កាលពីថ្ងៃទី ២១ ខែវិច្ឆិកា ឆ្នាំ ២០១៤ នៅ iOne Canadia ក្រុមហ៊ុន iOne ដែលជាក្រុមហ៊ុនធំ មាន សិទ្ធិស្របច្បាប់នាំចូលនិងចែក ចាយផលិតផល Apple មកកាន់ទីផ្សារព្រះរាជាណាចក្រកម្ពុជា បាន នាំមកនូវព្រឹត្តិការដ៏អស្ចារ្យ និងធំបំផុតសំរាប់តិថិជនទាំងអស់ តាមរយះនៃការបើកសម្ពោធ និងចាប់ ផ្តើមចេញលក់ជាផ្លូវការនូវទូរស័ព្ទ iPhone 6 & iPhone 6 Plus។ កម្មវិធីនេះដ៏មហោឡារឹកនេះ គឺ ទទួលបាននូវការអញ្ជើញចូលរួមជាគណះអធិបតីដ៏ខ្ពង់ខ្ពស់បំផុតពីសំណាក់ឯកឧត្តមនាយឧត្តម សេនីយ៏ សុខ ផល អគ្គនាយកនៃអគ្គនាយកដ្ឋានអន្តោប្រវេស្តន៍ និងលោកស្រី សុខ សុភ័ក្ត្រ អគ្គ នាយិការក្រុមហ៊ុន iOne ព្រមទាំងភ្ញៀវកិត្តិយស និងបណ្តាអ្នកសារព័តមានជាតិ និងអន្តរជាតិ យ៉ាងច្រើនកុះករ។
តាមការបញ្ជាក់របស់ក្រុមហ៊ុន iOne បានអោយដឹងថា ការបើកសម្ពោធ និងចាប់ផ្តើមចេញលក់ជាផ្លូវ ការនូវទូរស័ព្ទ iPhone 6 & iPhone 6 Plus នៅក្នុងទីផ្សារទូរស័ព្ទប្រទេសកម្ពុជា នាពេលនេះ គឺបាន បង្ហាញអោយឃើញពីភាពជោគជ័យថ្មីមួយទៀតសំរាប់ក្រុមហ៊ុន iOne នៅក្នុងការបំពេញតំរូវការជូន ដល់អតិថិជន ពីព្រោះថា ផលិតផលថ្មីនេះ គឺជាសមាជិកមួយដ៍សំខាន់នៅក្នុងចំណោមផលិតផល Apple ទាំងអស់ ហើយនិងជាទូរស័ព្ទស្មាតហ្វូនដែលមានលក្ខណះទំនើបកំពុងតែមានការពេញនិយម បំផុតពីសំណាក់អ្នកប្រើប្រាស់ទាំងអស់ ទាំងនៅក្នុងប្រទេសកម្ពុជា និងនៅលើពិភពលោក។ ម្យ៉ាង ទៀត នេះគឺជាការបើកនូវទំព័រសករាជថ្មីមួយទៀតផងដែរ សំរាប់អ្នកប្រើប្រាស់ទូរស័ព្ទទំនើបនៅក្នុង ប្រទេសកម្ពុជាគ្រប់ៗគ្នា ពីព្រោះថា អតិតិថនទាំងអស់ ដែលបានជាវទូរស័ព្ទ iPhone6 & iPhone 6 Plus ពីក្រុមហ៊ុន iOne នឹងលែងមានការព្រួយបារម្មណ៍អំពីផលលំបាកនានា ដែលបានកើតមាន ឡើងនាពេលកន្លងមកចំពោះការប្រើប្រាស់ទូរស័ព្ទ iPhone របស់ពួកគាត់ ដែលក្រុមហ៊ុន iOne មានមជ្ឈមណ្ឌលសេវាកម្មដែលទទួលសិទ្ធិពី Apple ផ្ទាល់។ ក្រុមហ៊ុន iOne ប្តេជ្ញានឹង ខិតខំធ្វើយ៉ាង ណាស្វែងរកនូវផលិតផលថ្មីៗ និងបច្ចេកវិទ្យាទំនើបៗ ក៏ដូចជាដំណោះស្រាយល្អឥត ខ្ចោះ ដើម្បីធ្វើអោយអតិថិជនទាំងអស់មានភាពងាយស្រួល និងមានភាពជឿជាក់កាន់តែខ្លាំងថែមទៀតក្នុងការប្រើ ប្រាស់ផលិតផល Apple ជាពិសេសនោះ គឺទូរស័ព្ទ iPhone 6 & iPhone 6 Plus ដែលកំពុងតែមាន វត្តមានជាផ្លូវការនៅពេលនេះ។
ក្រុមហ៊ុន iOne បានបន្ថែមអោយដឹងទៀតថា ការដែលទទួលបាននូវជោគជ័យដ៏ធំធេងនេះ គឺដោយ សារតែមានកិច្ចខិតខំប្រឹងប្រែងរបស់ថ្នាក់ដឹកនាំទាំងអស់នៅក្នុងបំពេញការងារយ៉ាងល្អឥតខ្ចោះ ជាមួយនឹងក្រុមហ៊ុន Apple ក៏ដូចជាការបំពេញការងារយ៉ាងសកម្មរបស់បុគ្គលិកគ្រប់ៗ គ្នា ដែលបង្កើត បាននូវស្នាដៃដ៏ល្អបំផុតនៅក្នុងការចែកចាយផលិតផល និងការបំរើសេវាកម្មជូនអតិថិជនឲទទួលបាន នូវភាពជឿជាក់នាពេលកន្លងមក។ អ្វីដែលរឹតតែពិសេសនោះ គឺ ក្រុមហ៊ុន iOne គឺជាក្រុមហ៊ុនដ៏ធំ មួយតែមួយគត់នៅក្នុងទីផ្សារបចេ្ចកវិទ្យារបស់ព្រះរាជាណា ចក្រកម្ពុជា ដែលមានបទពិសោធន៍ជោគជ័យជាច្រើនឆ្នាំមកហើយជាមួយនឹងការនាំចូល និងចែកចាយផលិតផល Apple ជាច្រើនប្រភេទ រួម មានដូចជា ឧបករណ៍ iPad ឧបករណ៍ចាក់ភ្លេង iPod ម៉ាស៊ីនកុំព្យូទ័រយួដៃ និងលើតុម៉ាក Apple ក៏ដូចជា Accessories មួយចំនួនទៀត។ ហើយថែមទាំងមាន Service Center សំរាប់បំរើសេវាកម្មជូនអតិថិជន ដែលផ្តល់សិទ្ធិពីក្រុមហ៊ុន Apple ទៀតផង។