ថ្ងៃទី ២៩ ខែកញ្ញា ឆ្នាំ ២០១៤ ក្រុមហ៊ុន RMA Cambodia ដែលជាតំណាងនាំចូល និងចែកចាយរថយន្តផ្តាច់មុខរថយន្តម៉ាក Jaguar និង Land Rover ប្រចាំកម្ពុជា បានរៀបចំសនិ្នសិទសារពត៌មាន ដើម្បីធ្វើការបង្ហាញជូនដល់សារធារណៈជន អំពីសមត្ថភាពរបស់អ្នកជំនាញបច្ចេកទេសអន្តរជាតិ ដែលមានជំនាញក្នុងការជួសជុល និងថែទាំរថយន្ត Jaguar និង Land Rover សំរាប់អតិថិជនរបស់ខ្លួន ដែលកម្មវិធីនេះបានប្រារព្ធធ្វើឡើងនៅអគារតាំងបង្ហាញរថយន្ត Jaguar Land Rover ដែលមានទីតាំងស្ថិតនៅអគារលេខ ៧១២ តាមបណ្តោយមហាវិថីសហព័ន្ធរុស្សី សង្កាត់កាកាប ខ័ណ្ឌពោធិ៍សែនជ័យ រាជធានីភ្នំពេញ។
លោក រ៉ាមី សារ៉ាហ្វ អគ្គនាយកក្រុមហ៊ុន RMA Cambodia បានមានប្រសាសន៍ថា “RMA Cambodia បានធ្វើការវិនិយោគ ខ្ពស់ទៅលើធន ធានមនុស្ស ដើម្បីធ្វើការនាំយកនូវអ្នកជំនាញបច្ចេកទេសជនជាតិអង់គ្លេស និងបរទេសចំនួន៣រូប គឺលោក John Andrew Carter ដែលជាប្រធានគ្រប់គ្រងផ្នែកជួលជុល និងសេវាកម្មថែទាំរថយន្ត លោក Adam Lewandowski ប្រធានគ្រប់គ្រងខាងផ្នែកសេវាកម្ម លោក Amaladass Singarayer ជាអ្នកឯកទេសវិភាគ វិនិឆ័យអការៈរបស់រថយន្ត និង ពិនិត្យគុណភាពរថយន្តបន្ទាប់ពីការជួសជុលរួចរាល់” ។ លោក រ៉ាមី បានមានប្រសាសន៍បន្ថែមទៀតថា អ្នកឯកទេសជនជាតិ បរទេសទាំងបីរូបនេះសុទ្ធសឹងតែមានជំនាញ សមត្ថភាព ចំណេះដឹងពិតប្រាកដ ដែលទទួលបានការបណ្តុះបណ្តាលផ្ទាល់ ពីសំណាក់រោងចក្រផលិតរថយន្ត Jaguar Land Rover ក្នុងប្រទេសអង់គ្លេស ហើយក្រៅពីនេះជាងជូលជុលរថយន្តជនជាតិ ខ្មែរ ផ្សែងៗទៀត ក៏សុទ្ធសឹងតែត្រូវបានធ្វើការបណ្តុះបណ្តាលយ៉ាងត្រឹមត្រូវពីសំណាក់រោងចក្រ ដើម្បីធ្វើការផ្តល់នូវសេវាកម្ម ថែទាំ និងជួសជុល រថយន្ត Jaguar Land Rover លំដាប់អន្តរជាតិជូនដល់អតិថិជនរបស់យើង ។
លោកសេង វឹង នាយកគ្រប់គ្រងទូទៅផ្នែករថយន្ត នៃក្រុមហ៊ុន RMA Cambodia បានមានប្រសាសន៍ថា យើងបានត្រៀមខ្លួន រួចជាស្រេច ក្នុងការបំរើជូននូវសេវាកម្មជួលជុលរថយន្ត និងគ្រឿងបន្លាស់ ដើម្បីបំពេញនូវសេចក្តីត្រូវការរបស់អតិថិជន ជា មួយនឹងអត្ថប្រយោន៍ជាច្រើនជូនដល់អតិថិជនដូចជា៖ ការធានារយៈពេល 3ឆ្នាំ ឫ 100,000km សេវាកម្មបង្រៀនរបៀបថែទាំរថយន្តដោយឥតគិតថ្លៃសេវាកម្មជំនួយជួសជុលចល័ត 24ម៉ោង សំរាប់ទីក្រុងភ្នំពេញ និង សៀមរាប ជាដើម”។
គួរបញ្ជាក់ផងដែរថា ក្រុមហ៊ុន RMA Cambodia បានប្រកបអាជីវកម្មក្នុងប្រទេសកម្ពុជាអស់រយៈពេលជាង ១៦ ឆ្នាំ កន្លងមក ហើយ និងសម្រេចបានភាពជោគជ័យយ៉ាងខ្លាំងនៅលើទីផ្សារចាប់តាំងពីការឈានជើងចូលទីផ្សារដំបូងមកម្ល៉េះ។ វត្តមាននៅក្នុងតំបន់ និងការយល់ដឹងច្បាស់ពីទីផ្សារ បានធ្វើឲ្យក្រុមហ៊ុន RMA Cambodia ក្លាយជាដៃគូពាណិជ្ជកម្ម និងជាអ្នកគ្រប់គ្រងលើផលិតផលយានយន្តល្បីៗមកពីគ្រប់តំបន់ដ៏មានទំនុកចិត្តបំផុត។
