាប់ក្នុងម៉ាស៊ីន 16GB និងបំពាក់កាមេរ៉ាក្រោយទំហំ 13MP ហើយនិងមុខ 5.0MP ដូចគ្នាទៅនឹង Galaxy A3 ដែរ។
ចំពោះព័ត៌មានច្បាស់ការចុងក្រោយបានឲ្យដឹងថាក្រុមហ៊ុន Samsung បាននឹងកំពុងខិតកាន់តែជិតក្នុងការផលិតស្មាតហ្វូនជំនាន់ថ្មីទាំងពីរនេះជាផ្លូវការណ៍ហើយ ហើយពួកវាអាចនឹងបង្ហាញវត្តមានលើផ្សារក្នុងពេលឆាប់ៗខាងមុខនេះ។ ម្យ៉ាងវិញទៀតគេក៏រំពឹងថាស្មាតហ្វូនជំនាន់ទីពីរ Samsung Galaxy A7 ដែលនឹងមានលេខកូដតួរ SM-A710 ក៏អាចនឹងបង្ហាញវត្តមានស្របពេលជាមួយគ្នានេះផងដែរ៕