កាលពីថ្ងៃទី 10 ខែមេសា ឆ្នាំ 2014 ក្រុមហ៊ុន LG Electronics (Cambodia)បានសហការណ៍ជាមួយក្រុមហ៊ុន G Gear ដែលជាក្រុមហ៊ុនទទួលសិទ្ធិចែកចាយស្របច្បាប់ផលិតផលម៉ាក LG នៅក្នុងទីផ្សារប្រទេសកម្ពុជា បានរៀបចំកម្មវិធីដាក់បង្ហាញជាផ្លូវការនៅផលិតផលម៉ាស៊ីនត្រជាក់ស៊េរីថ្មី LG Multi V IV នៅឯសណ្ឋាគារភ្នំពេញ ។
LG Multi V IV ត្រូវបានបំពាក់ដោយបច្ចេកវិទ្យាដ៏ទំនើប ដែលអាចផ្តល់នូវភាពត្រជាក់កាន់តែប្រសើរ និងការដំណើរកាឈានទៅរកកំរិតស្តង់ដារមួយដ៏ល្អបំផុត។ ម៉ាស៊ីនត្រជាក់ LG Multi V IV គឺជាលទ្ធផលដ៏ជោគជ័យចុងក្រោយគេបង្អស់របស់ LG នាពេលបច្ចុប្បន្ននេះ ហើយ LG Multi V IV ក៏បាននាំមកនូវគុណភាពដែលឈានមុខគេ ប្រសើរជាងគេទាំងប្រសិទ្ធិភាព និងដំណើរការ។ LG Multi V IV អាចកាត់បន្ថយប្រេង និងអាចសន្សំសំចៃថាមពលអគ្គិសនីបានខ្ពស់រហូតដល់ 30% ជាមួយនឹង បច្ចេកវិទ្យា Inverter Compressor ជំនាន់ទី 4 និងការផ្តល់នូវភាពត្រជាក់កាន់តែប្រសើរឡើង។
LG Multi V IV មានមុខងារ និងលក្ខណៈពិសេសជាច្រើនដែលអាចផ្តល់នូវភាពងាយស្រួលនិង យល់ពីតំរូវការរបស់លោកអ្នកបំផុត។ អ្នកប្រើប្រាស់ទាំងអស់គ្នា អាចគ្រប់គ្រងត្រួពិនិត្យ និងធ្វើការបញ្ជាប្រពន្ធ័គ្រប់គ្រងរបស់វាបានតាមរយៈទូរស័ព្ទ រឺក៏កំព្យូទ័រ។ លក្ខណៈងាយ ស្រួលនៅក្នុងការតំឡើងគឺអាចតំឡើងបានក្នុងអាគារខ្ពស់ៗ ដែលមានកំពស់រហូតដល់ 1,000 ម៉ែត្រ ។
បន្ថែមទៅលើប្រសិទ្ធិភាពថាមពល ដ៏គួរអោយចាប់អារម្មណ៍នេះដែល LG Multi V IV ក៏បាន បន្ថែមចំនួនសន្ទះទប់ខ្យល់ ពី 4 ទៅ 6 គ្រាប់ដែលអាចអោយយើងគ្រប់គ្រងនៅភាពត្រជាក់បានបើយើង ប្រៀបធៀបទៅ និងផលិតផលដ៏ទៃទៀតដែលមានសន្ទះទប់ខ្យល់ត្រឹមតែ 4 គ្រាប់ប៉ុណ្ណោះ។
លោកឧកញ៉ា សុខ ពិសិដ្ឋ ប្រធានប្រតិបត្តិរបស់ក្រុមហ៊ុន G Gear បានមានប្រសាសន៍ថា“សំរាប់ LG អត្ថប្រយោជន៍របស់អតិថិជន គឺជាអ្វីដែលសំខាន់បំផុត។ ប្រពន្ធ័ម៉ាស៊ីនត្រជាក់ LG Multi V IV បានរួមបញ្ចូលគ្នានូវបច្ចេកវិទ្យា HVAC (Heating, Ventilation and Air-Conditioning) ដែលឈានមុខគេ និងបច្ចេកវិទ្យាអភិវឌ្ឍន៍ចុងក្រោយគេបង្អស់ជាច្រើនទៀត ដែលធ្វើអោយម៉ាស៊ីនត្រជាក់ LG Multi V ស៊េរីថ្មីជំនាន់ទី4 នេះមានកំលាំងថាមពលល្អគ្មានគូប្រៀបទាំងដំណើរការប្រតិបត្តិការរបស់ ម៉ាស៊ីន និង ការសន្សំសំចៃអគ្គិសនី ” ។