OneDrive គឺជាកន្លែងមួយសម្រាប់រក្សាទុកទិន្នន័យបានយ៉ាងសំបូរបែប និងងាយស្រួល មិនថានៅទីណាកន្លែងណា លោកអ្នកអាចបើកមើលទិន្នន័យរបស់អ្នកបានគ្រប់ពេលវេលា តាមរយះឧបករណ៌អេឡិចត្រូនិចផ្សេងៗដូចជា ទូរស័ព្ទស្មាតហ្វូន ថែបប្លេត ឬកុំព្យួទ័រជាដើម។ កាន់តែពិសេសគឺវាអាចដើរតួជំនួសឲ្យឧបករណ៌រក្សាទុកទិន្នន័យផ្សេងៗដូចជា External, Internal ឬ Harddisk ជាដើម រាល់ឯកសារឬទិន្នន័យផ្សេងៗនឹងនៅជាមួយអ្នកគ្រប់ពេលវេលាទាំងអស់ដែលអ្នកត្រូវការ។ ខាងក្រោមនេះ ទស្សនាវដ្តី ពិភពអេឡិចត្រូនិក សូមធ្វើការបង្ហាញពីរបៀបប្រើប្រាស់មួយចំនួនរបស់មុខងារ OneDrive នេះ ហើយចំពោះការផ្ទេទិន្នន័យរបស់អ្នកទៅក្នុង OneDrive ក៏មានច្រើនរបៀបខុសៗគ្នា ដែលអាចឲ្យលោកអ្នកធ្វើការប្រើប្រាស់បានកាន់តែងាយស្រួល។ បញ្ជាក់ : សម្រាប់កម្មវីធីនេះ យើងខ្ញុំសូមបង្ហាញពីការដំណើរការនៅលើប្រតិបត្តិការចាប់ពី Window 8.1 ឡើងទៅ។
1.របៀបផ្ទុកទិន្នន័យក្នុង OneDrive
•ចម្លងទិន្នន័យទៅ OneDrive ដោយប្រើកម្មវិធី OneDrive App
-ជំហានទី1
ចូលទៅកាន់ Start screen ចុចលើផ្ទាំងកម្មវិធី OneDrive ដើម្បីបើកដំណើរការកម្មវិធី
-ជំហានទី2
ចុចលើ folders ដើម្បីរកទីតាំងដែលអ្នកចង់ផ្ទុកទិន្នន័យនៅលើ OneDrive
-ជំហានទី3
អូសពីលើឬខាងក្រោម ឬចុច Mouse ខាងស្តាំ រួចយកពាក្យថា Add Files
-ជំហានទី4
ជំហានទីបួន គឺអ្នកត្រូវចូលទៅស្វែងរកនិងជ្រើសរើសទិន្នន័យដែលចង់ផ្ទុក រួចចុចលើពាក្យ “Copy to OneDrive” ជាកាស្រេច។
•ផ្ទេរទិន្នន័យទៅកាន់ OneDrive ដោយប្រើកម្មវិធី OneDrive App
ការផ្ទេរទិន្នន័យ មានន័យថា អ្នកបានយកទិន្នន័យចេញពីកុំព្យួទ័រអ្នកទៅកាន់ OneDrive ហើយអ្នកអាចអនុវត្តន៌តាមជំហានដូចខាងក្រោម:
-ចូលទៅកាន់ This PC
-ស្វែងរកទិន្នន័យដែលអ្នកចង់ផ្ទេរ រួចធ្វើការជ្រើសរើស
-ចុចពាក្យ Cut
-ចូលទៅកាន់ OneDrive
-ចូលទៅកាន់ Folders ដែលអ្នកចង់ផ្ទុក រួចចុចលើពាក្យ Past
2.រក្សាទុកទិន្នន័យនៅលើ OneDrive ដោយស្វ័យប្រវិត្ត
លោកអ្នកក៏អាចរក្សាទុកទិន្នន័យនៅលើ OneDrive ដោយស្វ័យប្រវិត្តិផងដែរ ដូចជា ទិន្នន័យជាប្រភេទឯកសារ Word និង Excel ឬជាឯកសារ PDF និងឯកសារដទៃទៀត ម្យ៉ាងទៀត ប្រសិនបើកុំព្យួទ័រអ្នកបានកាមេរ៉ាវេបខេម វាក៏អាចរក្សាទុករូបភាពទៅក្នុង OneDrive បានដោយស្វ័យប្រវត្តិផងដែរ។ ប៉ុន្តែដើម្បីឲ្យទិន្នន័យទាំងអស់រក្សាទុកបានដោយស្វ័យប្រវត្តិ លុះត្រាតែអ្នកចូលទៅកំណត់នៅក្នុង Setting ដូចខាងក្រោម:
-ចូលទៅកាន់ Setting ក្នុង Window 8.1 រួចចុចលើ Change PC settings។
-សម្រាប់ឯកសារ ចុចលើ OneDrive រួចចុចបើក Save documents to OneDrive by default។
-សម្រាប់រូបភាព ចុចលើ Camera roll រួចចុចលើពាក្យ Upload photos at good quality ។
3.ទិន្នន័យអ្នកនឹងនៅជាមួយអ្នកជានិច្ច
នៅពេលទិន្នន័យរបស់អ្នកទាំងអស់ត្រូវបានផ្ទុកនៅក្នុង OneDrive អ្នកអាចបើកមើលទិន្នន័យទាំងអស់បាននៅលើគ្រប់ស្មាតហ្វូន រឺក៏កុំព្យួទ័រផ្សេងៗបាន បើទោះជាកុំព្យួទ័ររបស់អ្នកបានបញ្ហាអ្វីកើតឡើងក៏ដោយ។ ដោយអ្នកអាចចូលទៅកាន់វេបសាយរបស់ OneDrive ក៏បាន ឬក៏អាចប្រើប្រាស់កម្មវិធីដែលមាននៅលើឧបករណ៌របស់អ្នកបានដូចជា អេនដ្រត់ IOS ឬវីនដូហ្វូនជាដើម។
4.ការចែករំលែកឯកសារ
ការចែករំលែកឯកសារនៅលើ OneDrive គឺកាន់តែងាយស្រួលនិងសមញ្ញជាងការចែករំលែកឯកសារតាមរយះ home network ដោយមិនចាំបាច់ពិបាកក្នុងការផ្ញើតាមអីុមែល ឬពិបាកក្នុងការយក UBS តាមខ្លួនទៀតឡើយ។ ហើយលោកអ្នកអាចអនុវត្តិការចែករំលែកឯកសារតាមរយះកម្មវិធី OneDrive តាមដំណាក់កាលដូចខាងក្រោម:
-ជ្រើសរើសឯកសារទាំងអស់ ដែលអ្នកចង់ចែករំលែកលើ OneDrive
-បន្ទាប់មកចុចលើពាក្យ Share
-ចុងក្រោយអ្នកអាចធ្វើការកំណត់ថា តើអ្នកណាខ្លះ ដែលអ្នកនឹងចែករំលែកឯកសារទៅឲ្យបានផងដែរ
បញ្ជាក់: ជាធម្មតានៅពែលដែលអ្នកចាប់ផ្តើមប្រើប្រាស់ OneDrive អ្នកទទួលបានការថែមជូននូវទំហំផ្ទុកដោយឥតគិតថ្លៃ តែវាក៏មានការកំណត់ផងដែរ។ ដូច្នេះ ប្រសិនបើអ្នកចង់បានទំហំផ្ទុកបន្ថែម អ្នកក៏អាចចូលទៅទិញបន្ថែមបានផងដែរ។
