ថ្ងៃទី២៩ ខែកញ្ញា ឆ្នាំ២០១៤ ក្រុមហ៊ុន Dell បានធ្វើការសម្ពោធកុំព្យូទ័រ PowerEdge Server ដ៏ទំនើបបំផុតរបស់ខ្លួន ដែលផ្ដល់ភាពងាយស្រួលដល់អតិថិជន បំពេញតម្រូវការការងារនៅក្នុងសម័យទំនើបនេះ។ កុំព្យូទ័រ PowerEdge Server ជំនាន់ទី១៣នេះ ត្រូវបានរចនាឡើងដើម្បីបំពេញតម្រូវការអតិថិជន ដោយវាផ្ដល់នូវដំណើរការខ្លាំងក្លាសម្រាប់ការប្រើប្រាស់ជាមួយបណ្ដាញអ៊ីនធើណេតនៅក្នុងសហគ្រាសគ្រប់ខ្នាត និងត្រូវបានបំពាក់ជាមួយនឹងបច្ចេកវិជ្ជាដ៏ទំនើបបំផុតក្នុងការរក្សាទុកទិន្នន័យ ដំណើរការល្អ និងមានល្បឿនលឿន រួមផ្សំនឹងប្រព័ន្ធគ្រប់គ្រងដែលឈាន មុខគេនៅក្នុងឧស្សាហកម្មនេះផងដែរ។
ប្រព័ន្ធកុំព្យូទ័រ PowerEdge server ជំនាន់ថ្មី
ប្រព័ន្ធកុំព្យូទ័រ Dell PowerEdge servers ជំនាន់ថ្មីនេះរួមមាន PowerEdge R730xd, R730, R630 rack servers, M630 blade server, និង T630 tower server ដែលបំពាក់ជាមួយនឹង Intel® Xeon® processor E5-2600v3 ជំនាន់ចុងក្រោយគេបង្អស់។ ដោយការរួមបញ្ចូលគ្នារវាងសេវាកម្ម កម្មវិធីថ្មីៗជាមួយនឹងបច្ចេកវិទ្យាចុងក្រោយរបស់ Dell ប្រព័ន្ធកុំព្យូទ័រ PowerEdge servers អនុញ្ញាតឲ្យលោកអ្នកបង្កើនប្រសិទ្ធភាពការងារ និងភាពងាយស្រួល បត់បែនទៅតាមទំហំនិងបរិយាកាសការងារ។
កម្មវិធីទំនើបបំផុត ដំណើរការលឿន
ដោយមុខជំនួញរបស់លោកអ្នកបន្ដដំណើរការកម្មវិធីដែលត្រូវការទិន្នន័យច្រើនដូចជា real-time analytics និង transactional processing ភាពយឺតយ៉ាវក្នុងការចូលទៅកាន់ទិន្នន័យគឺជាបញ្ហាចោទ។ យោងទៅតាមការស្ទង់មតិរបស់ Future Ready IT បានឲ្យដឹងថា 70 ភាគរយនៃអ្នកគ្រប់គ្រងផ្នែកព័ត៌មានវិទ្យា (ITDMs) បានទទួលរងផលអវិជ្ជមានក្នុងការបំពេញការងារនៅពេលប្រើប្រាស់កម្មវិធីទាមទារល្បឿនលឿន ក្នុងការចូលទៅកាន់ទិន្នន័យ។
ដោយ PowerEdge servers ថ្មីរបស់ Dell ត្រូវបានរចនាឡើងឲ្យល្អប្រសើរជាងបច្ចេកវិជ្ជាទំនើបដទៃទៀតក្នុងការរក្សាទិន្នន័យ ដែលអនុញ្ញាតឲ្យអតិថិជនប្រើប្រាស់កម្មវិធី និងចូលទៅកាន់ទិន្នន័យបានយ៉ាងលឿន។
បច្ចេកវិជ្ជារក្សាទុកទិន្នន័យក្នុង server ថ្មីនេះ អនុញ្ញាតឲ្យអតិថិជន៖
•ពន្លឿនល្បឿនក្នុងការរក្សាទុកទិន្នន័យ ដោយផ្ដល់ជូននូវដំណើរការដ៏ខ្លាំងក្លាជាមួយនឹង NVMe Express Flash storage និងប្រើប្រាស់បច្ចេកវិជ្ជា Dell Fluid Cache for SAN និង SanDisk DAS Cache ផងដែរ។
•បែងចែកបណ្ដុំទិន្នន័យធំៗ ដោយបង្កើនដំណើរការរបស់ RAID ថ្វេដេងជាមួយនឹង dual PERC9 controllers។
•ប្រើប្រាស់បច្ចេកវិជ្ជា software defined storage និងធ្វើឲ្យការរក្សាទិន្នន័យមានប្រសិទ្ធភាពបំផុត ជាមួយនឹង hybrid storage configuration នៅក្នុង compute node ដែលដំណើរការ tiering capabilities។
