កាមេរាស៊េរីថ្មី ៣ប្រភេទ របស់នីកុន (Nikon) រួមមាន Nikon D3300, Df និង D4s ត្រូវបានក្រុមហ៊ុន ចែក ចាយ Nikon នៅកម្ពុជា ដាក់បង្ហាញនៅ សណ្ឋាគារសូហ្វីតែល កាលពីថ្ងៃទី២៦ ខែមីនា ឆ្នាំ២០១៤។
លោក Ray Long (រ៉េឡុង) នាយកគ្រប់គ្រង ក្រុមហ៊ុន Nikon HGB Cambodia ( នីកុន ហ្អេចជីប៊ី ខេមបូឌា) បានឱ្យដឹងថា នាពេលបច្ចុប្បន្ននេះ ការថតរូបនៅក្នុងប្រទេសកម្ពុជា កំពុងតែពេញនិយមយ៉ាងខ្លាំង ហើយពួកគេ ត្រូវការកាមេរា ដែលផ្តោតទៅលើភាពច្បាស់នៃរូបភាព ដូច្នេះ Nikon D3300, Df និង D4s នឹងក្លាយជា ជម្រើស ដ៏ប្រសើសម្រាប់ពួកគេ ។
លោកបានបន្ថែមថា បើប្រៀបទៅនឹងក្រុមហ៊ុន ផលិតកាមេរាផ្សេងៗ នីកុន ជាប្រភេទកាមេរា ដោយផ្តោតទៅលើ រូបភាព១០០% ។ លោកថា៖ “ភាពខ្លាំងរបស់យើង គឺរូបភាព របស់កាមេរា” ។
D4s ជាកាមេរា ដ៏ទំនើបបំផុត របស់ក្រុមហ៊ុន នីកុន ដែលមានទ្រង់ទ្រាយ ជាលក្ខណៈ FX (Full Frame) ជាមួយនឹងកម្រិត 16.2 មេហ្គាភិចសែល/CMOS Sensor ។ វាប្រើប្រាស់ប្រព័ន្ធចាប់រូបភាព Expeed 4 ដែលក្រុមហ៊ុន បានបង្កើតឡើង ជាមួយនឹងប្រសិទ្ធភាព រូបភាព ដែលមានជួរ ISO ខ្ពស់ពី១០០ ទៅ ២៥៦០០ ដូច្នេះសូម្បីតែ ស្ថិតនៅក្នុងលក្ខខ័ណ្ឌ ដែលមានពន្លឺទាបយ៉ាងណាក៏ដោយ ការសម្តែងនៅតែធានាបាន ។ កាមេរានេះ អាចចាប់រូបភាព បានរហូតដល់១១ស៊ុម ក្នុងមួយវីនាទី ។ ចំណែក Df ជាកាមេរាថ្មី ដែលត្រូវបាន រចនាឡើង ដើម្បីផ្តល់វិធីសាស្ត្រ ច្នៃប្រឌិត ក្នុងការថតរូប ។ វាប្រើប្រាស់ប្រព័ន្ធ ប្រតិបត្តិការចាប់រូបភាព EXPEED 3 និងមានជួរ ISO 100-12800 ក្នុងកម្រិត 16.2mp មេហ្គាភិចសែល/ CMOS Sensor ។ ដោយឡែក D3300 មានប្រព័ន្ធប្រតិបត្តិការ ចាប់រូបភាព EXPEED 4 ដែរប៉ុន្តែមានទំហំធំ ដែលអាចថត រូបភាពក្នុងទំហំ 24.2 មេហ្គាភិចសែល និងមានកម្មវិធីកំណត់បញ្ជារូបភាព ជាមួយនឹងកម្មវិធី Picture Control និង Special Effects Modes ដ៏ពិសេសចំនួន១៣កម្មវិធផងដែរ ។កាមេរាទាំង៣ប្រភេទនេះ សុទ្ធតែមានសមត្ថភាព ក្នុងការថតរូបភាពបានច្បាស់បំផុត ទាំងនៅទីដែលមានពន្លឺខ្លាំង និងនៅទីងងឹង ៕
