ដូចអ្វីដែលយើងគ្រប់គ្នាដឹងថា ក្រុមហ៊ុន Samsung ជាក្រុមហ៊ុនលេខ 1 ទាំងផ្នែកទូរស័ព្ទ និងទូរទស្សន៍ទូទាំងពិភព លោក ក៏ដូចនៅក្នុងប្រទេសកម្ពុជា និងជាក្រុមហ៊ុនដែលផ្តល់នូវដំណោះស្រាយបច្ចេកវិជ្ជាធំបំផុតក្នុងពិភពលោក។ ក្រុមហ៊ុន Samsung មិនមែនគ្រាន់តែជាក្រុមហ៊ុនរកប្រាក់ចំណូលតែប៉ុណ្ណោះទេ ប៉ុន្តែមានមហិច្ចតាខ្ពស់ចំពោះកិច្ចការ សង្គមដែលបានកំណត់ទៅក្នុងផ្នែកមួយដ៏សំខាន់នៃបេសកម្មរបស់ក្រុមហ៊ុនក្នុងគោលបំណងជួយដល់ការអភិវឌ្ឍន៍សហគមន៍។ ក្រុមហ៊ុន Samsung ក៏បានចូលរួមនៅក្នុងសកម្មភាពសង្គមជាច្រើននាពេលកន្លងមករួចហើយ។
ដោយកត្តាធនធានមនុស្ស គឺជាបញ្ហាដ៏សំខាន់នៃការអភិវឌ្ឍន៍ប្រទេស ដូចនេះហើយក្រុមហ៊ុន Samsung បានចាប់យក ឱកាសមួយដ៏សំខាន់ដើម្បីរួមដៃក្នុងការបង្កើនធនធានមនុស្សនៅក្នុងផ្នែកអេឡិចត្រូនិកនេះ។ ជាលទ្ធផល ក្រុមហ៊ុន Samsung បានផ្តួចផ្តើមបង្កើតវគ្គបណ្តុះបណ្តាល "Samsung Tech Institute" ដោយផ្តោតលើបច្ចេកវិជ្ជាទូរស័ព្ទដៃ Smartphone ដែលនេះគឺជាវគ្គបណ្តុះបណ្តាលផ្នែកអេឡិចត្រូនិក ដំបូងគេបង្អស់នៅក្នុងប្រទេសកម្ពុជា ដែលធ្វើឡើង នៅវិទ្យាស្ថានជាតិពហុបច្ចេកទេសកម្ពុជា (NPIC) ដោយមានកិច្ចសហការជាមួយឯកឧត្តមសាកលវិទ្យាធិការ និងក្រោម ការគាំទ្រយ៉ាងពេញទំហឹងពី ក្រសួងការងារ និងបណ្តុះបណ្តាលវិជ្ជាជីវៈ។
ក្រុមហ៊ុន Samsung មិនត្រឹមតែបានធ្វើការឧបត្ថម្ភលើផលិតផលបច្ចេកវិជ្ជា សម្ភារៈសិក្សា និងបញ្ជូនគ្រូបង្គោលជំនាញ សម្រាប់វគ្គសិក្សានេះទេ គឺថែមទាំងផ្តល់ឱកាសពិសេសដល់សិក្ខាកាមដែលមានសមត្ថភាពអាចនឹងទទួលបានការងារ និងអាចក្លាយជាបុគ្គលិកពេញសិទ្ធិនៅក្រុមហ៊ុន Samsung ផងដែរ។ ទាំងនេះរឹតតែធ្វើឱ្យសិក្ខាកាមទាំងអស់ខិតខំ ព្យាយាមដោយយកចិត្តទុកដាក់ចំពោះមេរៀនដែលគ្រូបង្គោលផ្តល់ជូនក្នុងការសិក្សាប្រកួតប្រជែងគ្នាដើម្បីទទួលបាននូវលទ្ធផលខ្ពស់នៅពេលបញ្ចប់វគ្គសិក្សានេះ។
នៅក្នុងកិច្ចសម្ភាសន៍ជាមួយឯកឧត្តម ប៊ុន ភារិន សាកលវិទ្យាធិការ នៃវិទ្យាស្ថានជាតិពហុបច្ចេកទេស កម្ពុជា (NPIC) បានមានប្រសាសន៍ថា «ក្នុងនាមជាអ្នកតំណាងវិទ្យាស្ថាន ខ្ញុំសូមថ្លែងអំណរគុណយ៉ាង ជ្រាលជ្រៅចំពោះក្រុមហ៊ុន Samsung សម្រាប់កិច្ចសហការយ៉ាងល្អជាមួយ NPIC របស់យើងខ្ញុំក្នុងការនាំមកនូវវគ្គបណ្តុះបណ្តាល "Samsung Tech Institute" ឱ្យលេចចេញជារូបរាង។ វគ្គបណ្តុះបណ្តាលនេះផ្តល់នូវចំណេះដឹងផ្នែកបច្ចេកវិជ្ជាទូរស័ព្ទចល័តដល់ សិស្សសម្រាប់ជាធនធាន និងទទួលបានឱកាសការងារខ្ពស់នាពេលអនាគតរបស់ពួកគេ។ ហើយនេះ គឺជាគំនិតផ្តួចផ្តើម លើកដំបូងបង្អស់ដែលពុំទាន់មានម៉ាកផលិតបច្ចេកវិជ្ជាក្នុងប្រទេសកម្ពុជាណាបង្កើតឡើងឡើយ"។
