កាលពីថ្ងែទី 10 កញ្ញា ឆ្នាំ 2014 ក្រុមហ៊ុនតន្ត្រីដ៏ធំជាងគេនៅក្នុងពិភពលោក Universal Music Group (UMG) និងក្រុមហ៊ុន Smart Axiata បានសហការគ្នាផ្តល់ជូននូវការកំសាន្តថ្មីៗ និងទាន់សមយ័ ដែលមិនធ្លាប់មាននៅកម្ពុជា។កិច្ចសហការគ្នាជាដៃគូរផ្តាច់មុខនេះ នឹងផ្តល់ជូននូវបទចំរៀងយ៉ាងច្រើនជាងគេបំផុតនៅក្នុងប្រទេសកម្ពុជា សំរាប់ទូរសព្ទ័ដៃ បូករួមទាំង Smart Tune (ស្មាតធូន) ការទាញយកបទចំរៀង ការទាញយកវីដេអូបទចំរៀង ហើយនឹងស្តាប់ចំរៀង និងវីដេអូតាមអ៊ិនធឺណិត។ ហើយនឹងនាំមកជូននូវបទចំរៀងជាច្រើនប្រភេទ ដែលផ្តល់ដោយតារាចំរៀងល្បីៗនៅលើពិភពលោក http://www.universalmusic.com ។
លោក Thomas Hundt នាយកប្រតិបត្តរបស់ក្រុមហ៊ុន Smart Axiata បានមានប្រសាសន៍ថា Universal Music ជាក្រុមហ៊ុនតន្ត្រីដែលធំជាង គេនៅលើពិភពលោក យើងពិតជាមានសេចក្តីសោមនស្សរីករាយ ដែល Smart ត្រូវបានជ្រើសរើសយក ជាដៃគូរផ្តាច់មុខក្នុងការលក់ និងចែក ចាយផលិតផលរបស់ UM តាមរយៈ ឌីជីថលសំរាប់ប្រទេសកម្ពុជា។ ការសហការគ្នានេះ នឹងផ្តល់អោយកាន់តែប្រសើរឡើងនូវបទចំរៀងពិរោះៗ និងបទពិសោធន៍ល្អៗសំរាប់អតិថិជនរបស់យើង។ យើងជឿជាក់ថា ជាមួយសេវា 3.75G ដែលគ្របដណ្តប់គ្រប់ខេត្តក្រុង ហើយឥលូវយើងមានសេវា 4G LTE ដែលមាន ល្បឿន 12 ដងលឿនជាង 3G នោះ អតិថិជនអាចរីករាយជាមួយវីដេអូចំរៀងតាមរយៈអ៊ិនធឺណិត ដែលមានគុណភាពល្អ និងតំលៃទាបសមរម្យ គ្រប់ពេលវេលាគ្រប់ទីកន្លែង។ សូមបញ្ជាក់ថា Smart គឺបានទទួលបានសិទ្ធផ្តាច់មុខ ផ្នែកឌីជីថលសំរាប់ចែកចាយ និងលក់បន្តផលិតផលរបស់ Universal Music ក្នុងប្រទេសកម្ពុជា។ ជាមួយការសហការនេះ ក្រុមហ៊ុន Smart ត្រូវបានផ្តល់សិទ្ធអោយលក់បន្តទៅក្រុមហ៊ុនណាដែលចងប្រើផលិតផលរបស់ UM។
លោក Sandy Monteiro ប្រធាននាយក Universal Music Group ប្រចាំអាស៊ីអគ្នេហ៍ និងជាប្រធានជំនួញទីផ្សារថ្មីៗ ប្រចាំអាស៊ីប៉ាស៊ីហ្វិក បានមានប្រសាសន៍ថា យើងពិតជាមានសេចក្តីរីករាយដែលបានសហការគ្នាជាមួយ Smart ព្រោះជាក្រុមហ៊ុនមួយដែលមានចក្ខុវិសយ័ខ្ពស់ ដើម្បីនាំចំរៀងលំដាប់ពិភពលោក មកផ្តល់ជូនដល់អតិថិជនតាម រយៈទូរសព្ទ័ដៃនៅប្រទេសកម្ពុជា។ ក្នុងនាមជាក្រុមហ៊ុនតន្ត្រីដ៏ធំជាងគេនៅលើពិភពលោកដែលមានតារាចំរៀង ច្រើនជាងគេ ការសហការនេះនិងផ្តល់ឱកាសដើម្បីភ្ជាប់អតិថិជនទៅបទចំរៀងដែលគេចូលចិត្ត ហើយនឹងនាំ ប្រទេសកម្ពុជាទៅកាន់ពិភពតន្ត្រីដែលពេញនិយមនៅលំដាប់ថ្នាក់ពិភពលោក។ យើងនឹងធ្វើការជាមួយ Smart ធ្វើការស្វែងតារាចំរៀងដែលមានសមត្ថភាពនៅក្នុងប្រទេសកម្ពុជា ដើម្បីណែនាំទៅកាន់ប្រទេសផ្សេងៗ។
ដើម្បីអបអសាទរខួប 5 ឆ្នាំរបស់ Smart ក្រុមហ៊ុននឹងបង្កើត Portal (ផតថល) សំរាប់បទចំរៀង ភាពទាន់សមយ័ និងការកំសាន្ត ដែលអាចដំណើរការដោយប្រពន្ធ័ iOS Android និង Window Mobile។ អតិថិជនដែលប្រើ Portal នឹងមានឧកាសអាច ឈ្នះបានសំបុត្រចូលមើលការប្រគុំតន្ត្រី សំដែងដោយតារាចំរៀងអន្តរជាតិ (ទាំងការសំដែង ក្នុងឬ ក្រៅប្រទេស) អាចជួបផ្ទាល់ជាមួយ តារាចំរៀងអន្តរជាតិ ឬឈ្នះរង្វាន់ ដូចជា ថាសចំរៀង Poster និងរង្វាន់ផ្សេងៗជាច្រើនថែមទៀត។
នៅថ្ងៃទី 15 ខែកញ្ញានេះ Smart នឹងមានកម្មវិធីវិទ្យុដែលសំរាប់ចាក់ផ្សាយបទចំរៀងរបស់ UM ដែលច្រៀងដោយតារាចំរៀងអន្តរជាតិ។ ដោយមានចាក់ផ្សាយនៅវិទ្យុ NRG FM 89 ជាវិទ្យុតែមួយគត់ដែលផ្សាយ 24 ម៉ោង ហើយនៅចុងបញ្ចប់កម្មវិធីអតិថិជន Smart ក៏អាចសំណូមពរបទចំរៀងបានដែរ។ ក្រុមហ៊ុន Smart ផ្តល់ជូនអោយអតិថិជន នូវ Smart Tune ចំនួន 10 បទដោយឥតគិតលុយ រយៈពេល 30 ថ្ងៃ រហូតដល់ដំណាច់ខែ កញ្ញា ឆ្នាំ 2014។ ប្រសិនបើអតិថិជនពេញចិត្ត អាចបន្តបាន ត្រឹមតែ 30សេនប៉ុណ្ណោះក្នុង 1ខែ សំរាប់ 1បទ ហើយការផ្តល់ជូននេះសំរាប់អតិថិជន Smart ទាំងអស់។ ក្រៅពីការ អតិថិជនក៏អាចរីករាយជាមួយ ចំរៀងពិរោះៗ តាមរយៈ Smart Tunes Club IVR ដោយគ្រាន់តែតេទៅ 987 (1សេនក្នុងមួយនាទី)។