ក្នុងពេលថ្មីៗនេះ Samsung Galaxy Tab S គឺជាប្រធានបទមួយត្រូវបានលើកមកពិភាក្សា ច្រើនបំផុតដែលកំពុងមានភាពពុះកញ្ជ្រោលក្នុងពិភព Tablet។ នេះជាការរចនារូបរាងឡើងដ៏ស្តើង និង ស្រាលជាមួយអេក្រង់ដ៏អស្ចារ្យផ្តល់ជូនពណ៌ធម្មជាតិពិតៗដែលធ្វើឱ្យដៃគូប្រកួតប្រជែងហាមាត់មិនរួច។ មិនយូរប៉ុន្មានបន្ទាប់ពីសារព័ត៌មានចុះផ្សាយពីលក្ខណៈសម្បត្តិ និងចំណុចពិសេសរបស់ Samsung Galaxy Tab S ក្រុមហ៊ុន Samsung ដែលជាក្រុមហ៊ុនផលិតទូរស័ទ្ទដៃលេខ1 នៅក្នុងពិភពលោក ហើយក៏ជាក្រុមហ៊ុនទូរស័ទ្ទដៃលេខ១ នៅក្នុងប្រទេសកម្ពុជាផងដែរ បានសម្ពោធដាក់លក់ជាផ្លូវការ Samsung Galaxy Tab S នៅហាងទូរស័ព្ទទំនើប សាមសុង អប្សរា ផាកវ៉េ មហាវិថីម៉ៅសេទុង នៅថ្ងៃទី 08 ខែកក្កដា ឆ្នាំ 2014 ។ Samsung Galaxy Tab S នឹងផ្តល់ជូនលោកអ្នកជាមួយជម្រើសនៃទំហំអេក្រង់ 10.5 អ៊ីង និង 8.4 អ៊ីង ដែលផលិតឡើងជាមួយលក្ខណៈពិសេសនៃអេក្រង់ Super AMOLED (WQXGA 2560x1600,16:10)ផ្តល់ នូវរូបភាព និងវីដេអូច្បាស់ល្អឥតខ្ចោះ មិនធ្លាប់មានជាមួយកម្រាស់ដ៏ស្តើងត្រឹមតែ 6.6 mm ប៉ុណ្ណោះ។
អ្វីដែលភ្ញាក់ផ្អើលនៅក្នុងកម្មវិធីនោះ គឺមានការចូលរួមដ៏ច្រើនកុះករពីអតិថិជនគ្រប់វ័យតារាចម្រៀង និងតារាសម្តែងដែល មានប្រជាប្រិយភាពក្នុងពិភពសិល្បៈ មកតម្រង់ជួរដណ្តើមឱកាសក្លាយជាម្ចាស់ Samsung Galaxy Tab S 30 នាក់ដំបូង ដើម្បីទទួលបានការផ្តល់ជូនពិសេសនិងអត្ថប្រយោជន៍ជាច្រើនពី Samsung។ ទាំងនោះមាន ក្តារចុច(Keyboard) តម្លៃ 150 ដុល្លារ គម្របដ៏ប្រណិត (premium cover) តម្លៃ 50 ដុល្លារ និងរីករាយជាមួយទិន្នន័យអ៊ីនធើណិតឥតគិតថ្លៃចំនួន 24 GB។
លោក ហ្គីហាន់ លី នាយកគ្រប់គ្រងថៃសាមសុងអេឡិចត្រូនិច ប្រចាំកម្ពុជា-ឡាវ បានឱ្យដឹងថា “យើងពិតជាមានមោទនភាពណាស់ចំពោះការបង្ហាញ និងប្រាប់ទៅកាន់ ពិភពលោកចំពោះវត្តមានរបស់ Samsung Galaxy Tab S ដែលត្រៀមខ្លួនជាស្រេចដើម្បីក្លាយជា Tablet ឈានមុខគេនៅក្នុងទីផ្សារពិភពលោក និងទីផ្សារកម្ពុជា។ បច្ចេកវិជ្ជាថ្មីរបស់ Samsung គឺ ត្រូវបានផលិតឡើងជាមួយនឹងការយល់ច្បាស់អំពីតម្រូវការជាក់ស្តែងរបស់អ្នកប្រើប្រាស់ ហើយបច្ចេកវិជ្ជា ចុងក្រោយបំផុតនេះ គឺជាការឆ្លើយតបនឹងតម្រូវការទាំងនោះ និងការកែប្រែថ្មីសម្រាប់អ្នក។ ឧទាហរណ៍បច្ចេកវិជ្ជាអេក្រង់ Super AMOLED ដែលធានាថាមនុស្សគ្រប់រូបនឹងទទួលបានភាពសប្បាយរីករាយ រាល់ពេលទស្សនាវីដេអូជាមួយនឹងពណ៌ដ៏រស់រវើកលេចឡើងនៅលើអេក្រង់ដ៏ច្បាស់ល្អឥតខ្ចោះនេះ។ ហើយអ្នកនឹងមានមោទនភាពក្នុងការកាន់ និងប្រើ Samsung Galaxy Tab S នៅគ្រប់ទីកន្លែងពីព្រោះគ្រប់ជ្រុងនៃ Samsung Galaxy Tab S ត្រូវបានរចនាឡើងជាមួយភាពល្អប្រណិត និងកម្រាស់ដ៏ស្តើងត្រឹម 6.6 mm តែប៉ុណ្ណោះ និងអាចទស្សនាកម្មវិធីជាច្រើនក្នុងពេលតែមួយ" ។
អំពីក្រុមហ៊ុន Samsung Electronics co., Ltd
គឺជាក្រុមហ៊ុននាំមុខគេលើពិភពលោកផ្នែកបច្ចេកវិជ្ជាដោយផ្ដល់លទ្ធភាពថ្មីៗ ជូនមនុស្សគ្រប់រូបគ្រប់ទីកន្លែង។ តាមរយៈការបង្កើតថ្មី និងរបកគំហើញឥតឈប់ឈរ យើងកំពុងតែផ្លាស់ប្ដូរឱ្យកាន់តែប្រសើរឡើង នូវពិភព ទូរទស្សន៏ ស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីនថតរូប ឧបករណ៍ផ្ទះបាយ ម៉ាស៊ីន ថតចម្លង ប្រព័ន្ធ LTE ឧបករណ៍វេជ្ជសាស្ត្រ ឧបករណ៍ផ្សេងៗប្រើប្រព័ន្ធអគ្គីសនី និងដំណោះ ស្រាយផ្សេងៗ ប្រើប្រព័ន្ធ LED។ យើងមានបុគ្គលិកចំនូន 286,000 នាក់ នៅទូទាំង 80 ប្រទេស ដោយមានបរិមាណ លក់ប្រចាំឆ្នាំចំនួន 216.7 ពាន់លានដុល្លាអាមេរិក។ព័ត៌មានបន្ថែមសូម មើលគេហទំព័រ www.samsung.com៕