កាលពីថ្ងៃទី 18 ខែកញ្ញានេះ នៅសណ្ឋាគារ Raffles Le Royal ភ្នំពេញ មានរៀបចំនូវសន្និសិទ្ធិសារព័តមាន និងពិធីពិសាអាហារពេលល្ងាចរបស់ស្រា Hennessy X.O ដែលជាស្រាប្រភេទ Cognac លេខ ១ លើពិភពលោក ជូនដល់ភ្ញៀវកត្តិយសរបស់ខ្លួន។ តាមរយៈពិធីពិសារអាហារពេលល្ងាចនេះ ភ្ញៀវកិត្តិយស គឺទទួលបាននូវបទពិសោធន៍ថ្មីនិងអស្ចារ្យ ហើយមានឱកាសស្វែងយល់ពីរសជាតិពិតប្រាកដរបស់ស្រា Hennessy X.O រួមជាមួយមុខម្ហូបដែលបានច្នៃឡើងសម្រាប់កម្មវិធីដោយមេចុងភៅប្រចាំសណ្ឋាគារ Raffles ទៀតផង។
The More You Appreciate, The More You Know How to Appreciate. Appreciation Grows” ជាបាវចនាជាអមតៈរបស់ Hennessy X.O ។ Hennessy សង្ឃឹមថារាល់ការក្រេបរសជាតិស្រា Hennessy X.O នឹងនាំមកនូវបទពិសោធន៍ដ៏វិសេសតាមរយៈរសជាតិ និងគុណភាពគ្មានគូរប្រៀបរបស់ខ្លួន។ ជាក់ស្តែងដូចជាសំដីរបស់លោក Nick Lee អគ្គនាយកក្រុមហ៊ុន Moet Hennessy ប្រចាំព្រះរាជាណាចក្រកម្ពុជាមានប្រសាសន៍ថា ពិធីពិសារអាហារពេលល្ងាចរបស់ស្រា Hennessy X.O មិនត្រឹមតែជាការភ្លក់នូវរសជាតិអាហាររួមផ្សំជាមួយស្រាប៉ុណ្ណោះទេ ប៉ុន្តែវាគឺជាបទពិសោធន៍ដ៏វិសេសវិសាលមួយដែលមិនអាចបំភ្លេចបាន”។
នៅក្នុងកម្មវិធីនេះក៏មានការចូលរួមជាកិត្តិយសពី ឯកអគ្គរាជទូតតំណាងស្រា Hennessy លើពិភពលោកគឺលោក Jean Michel COCHET ផងដែរ។ លោក Jean Michel បានចែករំលែកការយល់ឃើញរបស់លោកចំពោះការទទួលស្គាល់នូវរសជាតិស្រា Hennessy X.O ថាជាស្រាដែលមានរសជាតិ និងគុណភាពល្អដាច់គេលើពិភពលោក។
ស្រា Hennessy X.O បង្កើតឡើងដោយលោក Maurice Hennessy នៅក្នុងឆ្នាំ 1870 សម្រាប់មិត្តភក្តិរបស់គាត់មួយក្រុម។ Hennessy X.O (extra old) បង្ហាញឲ្យឃើញការបង្កើតឡើងប្រភេទស្រាកូញាក់ Cognac ថ្មីមួយដែលមានរសជាតិខ្លាំង សម្បូរបែប និងឋិតថេរ។ Hennessy X.O មានលក្ខណៈប្លែកគេដោយសារពណ៌ដូចជ័រឈើដែលបានរក្សាទុកអស់រយៈពេលជាច្រើនឆ្នាំ នៅក្នុងធុងត្រាំស្រាធ្វើអំពីឈើ Oak ដែលត្រូវបានគេជ្រើសរើសយ៉ាងសម្រិតសម្រាំង។ ការរួមផ្សំជាច្រើនដែលមានរសជាតិចម្រុះរួមបញ្ចូលគ្នាជាមួយនឹង Eaux De Vie ប្រមាណ 100 មុខ បានធ្វើឲ្យ Hennessy X.O បញ្ចេញនូវរសជាតិយឺតៗ ឈ្ងុយឆ្ងាញ់ដែលមានក្លិនស្រដៀងម្ទេសនិងម្រេចខ្មៅ ព្រមទាំងមានតុល្យភាពដោយផ្លែឈើស្ងួតនិងផ្អែម។ ទោះបីជាយ៉ាងណាក៏ដោយរសជាតិដែលមិនអាចរកអ្វីមកផ្ទឹមបាននេះ នៅតែមិនបានផ្លាស់ប្តូរ និងបន្តនៅតាំងតែពីការបង្កើតឡើងរបស់ស្រា Hennessy X.O មកម្លេះ។ ភាពអស្ចារ្យនេះ នៅតែបន្តធ្វើឲ្យបណ្តាលអ្នកឯកទេសភ្លក់រសជាតិ និងអ្នកដែលចូលចិត្តប្រភេទស្រាកូញាក់ Cognac ទាំងឡាយមានភាពភ្ញាក់ផ្អើលនិងស្ញប់ស្ញែងរហូតមកដល់ពេលបច្ចុប្បន្ននេះ ទោះបីជាលោកអ្នកទទួលទានវាទទេមិនលាយ ឬលាយទឹកកក ឬលាយជាមួយសូដាក៏បាន។