វាជារឿងធម្មតាទៅហើយ នៅពេលក្រុមហ៊ុនបច្ចេកវិទ្យានីមួយៗប្រកាសចេញសមិត្ថផលថ្មីអ្វីមួយរបស់ខ្លួនតែងតែបង្អូតដល់អ្នកប្រើប្រាស់នូវគុណសម្បត្តិ និងលក្ខណះសម្បត្តិពិសេសៗដែលក្រុមហ៊ុនខ្លួនសម្រេចបាននៅលើសមិទ្ធិផលមួយនោះមានទាំងការផ្សព្វផ្សាយពាណិជ្ជកម្ម ការធ្វើតេស្តដោយផ្ទាល់ និងតាមយុទ្ធវិធីផ្សេងៗដើម្បីទទួលបានការចាប់អារម្មណ៍។ ងាកមកក្រុមហ៊ុន Motorola ឯនេះវិញបានបង្កើតស្ពតពាណិជ្ជកម្មមួយនេះស្តីពីការបង្ហាញផលិតស្មាតហ្វូនស៊េរីថ្មីម៉ូដែល Motorola Droid Turbo 2 ដែលជាស្មាតហ្វូនស៊េរីថ្មីមួយដែលបានបំពាក់ដោយកញ្ចក់អេក្រង់ធន់រឹងមាំបំផុតក្នុងលោកដែលក្រុមហ៊ុនឲ្យឈ្មោះថា ShatterShield display Technology។
អ្វីដែលមានការចាប់អារម្មណ៍ក្នុងស្ពតពាណិជ្ជកម្មនោះគឺការឌឺដងទៅលើកំពូលស្មាតហ្វូន iPhone 6 របស់ Apple និង Galaxy S6 Edge របស់ Samsung។ ក្រៅតែពីមានកញ្ចក់អេក្រង់ដ៏រឹងមាំទំហំ 5.4” ប្រភេទ Flexible AMOLED Display ហើយ ទូរស័ព្ទស្មាតហ្វូនស៊េរីថ្មីនេះនៅភ្ជាប់ដោយចំនុចពិសេសៗជាច្រើនអាចបំពេញបានតាមតម្រូវការប្រើប្រាស់ទូទៅប្រចាំថ្ងៃបាន។ Droid Turbo 2 ដើរលើបន្ទះឈីប Qualcomm MSM8994 Snapdragon 810 មានអង្គគណនា 8 គ្រាប់ល្បឿន Quad-core 1.5 GHz Cortex-A53 & Quad-core 2.0 GHz Cortex-A57, រ៉េមទំហំ 3GB, កាមេរ៉ាក្រោយទំហំ 21 មេហ្គាភិចសែល Dual LED flash, មុខ 5.0 មេហ្គាភិចសែល LED flash និងមានថ្មជាប់តួរខ្នាត 3,760mAh ប្រភេទ Li-Ion។
គួរបញ្ជាក់ផងដែរថា Motorola Droid Turbo 2 ធ្លាប់ត្រូវបានក្រុមហ៊ុនតេស្តទម្លាក់ពីកំពស់ 15 ម៉ែត្រគឺមិនមានបញ្ហាឡើង និងក្រុមការងាររបស់បណ្តាញ unlockriver.com បានតេស្តទម្លាក់ពីកំពស់ 275 ម៉ែត្រដោយប្រើយន្តហោះ Drone វាគ្រាន់តែបែកគែមកញ្ចក់អេក្រង់បន្តិចប៉ុណ្ណោះព្រមទាំងនូវអាចប្រើបានធម្មតាទៀតផង។ តោះ…!ឥលូវនេះសូមទស្សនាការផ្សាយពាណិជ្ជកម្មរបស់ក្រុមហ៊ុន Motorola និងវីដេអូតេស្តសាកល្បងពី unlockriver.com ទាំងអស់គ្នា។