ក្រុមហ៊ុន LG សហការជាមួយក្រុមគ្រូពេទ្យស្ម័គ្រចិត្តចុះពិនិត្យសុខភាព និងព្យាបាលមាត់ធ្មេញដោយ ឥតគិតថ្លៃជូនដល់ប្រជាជនប្រមាណ 1500 នាក់ នៅភូមិឈើទាល ឃុំត្នោតជុំ ស្រុកក្រគរ ខេត្តពោធិសាត់។ លោក ប៊ុង ស៊ុកគីម អគ្គនាយក LG ប្រចាំប្រទេសកម្ពុជាមានប្រសាសន៍ថានេះជាសកម្មភាពសប្បុរសធម៌របស់ LG ដែលតែងធ្វើឡើងជាប្រចាំខែក្នុងឆ្នាំ 2014 សំរាប់ប្រជាជនកម្ពុជា និងអតិថិជន LG ទាំងអស់។សកម្មភាពនេះមានការចូលរួមពីក្រុមគ្រូពេទ្យស្ម័គ្រចិត្តជាង 100 នាក់ ដើម្បីធ្វើការពិនិត្យសុខភាពដូចជា ពិនិត្យ និងព្យាបាលជំងឺមាត់ធ្មេញ បំពង់ករ ត្រចៀក សុខភាពទូទៅ និងការពិនិត្យផ្ទៃពោះ។
ក្រុមហ៊ុន LG ក៏បានបង្កើតអោយមានកម្មវិធីមួយចំនួនដល់កុមារ និងប្រជាពលរដ្ឋដែលមករង់ចាំពិនិត្យជំងឺផងដែរ ដែលមានដូចជា ការផាត់ពណ៌លើរូបភាពផ្សេងៗ មានការដាក់បញ្ជាំងនូវ ភាពយន្តតុក្កតា 3D និងការលេងហ្គេមកំសាន្តជាមួយនឹងបច្ចេកវិទ្យា LG ជាដើម។ ជាពិសេសនោះក្រុមហ៊ុន LG ក៏បានធ្វើការនាំយកនូវសៀវភៅសរសេរ និងសំភារៈមួយចំនួនដូចជាដបទឹក LG ដ៏ស្រស់ស្អាតធ្វើការចែកជូនដល់សិស្សា នុសិស្សនៅទីនោះផងដែរដើម្បីលើកកំពស់ការទទួលទាន់ទឹកកស្អាត។
ស្ថិតក្នុងចក្ខុវិស័យមនុស្សធម៌ក្រុមហ៊ុន LG គឺជាក្រុមហ៊ុនដ៏ធំមួយ និងមានភាពល្បីល្បាញលំដាប់ថ្នាក់អន្តរជាតិ បានដើរតួនាទីយ៉ាងសំខាន់ក្នុងវិស័យសេដ្ឋកិច្ច ថែមទាំងមានភាពនាំមុខគេខាងផ្នែកសង្គមកិច្ចថែមទៀតផង ដោយក្រុមហ៊ុន LG បានចូលរួមឧបត្ថមទាំងកំលាំងស្មារតី និង កំលាំងពលកម្ម រួមជាមួយនឹងថវិកាក្នុងការចូលរួមចំណែក ក្នុងកម្មវិធីមនុស្សធម៌ជាច្រើន តួយ៉ាងដូចជាក្រុមហ៊ុន LG បានចូលរួមជាមួយក្រុមគ្រូពេទ្យស្ម័គ្រចិត្តក្នុងការបង្កើតអោយមានកម្មវិធី ពិនិត្យសុខភាព និងព្យាបាលមាត់ធ្មេញ ដោយឥតគិតថ្លៃជូនដល់ប្រជាជន ដែលរស់នៅតំបន់ជនបទដាច់ស្រយាលជារៀងរាល់ខែ។ LG បានចូលរួមសកម្មភាពបែបនេះជាច្រើនលើករួចមកហើយដូចជានៅរាជធានីភ្នំពេញ ខេត្តកំពង់ចាម ខេត្តសៀមរាប ខេត្តព្រះសីហនុ និងខេត្តបាត់ដំបងជាដើម ហើយ LG នឹងនៅតែចូលរួមសហការណ៍ជាមួយ ក្រុមគ្រូពេទ្យស្ម័គ្រចិត្ត ដើម្បីបន្តអោយមានសកម្មភាពពិនិត្យសុខភាពបែបនេះជូនដល់ប្រជាជនអោយបានគ្រប់តំបន់ទាំងអស់។ សកម្មភាពទាំងអស់នេះសបញ្ជាក់អោយឃើញថា ក្រុមហ៊ុន LG មិនត្រឹមតែចូលមកវិនិយោគ ដើម្បីទ្រទ្រង់នូវវិស័យសេដ្ឋកិច្ចនៃប្រទេសនោះទេ ថែមទាំងបានផ្តល់នូវផលប្រយោជន៍ជាច្រើនក្នុងការគាំទ្រទៅលើវិស័យផ្សេងៗជាច្រើនថែមទៀតផង។