កាលពីថ្ងៃទី ២៣ ខែកក្កដា ឆ្នាំ ២០១៤: ក្រុមហ៊ុន Huawei ដែលជាក្រុមហ៊ុន ផ្តល់ដំណោះស្រាយ ផ្នែកព័ត៌មានវិទ្យា និង បច្ចេកវិជ្ជាទូរ គមនា គមន៍ (ICT) ដ៏ឈានមុខគេលើពិភពលោក បានសហការជាមួយស្ថានទូតចិននិង ក្រសួង ប្រៃសណីយ៍ និងទូរគមនាគមន៍កម្ពុជា ដើម្បីរៀប ចំ កិច្ចប្រជុំស្តីពីនិន្នាការវិវត្តន៍ថ្មី វិស័យបច្ចេកវិជ្ជាព័ត៌មានវិទ្យា និងសារគមនាគមន៍ (ICT) កម្ពុជា ឆ្នាំ ២០១៤ ។ នៅក្នុងព្រឹត្តិការណ៍ដ៏សំខាន់ នេះ នៅសណ្ឋាគារសូហ្វីតែល ក្នុងរាជធានីភ្នំពេញ ក្រុមហ៊ុន Huawei បានធ្វើការចែករំលែនិន្នាការ ឱកាស និងបញ្ហាប្រឈមមួយចំនួន ក្នុងវិស័យឧស្សាហកម្ម បច្ចេកវិជ្ជាព័ត៌មានវិទ្យា(ICT) ដោយបានបង្ហាញថា បច្ចេកវិជ្ជាអាចធ្វើឲ្យវិស័យទូរគមនាគន៍ និងជីវិតរបស់អ្នកប្រើប្រាស់នៅកម្ពុជា មានភាពល្អប្រសើរឡើងនៅក្នុងពេលអនាគតដ៏ខ្លីនេះ។
ក្រោមប្រធានបទ "កិច្ចប្រជុំស្តីពីនិន្នាការវិវត្តន៍ថ្មី បច្ចេកវិជ្ជាព័ត៌មានវិទ្យា និងសារគមនាគមន៍(ICT) កម្ពុជាឆ្នាំ ២០១៤" ប្រតិបត្តិករកម្ពុជាទាំងអស់ រួមមាន ឯកឧត្តម កាន ច័ន្ទមេត្តា រដ្ឋលេខាធិការ ក្រសួងប្រៃសណីយ៍ និងទូរគមនាគមន៍កម្ពុជា និង ឯកឧត្តម Song Xiaoguo ទីប្រឹក្សាសេដ្ឋកិច្ច និងពាណិជ្ជកម្មនៃស្ថានទូតសាធារណៈរដ្ឋ ប្រជាមានិតចិន ប្រចាំព្រះរាជាណាចក្រកម្ពុជា បានចែករំលែកទស្សនៈ និងពិភាក្សាយ៉ាងស៊ីជម្រៅលើការរំពឹងទុកនូវការពង្រីក និងធ្វើពាណិជ្ជកម្ម ក្នុងប្រទេសកម្ពុជា។
"បច្ចេកវិជ្ជាទូរគមនាគមន៍កំពុងបន្តដឹកនាំពិភពឌីជីថល និងជីវភាពប្រចាំថ្ងៃរបស់មនុស្សឆ្ពោះទៅកាន់ចំណុចកំពូលមួយនៃពិភពលោក។ វាមិនត្រឹមតែជាឧបករណ៍មួយដើម្បីបង្កើនប្រសិទ្ធភាពឲ្យកាន់តែប្រសើរឡើងនោះទេ ប៉ុន្តែវាជាកត្តាលីករដែលមានសមត្ថភាពសម្រាប់ការផ្លាស់ប្តូរលើវិស័យឧស្សាហកម្មទាំងអស់" លោក Yu បានបន្ថែមទៀតថា៖ «វិស័យនានាជាច្រើនដែលប្រើប្រាស់របៀបជាប្រពៃណី ដូចជា ការអប់រំ ការដឹកជញ្ជូន និងធនាគារ នឹងត្រូវបានផ្តល់នូវរបត់ថ្មី ជាក់ស្តែងការប្រើប្រាស់ អ៊ីនធើណេត ព័ត៌មានវិទ្យា និង បច្ចេកវិជ្ជាទូរគមនា គមន៍(ICT)បានក្លាយជាគោលការណ៍មូលដ្ឋានថ្មីមួយសម្រាប់ជាផ្នត់គំនិតនៃអាជីវកម្មដែលតម្រូវឱ្យយើងចាត់ទុកអតិថិជនជាចម្បងនៅគ្រប់ជ្រុងជ្រោយទាំងអស់នៃអាជីវកម្ម ជាពិសេសយើងត្រូវផ្តោតលើ ការផ្តល់នូវបទពិសោធន៍ថ្មីដល់អតិថិជន តាមមធ្យោបាយមួយដែលយើងមិនធ្លាប់បានធ្វើពីមុនមក"។
