ស្ងាត់ៗក្រុមហ៊ុនផលិតស្មាតហ្វូនរបស់បារាំង Alcatel OneTouch បានប្រកាសចេញលក់ស្មាតហ្វូនដំណើរការដោយប្រតិបត្តិការ Windows 10 Phone ដំបូងរបស់ខ្លួនក្នុងតម្លៃត្រឹមតែ 139 ដុល្លារប៉ុណ្ណោះ។ ជាមួយស្មាតហ្វូនស៊េរីថ្មីមួយនេះមិនត្រូវបានលេចលឺព័ត៌មានស្តីពីការផលិតឡើយដោយគ្រាន់តែកាលពីកំឡុងខែ ធ្នូ ឆ្នាំកន្លងទៅក្រុមហ៊ុនបណ្តាញចែកចាញ T-Mobile របស់អាមេរិកបានបង្ហើបថាក្រុមហ៊ុនខ្លួននឹងទទួលយកស្មាតហ្វូន Windows 10 Phone ដំបូងរបស់ក្រុមហ៊ុន Alcatel OneTouch ដាក់លក់ក្នុងបណ្តាញវ៉ិបសាយរបស់ខ្លួនតែប៉ុណ្ណោះ។ ហើយកាលពីថ្ងៃព្រឹត្តិការណ៍ CES-2016 ដែលបានប្រារព្ធកាលពីខែមករាកន្លងទៅថ្មីៗនេះ Alcatel ក៏បានប្រកាសចេញស្មាតហ្វូនដែលដំណើរការជាមួយ Windows 10 Phone ដំបូងរបស់ខ្លួនពិតប្រាកដមែន។ ស្មាតហ្វូន Alcatel OneTouch Fierce XL នឹងបញ្ចេញដាក់នៅលើបណ្តាញវ៉ិបសាយ T-Mobile នៅថ្ងៃពុធសប្តាហ៍នេះជាមួយនឹងតម្លៃត្រឹមតែ 139 ដុល្លារអាមេរិកតែប៉ុណ្ណោះ។
OneTouch Fierce XL ត្រូវបានក្រុមហ៊ុនដាក់ឲ្យប្រើប្រាស់ជាមួយប្រតិបត្តិការ Window 10 Phone, មានអេក្រង់កម្រិត HD ទំហំ 5.5”, បំពាក់នូវបន្ទះឈីប Qualcomm Snapdragon 210 SoC ល្បឿន Quad-Core 1.1GHz Cortex-A7, រ៉េមទំហំ 2GB, ម៉េមូរីក្នុងម៉ាស៊ីន 16GB អាចដាក់បន្ថែមទំហំក្រៅបានប្រភេទ microSD, ប្រើប្រាស់ស៊ីមកាតបានពីរ (2G, 3G, 4G LTE), កាមេរ៉ាក្រោយទំហំ 8 មេហ្គាភិចសែល, មុខ 2.0 មេហ្គាភិចសែល និងបំពាក់ថ្មខ្នាត 2,500 mAh…ជាដើម។ហើយសម្រាប់ទីផ្សារបណ្តាប្រទេសនានានៅជុំវិញពិភពលោកក្រុមហ៊ុន Alcatel មិនទាន់ប្រកាសឲ្យដឹងពីការបរិច្ឆេទក្នុងការពាំនាំស្មាតហ្វូន Windows 10 Phone មួយនេះទៅចរាចរណ៍លក់នៅឡើយទេ៕