កាលពីថ្ងៃទី 27 ខែសីហា ឆ្នាំ 2014 ឯកឧត្តម ប្រាក់ សុខុន រដ្ឋមន្ត្រីក្រសួងប្រៃសណីយ៍និងទូរគមនាគមន៍កម្ពុជា បានអញ្ជើញធ្វើទស្សនកិច្ច នៅស្នាក់ការកណ្តាលក្រុមហ៊ុនហូវៃ (HUAWEI) ក្នុងទីក្រុងសិនជិន ក្នុងប្រទេសចិន តបតាមការអញ្ជើញពីរដ្ឋមន្ត្រីឧស្សាហកម្ម និងព័ត៌មាន វិទ្យា ប្រទេសចិន។
ឯកឧត្តម ប្រាក់ សុខុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍កម្ពុជា បានដឹកនាំគណៈប្រតិភូជាន់ខ្ពស់មួយក្រុមរបស់ក្រសួងប្រៃសណីយ៍ និងទូរគមនាគមន៍ រួមទាំងគណៈកម្មការអន្តរក្រសួងមន្ត្រីប្រៃសណីយ៍ទូរគមនាគមន៍ជាតិ និងវិទ្យាស្ថានព័ត៌មាន (ICT) ចំនួន ១១រូប ជាថ្នាក់ដឹកនាំជាន់ខ្ពស់របស់ក្រសួង បានអញ្ជើញធ្វើទស្សនៈកិច្ច នៅក្រុមហ៊ុនហូវៃ នៅស្នាក់ការកណ្តាល ក្រុងសិនជិន ប្រទេសចិន ដែលជាក្រុមហ៊ុនដ៏ធំឈានមុខគេ ផ្នែកសេវាកម្ម និងដំណោះស្រាយព័ត៌មានវិទ្យា និងគមនាគមន៍ (ICT) និងជាក្រុមហ៊ុនស្មាតហ្វូនដ៏ធំលេខ៣ លើពិភពលោក។
ជាបឋម គណៈប្រតិភូបានអញ្ជើញទៅធ្វើទស្សនកិច្ចនៅតំបន់សួនពាណិជ្ជកម្មនិងឧស្សាហកម្ម នៃ ស្នាក់ការកណ្តាលរបស់ក្រុមហ៊ុនហូវៃ អគារឧស្សាហកម្មពាណិជ្ជកម្ម បែបបទព័ត៌មានវិទ្យា និងអគារតាំងពិព័រណ៍ផលិតផលទូរគមនាគមន៍ និង ព័ត៌មានវិទ្យា។ ក្រោយពេលបញ្ចប់ទស្សនកិច្ចនៅតំបន់ខាងលើនេះហើយ ឯកឧត្តម ប្រាក់ សុខុន និងថ្នាក់គ្រប់គ្រងក្រុមហ៊ុនហូវៃ បានជួបពិភាក្សាគ្នាជាមិត្តភាព ដោយភាគីទាំងពីរបានផ្លាស់ប្តូរមតិអំពីគម្រោងអភិវឌ្ឍន៍ព័ត៌មានវិទ្យា និងទូរគមនាគមន៍ ICT ការងារបណ្តុះបណ្តាលធនធាន មនុស្ស និងការកសាងបរិយាកាសអាជីវកម្មផ្នែកព័ត៌មានវិទ្យានិងទូរគមនាគមន៍ នៅកម្ពុជា។ ក្នុងឱកាសនោះ ឯកឧត្តម ប្រាក់ សុខុន បានលើកឡើងថា៖ «យើងខ្ញុំ សូមអរគុណក្រុមហ៊ុនហូវៃ ដែលបានជួយដល់ផ្នែកព័ត៌មានវិទ្យា និងទូរគមនាគមន៍នៅកម្ពុជា ព្រមទាំងបរិច្ចាគដល់កាកបាទក្រហម រាជរដ្ឋាភិបាល និងក្រសួងពាក់ព័ន្ធនានា ។ យើងសង្ឃឹមថា ក្រុមហ៊ុនហូវៃ នឹងបន្តខិតខំប្រឹងប្រែងចូលរួមសហការទទួលខុសត្រូវការងារសង្គម (CSR) បន្ថែមទៀត។
ថ្នាក់ដឹកនាំជាន់ខ្ពស់នៃក្រុមហ៊ុនហូវៃ បញ្ជាក់ថា៖ «ហូវៃនឹងបំពេញនូវការសន្យារបស់ខ្លួនដោយព្យា យាមគ្រប់បែបយ៉ាងឲ្យអស់ពីកម្លាំង កាយចិត្ត ដើម្បីផ្តល់ជូននូវដំណោះស្រាយ និងផ្តល់សេវាកម្មផ្នែកទូរគមនាគមន៍ និងព័ត៌មានវិទ្យាដែលមានតម្លៃសមរម្យនៅកម្ពុជា។ ការប្តេជ្ញាចិត្តរបស់យើង គឺច្បាស់ណាស់នឹងបន្តកិច្ចសហប្រតិបត្តិការយ៉ាងជិតស្និទ្ធជាមួយក្រសួងប្រៃសណីយ៍ និងទូរគមនាគមន៍កម្ពុជាលើវិស័យទូរគមនាគមន៍ និងព័ត៌មានវិទ្យានេះ»។ ក្រោយបញ្ចប់ជំនួបពិភាក្សាគ្នារួចមក ក្រសួងប្រៃសណីយ៍ និងទូរគមនាគមន៍កម្ពុជា និងក្រុម ហ៊ុនហូវៃ បានចុះហត្ថលេខាលើអនុស្សារណៈយោគយល់គ្នា (MOU) សម្រាប់កិច្ចសហប្រតិបត្តិការទ្វេភាគី។ ឆ្លងតាមសកម្មភាពទស្សនកិច្ចរបស់ឯកឧត្តម ប្រាក់ សុខុន នៅស្នាក់ការកណ្តាលក្រុមហ៊ុន គឺជាកំណត់ត្រាដើម្បីបើកទំព័រថ្មីមួយសម្រាប់ក្រសួងប្រៃសណីយ៍ និងទូរគមនាគមន៍\កម្ពុជា និងក្រុមហ៊ុនហូវៃ ជាដៃគូដើម្បីអភិវឌ្ឍវិស័យទូរគមនាគមន៍និង ព័ត៌មានវិទ្យាពេលអនាគត ដោយជួយគ្នាទៅវិញទៅមក ក្នុងន័យ «ឈ្នះ-ឈ្នះ» ទាំងអស់គ្នា។
ព័ត៌មានលម្អិត សូមចូលទៅកាន់គេហទំព័រក្រុមហ៊ុនហូវៃ៖
គេហទំព័រផ្លូវការ: www.huawei.com
Facebook: www.facebook.com/huaweidevice
Twitter: www.twitter.com/HuaweiDevice
YouTube: www.youtube.com/user/HuaweiDeviceCo
Flickr: www.flickr.com/photos/huaweidevice