កាលពីថ្ងៃទី 13 ខែកញ្ញា ឆ្នាំ ២០១៤ កន្លងទៅនេះ នៅវិទ្យាស្ថានបច្ចេកវិទ្យានៃកម្ពុជា ហៅកាត់ថា (សាលាតិចណូ) មាន រៀបឡើងនូវពិព័រណ៍បច្ចេកវិទ្យា BarCamp ដែលកម្មវិធីនេះមានការអញ្ជើញចូលរួមដ៏ខ្ពង់ខ្ពស់ពីសំណាក់ឯកឧត្តមបណ្ឌិត អ៊ុម រមណ្យី នាយកនៃវិទ្យាស្ថានបច្ចេកវិទ្យាកម្ពុជា រេបិកកា ប្លេក នាយកផ្នែកបេសកកម្មរបស់ USAID និងមានការចូលរួមពីសំណាក់អ្នកតំណាងក្រុមហ៊ុននានា ក៏ដូចជានិស្សិត អង្គការក្រៅរដ្ឋាភិបាល បុគ្គលិកក្រុមហ៊ុន អ្នកវិនិយោគទុន យ៉ាង ច្រើនកុះករ។ កម្មវិធីនេះ គឺមានរយះពេលពីរថ្ងៃ ហើយនេះក៏ជាឆ្នាំទីបីហើយដែល Microsoft បានចូលរួមកម្មវិធីពិព័រណ៍ចំណេះដឹងបច្ចេកវិទ្យានៅវិទ្យាស្ថានបច្ចេកវិទ្យាកម្ពុជានេះ។
តាមការបញ្ជាក់ពីតំណាងក្រុមហ៊ុន Microsoft បានឲដឹងថា គោលបំណងចម្បងដែលក្រុមហ៊ុន Microsoft ចូលរួមក្នុងកម្មវិធីនេះ គឺដើម្បីដាក់បង្ហាញពីផលិតផល Lumia និង Nokia មួយចំនួន ដែលជាការបើកឱកាសឲ្យអ្នកចូលរួមក្នុងកម្មវិធីអាចទទួលយកនូវបទពិសោធន៍ថ្មីៗពីផលិតផល ក៏ដូចជាប្រព័ន្ធប្រតិបត្តិការ Windows Phone 8.1 ថ្មីដែលទើបនឹងបានអភិវឌ្ឍន៍ថ្មី ហើយក្នុងនោះក៏មានការលែងល្បែងកម្សាន្ត និងចាប់រង្វាន់ផងដែរ។
សូមបញ្ជាក់ផងដែរថា ស្ទើរតែគ្រប់លក្ខណះពិសេសរបស់ទូរស័ព្ទ Nokia Lumia ទាំងអស់ គឺធ្វើឲ្យអ្នកប្រើប្រាស់មានការកោតសសើរយ៉ាង ខ្លាំងជាមួយនឹងការវិវឌ្ឍន៏របស់ Windows Phone 8.1 ដែលមានបញ្ចូល Khmer Keyboard ការប្តូរអេក្រង់ជាមួយនឹងរូបភាពផ្សេងៗគ្នា និងមានព័ណ៌ស្រស់ស្អាតជាច្រើន ដែលមានល្បឿនលឿន ហើយមានតម្លៃចាប់ពី ១០០ ដុល្លាឡើងទៅ។
ផលិតផលដែលបានដាក់តាំងក្នុងពិព័រណ៍រួមមាន Lumia 530 ស៊ីមពីរចុងក្រោយបំផុតដែលមានតម្លៃសមរម្យ និង Lumia 1320 ដែលមានអេក្រង់ ៦អ៊ីញផ្សេងទៀត, 630 ស៊ីមពីរ និងផលិតផល Nokia ជាច្រើនមុខទៀត។ ផលិតផល Lumia ទាំងអស់នោះ គឺអាចផ្តល់ជូននូវដំណោះ ស្រាយដ៏ល្អដល់អ្នកប្រើប្រាស់គ្រប់ៗគ្នា។ អ្វីដែលគួរឲ្យចាប់អារម្មណ៍ជាងគេរបស់ទូរស៍ព្ទ Lumia គឺសេវាកម្ម OneDrive 15G ដែលអាចផ្តល់ជូនអ្នកប្រើប្រាស់នូវអ្វីៗជាច្រើនសម្រាប់ការរស់នៅប្រចាំថ្ងៃ។ ជាមួយ OneDrive អ្នកប្រើប្រាស់អាចផ្ទុកឯកសារ និងរូបភាពនៅលើ Cloud ហើយពូកគេអាចចូលទៅកាន់ឯកសារទាំងនោះតាមមធ្យោបាយផ្សេងៗ ដូចជា computer, laptop, tablet និង Windows Phone ផ្សេងទៀតមិនថានៅទីណាក៏ដោយ។
សូមអញ្ជើញចូលរួមទស្សនា នឹងធ្វើការសាកល្បងនូវលក្ខណះពិសេសរបស់ទូរស័ព្ទ Nokia Lumia ក៏ដូចជាប្រព័ន្ធប្រតិបត្តិការ Windows Phone 8.1 ពិសេសគឺ OneDrive ឲបានគ្រប់ៗគ្នា ដើម្បីទទួលបាននូវអត្ថប្រយោជន៍ជាច្រើនទៀត ពីការប្រើ ប្រាស់ទូរស័ព្ទ Nokia Lumia គ្រប់ម៉ដែល៕