រីឯគ្រូបង្គោលរបស់ក្រុមហ៊ុន Samsung ដែលបានបណ្តុះបណ្តាលក្នុងវគ្គនេះ ក៏បានមានប្រសាសន៍ផងដែរថា វគ្គបណ្តុះបណ្តាលនេះនឹងផ្តល់អត្ថប្រយោជន៍ជាច្រើនដល់សិក្ខាកាមដែលបានចូលសិក្សាឱ្យសមស្របគ្នាទៅនឹងសម័យបច្ចុប្បន្ននេះខណៈដែលមនុស្សភាគច្រើនចូលចិត្តប្រើប្រាស់ទូរស័ព្ទដៃ Smartphone សម្រាប់ទំនាក់ទំនងជាមួយគ្នា និងសម្រាប់ កិច្ចការជាច្រើនផ្សេងទៀត។នោះហើយជាមូល ហេតុដែលវគ្គបណ្តុះបណ្តាលនេះបានហ្វឹកហាត់សិក្ខាកាមឱ្យដឹងទាំងអស់នៃមុខងារ និងលក្ខណៈពិសេសផ្សេងទៀតរបស់ទូរស័ព្ទបូករួមទាំងការជួសជុលផងដែរ។ ជាពិសេសខ្ញុំសង្កេតឃើញថា សិក្ខាកាមទាំងអស់គ្នាខំប្រឹងយកចិត្តទុកដាក់សិក្សាស្វែងយល់យ៉ាងពេញទំហឹង 100% លើវគ្គបណ្តុះបណ្តាលនេះ។
សិក្ខាកាមម្នាក់ក្នុងចំណោមសិក្ខាកាមទាំងអស់ក៏បានឱ្យដឹងថា៖ «វគ្គបណ្តុះបណ្តាលនេះ ពិតជាគួរឱ្យ ចាប់អារម្មណ៍ និង ពិតជាផ្ដល់ប្រយោជន៍ដល់ខ្ញុំយ៉ាងច្រើន។ វគ្គបណ្តុះបណ្តាលនេះបង្រៀនឱ្យខ្ញុំចេះវិធីល្អប្រសើរជាងមុនក្នុងការប្រើទូរស័ព្ទ Samsung ស្មាតហ្វូនដែលមានមុខងារប្រើប្រាស់ច្រើន និងទំនើបៗដែលមានសមត្ថភាពគ្រប់គ្រង និងមានមុខងារ ពិសេស សម្រាប់ជាប្រយោជន៍ច្រើនជាមួយការគ្រប់គ្រងការងារ។ លើសពីនេះទៅទៀតខ្ញុំអាចដឹងអំពីប្រព័ន្ធដំណើរការ និងវិធីជួសជុលផងដែរ។ គួរកត់សម្គាល់ថាក្រុមហ៊ុន Samsung មានក្តីរំពឹងទុកយ៉ាងជឿជាក់ថាវគ្គបណ្ដុះ បណ្ដាលនេះ នឹងត្រូវបានបញ្ចប់ដោយផ្លែផ្កាក៏ដូចជាចូលរួមចំណែកផ្តល់ជូននូវធនធានមនុស្សដែលមានសក្តានុពលដល់សង្គម។ ក្រុម ហ៊ុន Samsung មានមោទនភាពសន្យាថានឹងបន្តចូលរួមការងារសង្គមដើម្បីរួមចំណែកក្នុងការអភិវឌ្ឍន៍ប្រទេស និង សហគមន៍ឱ្យកាន់ល្អប្រសើរ។
អំពីក្រុមហ៊ុន Samsung Electronics co., Ltd
គឺជាក្រុមហ៊ុននាំមុខគេលើពិភពលោកផ្នែកបច្ចេកវិជ្ជាដោយផ្ដល់លទ្ធភាពថ្មីៗ ជូនមនុស្សគ្រប់រូបគ្រប់ទីកន្លែង។ តាមរយៈ ការបង្កើតថ្មី និងរបកគំហើញឥតឈប់ឈរ យើងកំពុងតែផ្លាស់ប្ដូរឱ្យកាន់តែប្រសើរ ឡើងនូវពិភពទូរទស្សន៏ ស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីនថតរូប ឧបករណ៍ផ្ទះបាយ ម៉ាស៊ីនថតចម្លង ប្រព័ន្ធ LTE ឧបករណ៍វេជ្ជសាស្ត្រ ឧបករណ៍ផ្សេងៗប្រើប្រព័ន្ធអគ្គីសនី និងដំណោះ ស្រាយផ្សេងៗ ប្រើប្រព័ន្ធ LED។ យើងមានបុគ្គលិកចំនូន 286.000 នាក់ នៅទូទាំង 80 ប្រទេសដោយមានបរិមាណលក់ប្រចាំឆ្នាំចំនួន 216.7 ពាន់លានដុល្លាអាមេរិក។ ព័ត៌មានបន្ថែមសូម មើលគេហទំព័រ www.samsung.com។