ក្នុងឱកាសនៃការតាំងពិព័រណ៍បច្ចេកវិទ្យាព័ត៌មានវិទ្យា អេឡិចត្រូនិក និងទូរគមនាគមន៍អន្តរជាតិ ដែលបានរៀបចំឡើងនៅកោះពេជ្រ កាលពីថ្ងៃទី ១៤-១៦ វិច្ឆិកា កន្លងទៅនេះ ក្រុមហ៊ុន ហ៊ុង ហ៊ាប (ខេមបូឌា) ចំកាត់ ដែលជាតំណាងចែកចាយជាផ្លូវការរថយន្ត Volkswagen ប្រចាំប្រទេសកម្ពុជា បានធ្វើការដាក់តាំង និងបង្ហាញជូននូវបច្ចកវិទ្យាថ្មីៗ ទំនើបៗ ដែលមាននៅក្នុងរថយន្ត Volkswagenជូនដល់អ្នកទស្សនាទាំងអស់បានឃើញ និងទទួលបានបទពិសោធន៍ដោយផ្ទាល់ ។
ក្រុមហ៊ុនក៏បានដាក់តាំងបង្ហាញជូននូវរថយន្តVolkswagen ចំនួន៣ម៉ូដែល ដែលសុទ្ធសឹងជាម៉ូដែល ដែលកំពុងទទួលបានការពេញនិយម គាំទ្រ និងចាប់អារម្មណ៍ជាច្រើនពីសំណាក់អតិថិជន។ ម៉ូដែលដែលបានធ្វើការដាក់តាំងបង្ហាញជូននាឱកាសនេះ រួមមានរថយន្ត Volkswagen Passat (ប្រភេទរថយន្ត Sedan) រថយន្ត Volkswagen Tiguan និង Volkswagen Touaeg (ប្រភេទSUV)។ ស្ថិតក្នុងឱកាសនេះដែរ អ្នកចូលរួមទាំងអស់មានឱកាសទស្សនាការបង្ហាញបច្ចេកវិទ្យាចូលចតដោយស្វ័យប្រវត្តិ (Auto Parking) ដែលជាបច្ចេកវិទ្យាមួយក្នុងចំណោមបច្ចេកវិទ្យាថ្មីៗទំនើបៗជាច្រើនរបស់រថយន្តVolkswagen។ បច្ចេកវិទ្យាចូលចតដោយស្វ័យប្រវត្តិ (Auto Parking) របស់ Volkswagen ពិតជាផ្តល់ភាពងាយស្រួល សម្រាប់អ្នកបើកបរក្នុងការចតរថយន្តមិនថាក្នុងចន្លោះចតស្របផ្លូវ រឺចន្លោះចតកាត់ទទឹងផ្លូវនោះទេ ក៏រថយន្ត Volkswagen អាចចូលចតបានដោយភាពល្អឥតខ្ចោះ។ អ្នកចូលរួមទាំងអស់ក៏មានឱកាសសាកល្បងដោយផ្ទាល់ ជាមួយបច្ចេកវិទ្យានេះ។ ពួកគេម្នាក់ៗសុទ្ធតែមានកើតសរសើរអំពីភាពឆ្លាតវៃដ៏អស្ចារ្យរបស់រថយន្ត Volkswagen ក្នុងការចូលចតដោយស្វ័យប្រវត្តិ។
ជាងនេះទៀតក្រុមហ៊ុនក៏មានការបង្ហាញជូននូវបច្ចេកវិទ្យាទំនើបមួយចំនួនទៀត ដែលមានដូចជាការបើកឃ្លុបខាងក្រោយរថយន្តដោយមិនចាំបាច់ប្រើដៃបើក ដោយគ្រាន់តែវាសជើងពីក្រោមឃ្លុបរថយន្ត និងបច្ចេកវិទ្យាបើកទ្វាររថយន្តដោយប្រើក្រយ៉ៅដៃ រួមនឹងបច្ចេកវិទ្យាថ្មីៗទំនើបៗជាច្រើនទៀត ដែលមានបំពាក់ក្នុងរថយន្ត Volkswagen។ រថយន្ត Volkswagen គឺជាក្រុមហ៊ុនផលិតរថយន្តអាឡឺម៉ង់ដ៏ធំជាងគេបង្អស់ នៅក្នុងទ្វីបអឺរ៉ុប និងជាក្រុមហ៊ុនឈានមុខគេមួយខាងផ្នែកបច្ចេកវិទ្យាបំពាក់ក្នុងរថយន្ត។ ជារថយន្តឈរលើលំដាប់កំពូលនៃបច្ចេកវិទ្យា ផ្តល់ជូននូវសុវត្ថិភាព និងផាសុកភាពក្នុងការបើកបរ សមស្របតាមគ្រប់កាលៈទេសៈ។ ជាមួយភាពស្រស់ស្អាតនៃការរចនារូបរាងដ៏ប្រណិត ប្ក្របដោយផាសុកភាព និងសុវត្ថិភាពខ្ពស់ក្នុងការធ្វើដំណើរ បានធ្វើអោយរថយន្ត Volkswagen កំពុងទទួលបាននូវការពេញនិយមគាំទ្រចូលចិត្ត ពីសំណាក់អតិថិជនកម្ពុជា នាពេលបច្ចុប្បន្ន។
សម្រាប់លោកអ្នកដែលមានបំណងចង់សាកល្បងបើកបររថយន្ត និងស្វែងយល់ពីបច្ចេកវិទ្យាទំនើបដ៏អស្ចារ្យរបស់រថយន្ត Volkswagen អាចធ្វើការទំនាក់ទំនងមកដោយផ្ទាល់មកកាន់ក្រុមហ៊ុន ហ៊ុង ហ៊ាប (ខេមបូឌា) ចំកាត់ តាមរយៈទូរស័ព្ទលេខ 012-214-383 រឺអាចអញ្ជើញមកកាន់Volkswagen Showroom ដោយផ្ទាល់ ដែលមានអាស័យដ្ឋានតាមបណ្តាយមហាវិថីព្រះនរោត្តម ជាប់ខាងជើងស្ពានអាកាសក្បាលថ្នល់ ទល់មុខអគ្គស្នងការនគរបាលជាតិ។