ក្រុមហ៊ុន Huawei បានចែករំលែកដំណោះស្រាយលើវិស័យព័ត៌មានវិទ្យា និងបច្ចេកវិជ្ជាទូរគមនាគមន៍(ICT) និងថែមទាំងបានបង្ហាញគ្រឿងឧបករណ៍ជាច្រើននៅក្នុងកិច្ចប្រជុំកំពូលនេះ។ បច្ចេកវិទ្យាថ្មីនេះ នឹងបង្កើនអោយមានតំណភ្ជាប់រវាងមនុស្សបានកាន់តែច្រើន ខណៈពេលដែលវាក៏បានលើកកម្ពស់ នូវបទពិសោធន៍របស់អតិថិ ជន។ នៅក្នុងការសហការជាមួយប្រតិបត្តិករក្នុងស្រុក ក្រុមហ៊ុន Huawei ត្រៀមខ្លួនរួចជាស្រេច ដើម្បីនាំយកយុទ្ធសាស្ត្រនិន្នាការវិវត្តន៍ថ្មី វិស័យព័ត៌មានវិទ្យា និង បច្ចេកវិជ្ជាទូរគមនាគមន៍(ICT) ក្នុងប្រទេសកម្ពុជា។
បច្ចុប្បន្ននេះ ឧស្សាហកម្មបច្ចេកវិជ្ជាព័ត៌មានវិទ្យា និង បច្ចេកវិជ្ជាទូរគមនាគមន៍(ICT) បានដំណើរការដល់ចំណុចរួមកាន់តែច្រើន ជាមួយនឹងឧស្សាហកម្មដែលកំពុងរីកលូតលាស់ផ្សេងទៀត។ ប្រតិបត្តិករបានសម្លឹងឆ្ពោះទៅមុខ ក្នុងការបង្កើតនូវទម្រង់ព័ត៌មានមួយ ដែលនឹងផ្តល់ភាពងាយស្រួល ក្នុងការទទួលព័ត៌មានសង្គម នាពេលអនាគត។ និន្នាការវិវត្តន៍ថ្មី នេះបង្ហាញពីការវិវឌ្ឍចំពោះផលិតផល និងសេវាកម្មថ្មី ព្រមទាំងបង្ហាញពីកិច្ចខិតខំរបស់យើង ចំពោះការបង្កើតទម្រង់ថ្មី នៃទូរគមនាគមន៍-ព័ត៌មានវិទ្យាសម្រាប់អនាគតអ្នកជំនាន់ក្រោយ។
ក្រុមហ៊ុន Huawei បានបង្កើតឡើងនូវរាល់ផលិតផលទូរគមនាគមន៍បណ្តាញតរភ្ជាប់ នៃប្រព័ន្ធព័ត៌មានវិទ្យា និង បច្ចេកវិជ្ជាទូរគមនាគមន៍(ICT) ប្រកបដោយភាពច្នៃប្រឌិត និងដំណោះស្រាយដ៏ទូលំទូលាយ។ ក្នុងនាមជាអ្នកផ្គត់ផ្គង់សម្ភារៈបរិក្ខារទូរគមនាគមន៍ដ៏សំខាន់បំផុតនៅក្នុងប្រទេសកម្ពុជា ក្រុមហ៊ុន Huawei នឹងបន្តប្តេជ្ញាផ្តល់ជូននូវយុទ្ធសាស្ត្រ(3D) សម្រាប់ឧស្សាហកម្មទូរគមនាគមន៍នេះ ដែលរួមមាន បង្កើនសមត្ថភាពជំនាញបច្ចេកទេស និងការច្នៃប្រឌិតយ៉ាងទូលំទូលាយដើម្បីសម្រេចបាននូវព័ត៌មានវិទ្យា និងបច្ចេកវិជ្ជាទូរគមនាគមន៍(ICT)គ្រប់ ទីកន្លែង, បទពិសោធន៍នៃការបំផុសគំនិត និងការច្នៃប្រឌិតដ៏ឆ្លាតវៃ សម្រាប់ក្រុមហ៊ុនទូទាំងពិភពលោក, រួមទាំងជួយប្រតិបត្តិករ អតិថិជន និងដៃគូ ដើម្បីបន្តការប្រកួតប្រជែងដែលមិនធ្លាប់មានពីមុនមក, ដោយយើងអាចស្រមើស្រមៃទាំងអស់គ្នា ទាំងថ្ងៃនេះ និងពេលខាងមុខទៀត។
មន្ត្រីរាជរដ្ឋាភិបាលជាង ៨០រូប និយ័តករ និងអ្នកជំនាញឧស្សាហកម្ម បានមកជួបជុំគ្នានៅឯកិច្ចប្រជុំកំពូលស្តីពី បំលាស់ប្តូរវិស័យ បច្ចេកវិជ្ជាព័ត៌មានវិទ្យា និងសារគមនាគន៍(ICT) ក្រោមប្រធានបទ "ការច្នៃប្រឌិតដើម្បីអនាគត" ដើម្បីពិភាក្សាពីរបៀបលើកកម្ពស់ការអភិវឌ្ឍ នៃឧស្សាហកម្ម ផ្នែកព័ត៌មានវិទ្យា និង បច្ចេកវិជ្ជាទូរគមនាគមន៍។
