សព្វថ្ងៃនេះក្រុមហ៊ុន Smart បានប្រកាសពីការចាប់ផ្តើមនៃកម្មវិធី "Facebook Now" ដែលផ្តល់ជូនអតិថិជនរបស់ខ្លួន ក្នុងការប្រើប្រាស់ហ្វេសប៊ុកអោយកាន់តែមានភាពងាយស្រូលជាមួយនិងគំរោងFacebook Unlimited ការចុះឈ្មោះប្រើ Facebook ដោយប្រើលេខទូរស័ព្ទ Facebook USSD និង លេង Facebook តាមរយៈការផ្ញើរសារ។
កម្មវិធីនេះអនុញ្ញាតឱ្យអតិថិជន Smart បង្កើតគណនីFacebook មានភាពងាយស្រួលជាងមុន។ Facebook ID នឹងត្រូវបានបង្កើតដោយស្វ័យប្រវត្តិសម្រាប់អតិថិជនប្រើលេខទូរស័ព្ទរបស់Smart។ អតិថិជនគ្រាន់តែជ្រើសលេខសម្ងាត់ រួចហើយupdate profile បន្ទាប់មកអតិថិជនអាចរីករាយជាមួយអត្ថប្រយោជន៍បន្ថែមរបស់Facebook។ ជាមួយនឹងដំណើរទាំងពីរជំហានដ៏សាមញ្ញនេះ កម្មវិធី Facebook Now ជួយអោយអតិថិជនSmart អាចប្រើប្រាស់បណ្តាញសង្គមជាមួយភាពងាយស្រួលដែលមិនធ្លាប់មានពីមុនមក។
ជាមួយនិងការបង្កើតកម្មវិធីFacebook Now របស់ក្រុមហ៊ុន Smart បានណែនាំជម្រើសគំរោងFacebook Unlimited ដែលផ្តល់ជូនជម្រើសជាច្រើនពី Smart។ អតិថិជន Smart អាចទិញគំរោងFacebook Unlimited ឬហៅថា ហ្វេសប៊ុកគ្មានដែនកំណត់ ដែលចំណាយត្រឹមតែ5សេនប៉ុណ្ណោះក្នុងមួយថ្ងៃឬ 2 ដុល្លារអាមេរិកសម្រាប់រយៈពេលបីខែ។
សម្រាប់អតិថិជនដែលទូរស័ព្ទរបស់គាត់មិនអាចភ្ជាប់អ៊ីនធឺណិតបាន អតិថិជននៅតែប្រើសេវា Facebook តាមរយៈ Facebook USSD ពីក្រុមហ៊ុន Smart ដែលចំណាយត្រឹមតែ 0.30 ដុលា្លសម្រាប់អត្រាប្រចាំសប្តាហ៍ ។ Facebook USSD អនុញ្ញាតឱ្យអតិថិជនទទួលបានព័ត៌មានថ្មីៗ សរសេរជាសារ បង្ហោះរូបភាពនានា ជជែកកម្សាន្តជាមួយមិត្តភក្តិ និងគ្រប់គ្រងគណនី Facebook របស់ខ្លួន។ គន្លឹះទាំងអស់នេះ នឹងស្ថិតនៅក្រោមម្រាមដៃរបស់លោកអ្នក ហើយSmart ក៏មានផ្តល់ជូនជម្រើសផ្សេងទៀតផងដែរតាមរយះ សេវាផ្ញើរសារជាអក្សរ តាម Facebook ដែលចំណាយត្រឹមតែ 1សេនក្នុងមួយអត្ថបទ។ ជម្រើសនេះធ្វើឱ្យ អតិថិជន Smart អាចចែករំលែកសារថ្មីៗទៅកាន់មិត្តភក្តិ។
