កាលពីថ្ងៃទី 07 ខែកញ្ញា ឆ្នាំ2014 សមាគម HOH ជួយស្រុកកំណើតយើងបានរៀបចំសិក្ខាសាលានេះឡើង ដើម្បីចូលរួមចែករំលែកនូវចំណេះដឹងបទពិសោធន៍ភាពជោគជ័យពិសេសគឺក្នុងគោលបំណង ជួយតម្រង់ទិសយុវជនកម្ពុជា ដែលទើបតែបញ្ចប់ថ្នាក់មធ្យមសិក្សាទុតិយភូមិកន្លងទៅថ្មីៗនេះ។ ការរៀបចំឲមានកម្មវិធីនេះ គឺដោយសារមើលឃើញនូវបញ្ហាប្រឈមជាច្រើនដែលយុវជនកំពុងតែជួបប្រទះសព្វថ្ងៃដូចជា ការជ្រើសរើសជំនាញសិក្សានៅកំរិត មធ្យមសិក្សាដោយមិនមានមូលដ្ឋាច្បាស់ លាស់ ការបាត់បង់នូវក្តីសង្ឃឹមនិងសេចក្តីក្លាហានក្នុងការបន្តដំណើរជីវិតទៅថ្ងៃអនាគតខ្វះកាត្រៀម លក្ខណះគ្រប់គ្រាន់សម្រាប់ប្រកួតប្រជែងការងារក្នុងទីផ្សារសេដ្ឋកិច្ចតំបន់អាស៊ានឆ្នាំ2014 ជាដើម។
លោកស្រី ប៉ែន បុប្ជា ប្រធានសមាគម HOH ជួយស្រុកកំណើតយើង ក៏បានឲ្យដឹងដែរថា៖ “ជារួមគឺសិក្ខាសាលាដែលរៀបចំឡើងនៅថ្ងៃនេះ ផ្តោតយកចិត្តទុកដាក់យ៉ាងសំខាន់លើយុវជន ពីព្រោះយុវជនជាបុគ្គលប្រកបដោយ សក្តានុពលដ៏ធំធេង ទាំងកម្លាំងកាយចិត្ត ប្រាជ្ញាស្មារតី យុវជនគឺជាគ្រាប់ពេជ្រដ៏មានតម្លៃដែលមិនអាចកាត់ថ្លៃបាន តែរង់ចាំការកែច្នៃ និងការតម្រង់ទិសឲ្យបានត្រឹមត្រូវ ហើយយុវជនគឺជាទំពាំស្នងឬស្សី ជាកម្លាំងស្នូលសម្រាប់បន្តវេន។ សិក្ខាសាលាយុវជនថ្នាក់ជាតិលើកទី 8 ស្តីពីការតម្រង់ទិសយុវជនក្រោយ បញ្ចប់ថ្នាក់មធ្យមសិក្សាទុតិយភូមិ មានរយៈពេលមួយថ្ងៃពេញ គឺនៅថ្ងៃទី 07 ខែកញ្ញា ឆ្នាំ2014 នៅវិទ្យាស្ថានជាតិអប់រំបានប្រព្រឹត្តទៅក្រោមអធិបតីភាពរបស់ឯកឧត្តម បណ្ឌិតហ៊ុន ម៉ាណែត។
ឆ្លៀតក្នុងឱកាសនេះដែរ ឯកឧត្តម ហ៊ុន ម៉ាណែតបានមានប្រសាន៍ឲ្យដឹងដែរថា “ ខ្ញុំសូមចូលរួមអបអរសាទរចំពោះប្អូនៗដែលបានជាប់សញ្ញាប័ត្រមធ្យមសិក្សាទុតិយភូមិ ហើយក៏សូមចូលរួមសោកស្តាយចំពោះប្អូនៗដែលមិនទាន់បានជាប់ ប៉ុន្តែប្អូននៅមានឱកាសប្រលងជាលើកទី2 នៅថ្ងៃទី 13 ខែតុលា ឆ្នាំ2014 ខាងមុខនេះ។ ហើយថ្ងៃនេះជាឱកាសល្អណាស់ដែលសមាគម HOH ជួយស្រុកកំណើតយើងបានរៀបចមសិក្ខាសាលាតម្រង់ទិសនេះឡើង ដើម្បីលើកទឹកចិត្តប្អូនៗឲ្យមានសង្ឈឹមហើយខំប្រឹងប្រែងតទៅមុខទៀត ។
យុវសិស្សដែលទើបតែប្រលងជាប់សញ្ញាបត្រទុតិយភូមិកន្លងទៅថ្មីៗនេះ ប្អូនប្រុស ជា ថាវរៈ បានបង្ហាញពីចំណាប់អារម្មណ៍ផ្ទាល់បន្ទាប់ពីបានចូលរួមវេទិកាតម្រង់ទិសនេះថា លោកពិតជាបានទទួលចំនេះដឹងថ្មីៗជាច្រើននៅពេលបានចូលក្នុងសិកា្ខសាលានេះដោយវាគ្មិនម្នាក់ៗពិតជាពោរ-ពេញដោយបទពិសោធន៍ និងភាពជោគជ័យច្រើនក្នុងជីវិត។ ប្អូនបានបញ្ជាក់ផងដែរ: “វេទិកានេះល្អណាស់ វាពិតជាធ្វើអោយខ្ញុំស្គាល់ខ្លួនឯងរឹតតែច្បាស់ជាងមុន ហើយពិសេសវាបានជួយខ្ញុំក្នុងការ ជ្រើសរើសមុខវិជ្ជារៀបបន្ត និងការសំលឹងមើលទីផ្សារការងារបន្ទាប់ពីរៀនចប់”។
គូសបញ្ជាក់ផងដែរថា វេទិកានេះត្រូវបានរៀបចំឡើងជារៀងរាល់ឆ្នាំ បន្ទាប់ពីការប្រលងសញ្ញាបត្រមធ្យម សិក្សាទុតិយភូមិ។ ហើយវេទិកាតំរង់ទិសលើកទី៧ បានរៀបចំឡើងកាលពីឆ្នាំមុន នៅទីក្រុងរណបកោះ ពេជ្រ ដោយមានអ្នកចូលរួមជាង៣០០០នាក់។ ជាងនេះទៅទៀត វេទិកាតំរង់ទិសលើកទី៨របស់ សមាគម HOH ជួយស្រុកកំណើតយើង នេះ បានរៀបចំដោយមានការគាំទ្រពីក្រសួងអប់រំ យុវជន និង កីឡា ឯកភាពដោយ សាលារាជធានីភ្នំពេញ និងឧបត្ថម្ភធំដោយ ថ្នាំពណ៌ជាតិ Cam Paint សហការ ឧបត្ថម្ភដោយក្រុមហ៊ុនធានារ៉ាប់រងអាយុជីវិតកម្ពុជាឡៃហ្វ ក្រុមហ៊ុនបង់រំលស់របស់ខ្មែរ Mega Leasing ក្រុមហ៊ុន LG និងក្រុមហ៊ុន G Gear, ក្លឹបអ្នកដឹកនាំកំពូល CEO Master Club និងក្រុមហ៊ុន Westline Education Group និងសប្បុរសជនជាច្រើនរូបផ្សេងទៀតផងដែរ។
