អ្វីទៅជា Microsoft Account?
ជាមួយនឹង Microsoft Account តែមួយ លោកអ្នកអាចប្រើប្រាស់គ្រប់សេវាកម្មរបស់ Microsoft នៅលើកំព្យូទ័រ, ទូរស័ព្ទ និងឧបករណ៍ Surface ជាដើម។គ្រាន់តែចំណាយពេល Sign in តែម្តងអ្នកអាចប្រើប្រាស់កម្មវិធី Skype, ដោនឡូដហ្គេម, កម្មវិធី, ចំរៀង, វីដេអូ ហើយនិងអាចប្រើប្រាស់ សេវាកម្មផ្ទុក ទិន្នន័យអនឡាញ OneDrive ថែមទៀតផង។
គណនី Microsoft Account អាចបង្កើតបានយ៉ាងងាយស្រួល និងមិនចាំបាច់បង់ប្រាក់ថែមទៀតផង។ គណនី Microsoft Account មួយ រួមមាននូវអាសយដ្ឋានអ៊ីមែល(ប្រើជា User Name) និងលេខសំងាត់។ លោកអ្នកអាចបង្កើតគណនី Microsoft Account បានដោយប្រើប្រាស់អីុមែល outlook.com, live.com, gmail.com, yahoo.com រឺក៏ Hotmail.com ក៏បាន។ គណនីនេះ វាមានសារៈសំខាន់បំផុតសំរាប់អ្នកប្រើប្រាស់ ព្រោះថា វាអាចឲលោកអ្នកធ្វើការគ្រប់គ្រង និងចែករំលែកទិន្នន័យរវាងទូរស័ព្ទស្មាតហ្វូន, កំព្យូទ័រ, និងឧបករណ៍ដែលដើរដោយ Windows និង Windows Phone បានយ៉ាងងាយស្រួល និងមានសុវត្ថិភាពជាទីបំផុត។
អត្ថប្រយោជន៍មួយចំនួនរបស់ Microsoft Account
ខាងក្រោមនេះ ពិភពអេឡិចត្រូនិក សូមធ្វើការបង្ហាញជូននូវអត្ថប្រយោជន៍សំខាន់ៗមួយចំនួនរបស់គណនី Microsoft Account៖
Choose Your Setting Once: លោកអ្នកដំឡើង Windows 8.1 ថ្មីមែនទេ? អ្នកគ្រាន់តែធ្វើការ Sign in ជាមួយនឹងគណនី Microsoft Account របស់លោកអ្នកនៅលើកំុព្យូទ័រ ដែលដំឡើង Windows ថ្មីនោះ លោកអ្នកមិនចាំបាច់ Add Printer ឡើងវិញម្តងទៀតទេ ព្រោះ Microsoft Account នឹងផ្ទេរ (Setting) េនះពីកំុព្យូទ័រចាស់ មកកាន់កំុព្យូទ័រថ្មីដោយស្វ័យប្រវត្តិ។
New Outlook.com Account: អ្នកប្រើប្រាស់អាចបង្កើតគណនីអីុម៉ែលថ្មីស្រឡាងមួយ គឺគណនីអីុម៉ែល outlook.com។
Access to Windows Store លោកអ្នកមានភាពងាយស្រួលក្នុងការទាញយកកម្មវិធី និងហ្គេមថ្មីៗពីក្នុងWindows Store មកដំឡើង លេងកម្សាន្តមានទាំងគិតលុយ និងឥតគិតលុយ។
Control Xbox with Windows Phone: លោកអ្នកអាចប្រើប្រាស់ទូរស័ព្ទ និងឧបករណ៍ដែលដើរដោយ Windows Phone របស់អ្នកក្នុងការគ្រប់គ្រងលើឧបករណ៍លេងហ្គេម Xbox។
OneDrive: លោកអ្នកអាចផ្ទុកទិន្នន័យសំខាន់ៗនៅលើឃ្លាំងផ្ទុកទិន្នន័យ OneDrive បានយ៉ាងមានសុវត្ថិភាព។
Access to OneDrive Anywhere, Anytime: បន្ទាប់មកលោកអ្នកអាចទាញទិន្នន័យដែលផ្ទុកលើ OneDrive មកមើលបានគ្រប់ពេលគ្រប់ទីកន្លែងនៅ លើស្មាតហ្វូនក៏បាន និងនៅលើកុំព្យូទ័រក៏បាន។
Set Limit for Kids: លោកអ្នកអាចកំនត់កម្មវិធីដែលមានសារសំខាន់សម្រាប់បុត្រធីតារបស់លោកអ្នកប្រើប្រាស់ជាមួយនឹង ពេលវាលា មួយដ៏ជាក់លាក់បំផុតនៅលើទូរស័ព្ទស្មាតហ្វូនរបស់អ្នក។
Read Book on your Phone: លោកអ្នកអាចទទួលបានសៀវភៅអេឡិចត្រូនិក E-Book ជាច្រើនបែបមកអាននៅលើទូរស័ព្ទ, កំុព្យូទ័រ រឺ Surface ដោយ គ្រាន់តែដំឡើងកម្មវិធីសំរាប់អានមួយចំនួនដូចជា Nook, Kindle, Audible និង Kobo។
Sync between multiple device: រាល់ទិន្នន័យទាំងអស់ អ្នកប្រើប្រាស់អាចចែករំលែករវាងកំុព្យូទ័រ, ទូរស័ព្ទ, និងឧបករណ៍ដើរដោយ Windows, Windows Phone ផ្សេងទៀតបានយ៉ាងងាយស្រួល ដោយប្រើប្រាស់គណនី Microsoft Account តែមួយ ហើយ Sing in លើឧបករណ៍ដែលគេចង់ធ្វើការ Sync រវាងគ្នាជាការស្រេច។