នៅថ្ងៃទី18 ខែកក្កដា ឆ្នាំ ២០១៤ នេះ ក្រុមហ៊ុន iOne ដែលជាក្រុមហ៊ុនធំមាន សិទ្ធិនាំចូលផ្តាច់មុខនូវផលិតផល Apple មកកាន់ទីផ្សារនៃព្រះរាជាណាចក្រកម្ពុជានាពេលបច្ចុប្បន្ន បានក្លាយទៅជាក្រុមហ៊ុនដែលទទួលសិទ្ធិស្របច្បាប់ពីក្រុមហ៊ុន Apple នៅក្នុងការនាំចូលទូរស័ព្ទទំនើបម៉ាក iPhone ជាផ្លូវការហើយ។ នេះគឺព័តមានដ៏សំខាន់និងគួរឲ្យមានមោទនះភាពបំផុតសំរាប់ប្រជាជនកម្ពុជាទាំងអស់ ដែលនឹកស្មានមិនដល់ថា ក្រុមហ៊ុនយក្សដ៏ធំមួយនេះ អាចនឹងមានវត្តមានតំណាងរបស់ខ្លួននៅក្នុង ប្រទេសកម្ពុជារបស់យើង។ ការសម្ភោធជាផ្លូវការនឹងប្រព្រឹត្តទៅនៅហាង iOne កាណាឌីយ៉ា ជាន់ផ្ទាល់ដីអគារពាណិជ្ជកម្មកាណាឌីយ៉ា មហាវិថីព្រះមុនីវង្ស កែងផ្លូវក្រមួនស។ អតិថិជនទាំងអស់អាចចូលរួមរីករាយជាមួយកម្មវិធីជាច្រើនដូចជា ការទទួលបាន ថ្មសាកសំរាប់ iPhone ចំនួន 60 រង្វាន់សំរាប់អតិថិជន 60 នាក់ដំបូង។ អតិថិជនគ្រាន់តែបង្ហាញទូរសព្ទ័iPhone,iPad, iPod តែប៉ុណ្ណោះ។ អ្វីដែលរឹតតែពិសេសទៅទៀតនោះ អតិថិជនអាចឈ្នះរង្វាន់ កាសស្តាប់ភ្លេងម៉ាក B&O ដែលមានតំលៃ $159 ចំនួន 2រង្វាន់ បន្ថែមទៀតសំរាប់អ្នកដែលថតរូបបានឡូយ ប្រកបដោយភាពចៃ្នប្រឌិតបានស្អាតជាងគេជាមួយ iPhone ។
សូមបញ្ជាក់ថាក្រុមហ៊ុន iOne គឺជាក្រុមហ៊ុនដ៏ធំមួយតែមួយគត់ នៅក្នុងទីផ្សារបចេ្ចកវិទ្យារបស់ព្រះរាជាណាចក្រកម្ពុជា ដែលមានបទពិសោធន៍ជោគជ័យជាច្រើនឆ្នាំមកហើយជាមួយនឹងការនាំចូល និងចែកចាយផលិតផល Apple ជាច្រើនប្រភេទ រួមមានដូចជា ឧបករណ៍ iPad ឧបករណ៍ចាក់ភ្លេង iPod ម៉ាស៊ីនកុំព្យូទ័រយួរដៃនិងលើតុម៉ាក Apple ក៏ដូចជា Accessories មួយចំនួនទៀត។ ហើយថែមទាំងមាន មជ្ឈមណ្ឌលសេវាកម្ម សំរាប់បំរើជូនអតិថិជន ដែលផ្តល់សិទ្ធិពីក្រុមហ៊ុន Apple ទៀតផង។បច្ចុប្បន្ននេះក្រុមហ៊ុន iOne មានចំនួន 6 សាខានៅទូទាំងព្រះរាជាណាចក្រកម្ពុជា៕