តាមកាលបរិច្ឆេទផ្លូវការណ៍របស់ Samsung គឺក្រុមហ៊ុននឹងបង្ហាញចេញកំពូលទូរស័ព្ទស្មាតហ្វូនកាត់ហ្វាប់ប្លែតជំនាន់ទី 7 គឺ Galaxy Note 7 នៅថ្ងៃទី 2 ដើមខែក្រោយនេះ គិតទៅវានូវតែជាងមួយអាទិត្យទៀតតែប៉ុណ្ណោះ ដែលគ្រប់យ៉ាងត្រូវបានលាតទ្រដាងពីកំពូលស្មាតហ្វូនថ្មីនេះ។ ទោះជាយ៉ាងនេះ ក្តីមានបណ្តាញចែកចាយមួយដែលមានឈ្មោះថា “Tech Shop” នៅទីក្រុង Dubai បានប្រកាសក្នុងវ៉ិបសាយរបស់ខ្លួនថា “អតិថិជនអាចធ្វើការកុម្ម៉ង់មុននូវកំពូលទូរស័ព្ទស្មាតហ្វូន Samsung Galaxy Note7 ប៉ុន្តែតម្រូវឲ្យបង់លុយកក់មុនប្រមាណ $130 ព្រមទាំងភ្ជាប់មកជាមួយរូបភាពកំពូលហ្វាប់ប្លែតមួយនេះទៀតផង។
តាមរូបភាពដែល Tech Shop បានភ្ជាប់មកជាមួយនោះយើងឃើញថា Samsung Galaxy Note 7 មានរូបរាងដូចដែលព័ត៌មានកន្លងមកបានចុះផ្សាយមែនគឺវាមានកញ្ចក់អេក្រង់កោងគែមសងខាង (Dual Curved Screen) ស្រដៀងត្រកូល Galaxy S6 និងS7 edge ដែរ។ ហើយជាពិសេសវាមានចំនួនបីពណ៌គឺទឹកមាស ទឹកប្រាក់ និងពងក្រសា។ បើតាមព័ត៌មានចុងក្រោយផ្សេងទៀតបានឲ្យដឹងថា Samsung នឹងបញ្ចេញស្មាតហ្វូន Galaxy note7 លក់ជាផ្លូវការណ៍ក្នុងខែសីហាតែម្តងក្រោយពីប្រកាសបង្ហាញជាផ្លូវការណ៍នៅថ្ងៃទី 2 ដើមខែនេះ៕
ប្រភពរូបភាព៖ http://www.sammobile.com/2016/07/22/here-is-the-galaxy-note-7-from-all-sides-in-gold-blue-and-silver/