លោក Thomas Hundt ជានាយកប្រតិបត្តិក្រុមហ៊ុន Smart សង្ឃឹមយ៉ាងម៉ុតម៉ាំ លើគំនិតផ្តួចផ្តើមថ្មីមួយនេះ អាចជួយសម្រួលដល់ការប្រើប្រាស់សេវាអ៊ីនធើណិតតាមទូរស័ព្ទដៃ នៅក្នុងប្រទេសកម្ពុជា។ លោក Hundt បានអធិប្បាយថា “សព្វថ្ងៃនេះយើងឃើញមានការប្រើប្រាស់ទូរសព្ទ័ចល័តជាង 100% ក្នុងប្រទេសកម្ពុជា ទោះជាយ៉ាងណាការប្រើប្រាស់អ៊ីនធើណិតតាមទូរសព្ទ័ចល័តលើប្រពន្ធ័3G និង4Gមានកំរិតទាបជាង20% ។ ការវិនិយោគដ៏ធំតែម្នាក់ឯងរបស់ក្រុមហ៊ុន Smart លើការផ្លាស់ប្តូរប្រពន្ធ័អ៊ីនធើណិតនៅឆ្នាំ 2014 បានចំណាយរហូតដល់ជាង 50 លានដុល្លាអាមេរិច សម្រាប់គម្រោងអ៊ីនធឺណិតតាមទូរស័ព្ទចល័តដោយផ្តោតជាពិសេសទៅលើ ការពង្រីកបណ្តាញគ្របដណ្តប់ 3G ក៏ដូចជាសមត្ថភាពបង្កើតបណ្តាញ4G LTE ដែលជាបច្ចេកវិជ្ជាដំបូងតែមួយគត់នៅប្រទេសកម្ពុជា។”
“កាន់តែច្បាស់ទៅទៀតSmart នឹងក្លាយទៅជាផ្នែកមួយនៃសហគមន៍ Facebook ។ Facebook ជាកត្តាចំបងដែលជំរុញ អោយមានការប្រើប្រាស់អ៊ីនធើណិតតាមរយៈទូរស័ព្ទដៃ ហើយក្រុមហ៊ុន Smart មានបំនងចង់ធ្វើអោយមានភាពងាយស្រួលនិងផ្តល់ជូននូវតំលៃសមរម្យដល់អតិថិជន។”
លោក Hundt បានបន្ថែម “Facebook Unlimited គឺល្អសម្រាប់បង្ហោះរូបថតលោកអ្នកនិងមិត្តភក្តិរបស់អ្នកផ្សេងៗទៀត។ សូមអរគុណដល់គំរោង Facebook Unlimited របស់យើង ដែលអាចអោយលោកអ្នកអាចបង្ហោះរូបថតឥតឈប់ឈរគ្រប់នាទី។”ដោយមានការបើកដំណើរការបណ្តាញ 4G LTE ថ្មីរបស់ក្រុមហ៊ុន Smart នៅក្នុងទីក្រុងសៀមរាប នាយកក្រុមហ៊ុន Smart បានបន្តជម្រាបលម្អិតពីបណ្តាញ 4G នាពេលអនាគតរបស់ក្រុមហ៊ុន Smart នៅកម្ពុជា។ លោក Hundt បានថ្លែងថា “ឆាប់ៗក្នុងពេលខាងមុខនេះ បណ្តាញ 4G LTE របស់ក្រុមហ៊ុន Smart នឹងមកដល់ ខេត្តបាត់ដំបង ខេត្តព្រះសីហនុ ក៏ដូចជាខេត្តកំពង់ចាម ជាមួយល្បឿនកាន់តែលឿនជាងមុននិងតម្លៃសេវាទិន្នន័យទាប។ យើងខ្ញុំជឿថាក្រុមហ៊ុនSmartនឹងនាំប្រជាជនកម្ពុជាប្រមាណមួយលាននាក់ថែមទៀត ភ្ជាប់ការទំនាក់ទំនងជាមួយហ្វេសប៊ុក។ នេះគឺជាផ្នែកមួយដ៏សំខាន់នៃការបង្កើត ជំនាន់គ្រួសារ Smart។”