Dell ក៏បានប្រើប្រាស់នូវបច្ចេកវិជ្ជា direct-attached storage ផងដែរ ដែលត្រូវបានអភិវឌ្ឍឡើងជាពិសេសសម្រាប់កុំព្យូទ័រ PowerEdge servers នេះ។ Dell Storage MD1400 និង MD1420 ថ្មីនេះ ផ្ដល់ជូនលោកអ្នកនូវការពង្រីកទំហំសម្រាប់ផ្ទុកទិន្នន័យដែលមានតម្លៃសមរម្យ បង្កើនចំនួន bandwidth ទ្វេដង និងធ្វើឲ្យដំណើរការកាន់តែប្រសើរជាងកុំព្យូទ័រជំនាន់មុនៗ ផ្ដល់ជូនសន្ដិសុខសម្រាប់ទិន្នន័យជាមួយនឹង self-encrypting-drives (SEDs) និងការគ្រប់គ្រងទិន្នន័យដ៏ល្អរវាងកុំព្យូទ័រ server និងប្រព័ន្ធរក្សាទិន្នន័យ។
បច្ចេកវិជ្ជាថ្មីផ្ដល់ភាពងាយស្រួលបំផុតដល់ប្រព័ន្ធគ្រប់គ្រង
៦០ភាគរយនៃប្រធានផ្នែកព័ត៌មានវិទ្យា បានប្រាប់ការស្ទង់មតិរបស់ Future Ready IT ថាពួកគេផ្ដោតសំខាន់លើការកាត់បន្ថយភាពស្មុគ ស្មាញ ក្នុងការងារ និងភាពងាយស្រួលក្នុងការគ្រប់គ្រងទិន្នន័យ។ ប្រព័ន្ធគ្រប់គ្រងថ្មីរបស់ Dell នៅក្នុងកុំព្យូទ័រ PowerEdge servers មានសមត្ថភាពគ្រប់គ្រាន់ក្នុងការបំពេញតម្រូវការអតិថិជន ជាមួយនឹងប្រព័ន្ធស្វ័យប្រវត្ដកម្រិតខ្ពស់ និងអនុញ្ញាតឲ្យលោកអ្នកធ្វើការគ្រប់គ្រងនិងបញ្ជាលើប្រព័ន្ធទិន្នន័យតាមរយៈឧបករណ៍ចល័តផងដែរ។ OpenManage systems management ក៏ផ្ដល់ជូនលោកអ្នកនូវ៖
•ភាពងាយស្រួលក្នុងការគ្រប់គ្រង server ពីគ្រប់ទីកន្លែង : Dell បានប្រើប្រាស់នូវបច្ចេកវិជ្ចា iDRAC QuickSync ដែលប្រើប្រាស់ប្រព័ន្ធ Near Field Communication (NFC) ដើម្បីអនុញ្ញាតឲ្យអតិថិជនអាចប្រើប្រាស់ឧបករណ៍ចល័ត ក្នុងការគ្រប់គ្រងទិន្នន័យ ដោយប្រើពេលតិចជាងមុន៨៤%។ បច្ចេកវិជ្ជានេះធ្វើការបញ្ជូនព័ត៌មានអំពី server តាមរយៈឧបករណ៍ចល័តដូចជាទូរស័ព្ទ smartphone ដែលដំណើរការកម្មវិធី OpenManage Mobile។ កម្មវិធី OpenManage Mobile ក៏អនុញ្ញាតឲ្យលោកអ្នកធ្វើការតាមដាននិងគ្រប់គ្រងលើប្រព័ន្ធ server បានគ្រប់ទីកន្លែងផងដែរ។
•ប្រព័ន្ធស្វ័យប្រវត្ដកម្រិតថ្មី : លោកអ្នកអាចសន្សំសំចៃពេលវេលា និងបង្កើនប្រសិទ្ធភាពការងារ ជាមួយនឹងប្រព័ន្ធស្វ័យប្រវត្ដលើការរក្សាទុកឬចូលទៅកាន់ទិន្នន័យ ក៏ដូចជាការប្រើប្រាស់ Server Configuration Profile ឬដំឡើង firmware ជាដើម។ ប្រព័ន្ធ Zero-Touch Repository Manager និង auto-update របស់ Dell ជួយកាត់បន្ថយរយៈពេលដំឡើង firmware បានរហូតដល់៩២%។
បំពេញការងារបានច្រើន គ្រប់កម្រិត
ជាង៦០ភាគរយនៃប្រធានផ្នែកព័ត៌មានវិទ្យា បានប្រាប់ការស្ទង់មតិរបស់ Future Ready IT ថា ក្រុមហ៊ុនរបស់ពួកគេពឹងផ្អែកទៅលើការរួមផ្សំនៃកម្មវិធីចាស់និងកម្មវិធីទំនើបៗសម្រាប់វិស័យពាណិជ្ជកម្ម ហើយប្រព័ន្ធរក្សាទុកទិន្នន័យនាពេលបច្ចុប្បន្ន ដាច់ខាតត្រូវតែអាចប្រើប្រាស់ជាមួយនឹងការងារនិងកម្មវិធីច្រើន ទាំងចាស់និងថ្មី។ កុំព្យូទ័រ PowerEdge servers របស់ Dell ផ្ដល់ជូនភាពបត់បែនក្នុងការប្រើប្រាស់ និងការរចនាម៉ូតថ្មីដែលអាចឲ្យអតិថិជនធ្វើការរៀបចំប្រព័ន្ធនោះ ទៅតាមការប្រើប្រាស់និងតម្រូវការរៀងៗខ្លួន សម្រាប់ពណិជ្ជកម្ម ការទំនាក់ទំនងរួមគ្នា និងការសហការគ្នា ការងារបច្ចេកទេសជាដើម។