កាលពីថ្ងៃទី ១៥ ខែកញ្ញា ឆ្នាំ២០១៤ នៅទីស្តីការក្រសួងប្រៃសណីយ៍ និងទូរគមន៍ មានរៀបចំកម្មវិធីជួបប្រជុំរវាងក្រសួងប្រៃសណីយ៍ និងទូរ គមនាគមន៍ និងក្រុមហ៊ុនដែលចូលរួមក្នុងកម្មវិធីពិព័ណ៍ ITET ដែលនឹងប្រព្រឹត្តិទៅនៅថ្ងៃទី ១៤ ដល់ ១៦ ខែវិច្ឆិកា ឆ្នាំ ២០១៤ ខាងមុខនេះ ដែលមានការអញ្ជើញចូលរួមពីសំណាក់ឯកឧត្តម កាន ចាន់មេត្តា រដ្ឋាលេខាក្រសួងប្រៃសណីយ៍ និងទូរគនាគមន៍ និងឯកឧត្តម សុខ ពុទ្ធិវុឌ្ឍ ប្រធានសមាគន៍ ICT និងជាប្រធានសមាគមន៍នាំចេញស្រូវអង្ករ រួមនឹងតំណាងក្រុមហ៊ុនធំៗមួយចំនួនទៀត។
តាមប្រសាសន៌របស់ឯកឧត្តម កាន ចាន់មេត្តា រដ្ឋាលេខាក្រសួងប្រៃសណីយ៍ និងទូរគនាគមន៍បានឲដឹងថា គោលបំណងសំខាន់នៃការរៀបចំពិព័រណ៍នេះ គឺចង់បង្ហាញដល់សាធារណជន វិស័យឯកជន ក៏ដូចជា សិស្សនិស្សិតទាំងអស់ ស្តីពីការវិវត្តរីកចំរើនរបស់វិស័យ ICT នៅក្នុងប្រទេសកម្ពុជា និងចែករំលែកទស្សនះវិស័យទៅថ្ងៃមុខ ស្តីពីការអភិឌ្ឍន៍វិស័យ ICT នាពេលបច្ចុប្បន្ន ហើយក្រសួងសូមស្វាគមន៍ចំពោះរាល់ក្រុមហ៊ុន ក៏ដូចជាដៃគូទាំងអស់ ដែលកំពុងតែប្រតិតបត្តិការលើសេវាទូរគមនាគមន៍ និងវិស័យ ICT នេះ មានបំណងចូលរួមរៀបចំទស្សនះវិស័យ រឺចក្ខុវិស័យទៅថ្ងៃមុខ ឲមានលក្ខណះឆ្លើយតបចំពោះវិស័យឯកជន អ្នកប្រើប្រាស់ ហើយនឹងអ្នកស្រាវជ្រាវផងដែរ។
ឯកឧត្តម បានបន្តថា សហព័ន្ធ ICT ដែលជាអ្នកបង្កើតនូវកម្មវិធីនេះ នឹងព្យាយាមធ្វើយ៉ាងណារៀបចំព្រឹត្តិការណ៍ពិព័ណ៍ ITET 2014 ឲរឹតតែមានភាពទាក់ទាញ ហើយនិងមានការចែករំលែកឲកាន់តែទូលាយទៅដល់ការវិវត្តរបស់បចេ្ចកវិទ្យានៅកម្ពុជានាពេលនេះ ក៏ដូចជានៅពេលអនាគត ពីព្រោះថា ការងារមួយនេះ យើងមិនអាចធ្វើតែបច្ចុប្បន្ននេះទេ គឺនៅតែធ្វើបន្ត ហេតុដូច្នេះហើយយើងបានផ្តោតទៅលើប្រធានបទមួយចំនួនដែលមានសារះសំខាន់ដែលឆ្លើយតបវិនិយោគរបស់ក្រុមហ៊ុនឯកជន និងស្របទៅតាមការគោលនយបាយរបស់រាជរដ្ឋាភិបាលផងដែរ។
ប្រធានបទសំខាន់នៅក្នុងព្រឹត្តិការណ៍ពិព័ណ៍ ITET 2014 គឺត្រូវបានបែងចែកជាបួនធំៗ ក្នុងនោះរួមមាន ប្រធានបទទីមួយ គឺពាក´ព័ន្ធទៅហ្នឹងហេដ្ឋារចនាសម្ព័ន្ធ ប្រធានបទទីពីរ ពាក់ព័ន្ធទៅនឹងបណ្តាញ ប្រធានបទទីបីពាក់ព័ន្ធទៅនឹង Applicationand Content ប្រធានបទទីបួនពាក់ ព័ន្ធទៅនឹងមូនិធិ សំរាប់ក្រុមហ៊ុនថ្មី ដែលទើបនឹងបង្កើតឡើង។ លើសពីនេះ គឺនៅមានកម្មវិធីសំរាប់និស្សិត ដែលមានចំណេះ និងជំនាញរបស់ខ្លួនដែលពួកគេមាន ដើម្បើឡើងមកបង្ហាញជូនដល់អ្នកចូលរួមនៅក្ន្ងងព្រឹត្តិការណ៍ពិព័ណ៍នេះផងដែរ។ ក្នុងនោះក៏មានការប្រគល់នូវពានរង្វាន់ ICT Award ជូនដល់ក្រុមទាំងអស់ផងដែរ ដែលពានរង្វាន់នេះ គឺធ្វើឡើងដោយសហព័ន្ធ ICT កម្ពុជា រួមជាមួយនឹងដៃគូពាក់ព័ន្ធទាំងអស់។
