កាលពីថ្ងៃទី ១៧ ខែធ្នូ ឆ្នាំ ២០១៤ នៅសណ្ឋាគារ Himawari ក្រុមហ៊ុន Thakral One Cambodia បានចាប់ដៃគូជាមួយ Microsoft ផ្តល់ជូននូវដំណោះស្រាយដល់អតិថិជនរបស់ខ្លួន។ សិក្ខាសាលានេះ គឺមានចំណុចសំខាន់មួយចំនួនដូចខាងក្រោម។
ស្វែងរកបទពិសោធន៍ផលិតភាពធុរកិច្ចដ៏ល្អបំផុត
ស្របតាមអត្រាដែលអតិថិជនចែករំលែកព័ត៌មាននាពេលបច្ចុប្បន្ន គួបផ្សំនឹងការរីករាលដាលយ៉ាងទូលំទូលាយ នៃឧបករណ៍នានាដែលអនុញ្ញាតអោយមានការប្រើប្រាស់កុំព្យូទ័រនៅគ្រប់ពេលវេលា និងគ្រប់ទីកន្លែង បណ្តា ធុរកិច្ចចាំបាច់ត្រូវធ្វើប្រតិបត្តិការក្នុងអត្រាមួយដូចគ្នា ឬក្នុងល្បឿនមួយលឿនជាងអតិថិជនរបស់ខ្លួន។ អតិថិជន ដែលទទួលបានព័ត៌មាន និងបានភ្ជាប់ទំនាក់ទំនង បង្កើនតម្រូវការអោយធុរកិច្ចធ្វើការទាញយកផលប្រយោជន៍ពី បច្ចេកវិទ្យាដែលអតិថិជនរបស់ពួកគេអាចប្រើប្រាស់បាន ព្រមទាំងផ្តល់ជូននូវផលិតផល និងសេវា ប្រកបដោយ គុណតម្លៃដើម្បីឈានទៅសម្រេចបាននូវលទ្ធផលធុរកិច្ច។
ការផ្តល់ជូនបទពិសោធន៍ប្រកបដោយឥទ្ធិពលឺ
ស្ថាប័នស្វាគមន៍ចំពោះមធ្យោបាយងាយៗក្នុងការបំពេញការងារ និងទទួលយកឧបករណ៍នានាដែលជួយកែលម្អ នូវរបៀបដែលបុគ្គលិករបស់ខ្លួនចែករំលែក និងស្វែងរកព័ត៌មាន។ ទាំងអស់នេះគ្រាន់តែជាការសន្យាមួយចំនួន ប៉ុណ្ណោះដែលផ្តល់ជូនដោយឧបករណ៍ផលិតភាពធុរកិច្ចរបស់ក្រុមហ៊ុនMicrosoft។ “ពេលនេះ និយោជិតអាច ប្រើប្រាស់អ៊ីមែលពីចម្ងាយមិនថាពួកគេស្ថិតនៅទីណា និងតាមរយៈឧបករណ៍ណាមួយក៏បាន។ ប្រការនេះបាន បណ្តាលអោយមានកម្រិតផលិតភាពខ្ពស់ជាងមុន លើកទឹកចិត្តអោយមានកិច្ចសហការក្នុងចំណោមក្រុមការងារ និងបង្កអោយមានការសន្សំសំចៃលើពេលវេលាធ្វើដំណើរ និងធនធាន។” ទាំងនេះគឺជាលទ្ធផលធុរកិច្ចបឋមដែល ត្រូវបានចែករំលែកដោយការឈានមុខផ្នែកព័ត៌មានវិទ្យារបស់ស្ថាប័នរដ្ឋាភិបាលមួយនៅក្នុងតំបន់ មួយរយៈពេល ខ្លីក្រោយពេលដាក់អោយប្រើប្រាស់នូវឧបករណ៍ផលិតភាពធុរកិច្ច។ Thakral One Cambodia បានចាប់ដៃគូ ជាមួយក្រុមហ៊ុន Microsoft ហើយបានផ្តល់ជូននូវដំណោះស្រាយទាំងនេះដល់អតិថិជនរបស់ខ្លួន ដោយជួយដល់ ពួកគេក្នុងការសម្រួលដំណើរការ និងប្រើប្រាស់បច្ចេកវិទ្យាសម្រាប់ធុរកិច្ចអោយបានពេញលេញជាអតិបរមា។ វិធី សាស្ត្ររបស់យើងខ្ញុំចំពោះការអនុវត្ត គឺធ្វើយ៉ាងណាតម្រូវតាមធុរកិច្ចរបស់អតិថិជន ព្រោះយើងខ្ញុំផ្តោតការយក ចិត្តទុកដាក់យ៉ាងពិសេសដល់ការផ្តល់សេវា និងអតិថិជននីមួយៗ។
ការផ្តល់លទ្ធភាពអោយមានផលិតភាពប្រសើរជាមុនតាមរយៈ THAKRAL ONE SERVICES
Thakral One រៀបចំសិក្ខាសិលាយ៉ាងទៀងទាត់ជាមួយអតិថិជនទៅលើផលិតភាពធុរកិច្ច cloud និងរចនាសម្ព័ន្ធ ព្រមទាំងដំណោះស្រាយក្នុងវិស័យ។ លោក Ashish Fitkariwala ប្រធានប្រចាំប្រទេសទទួលបន្ទុកដំណើរការ ធុរកិច្ច បានមានប្រសាសន៍ថា ៖ “នៅក្នុងព្រឹត្តិការណ៍ជួបជាមួយអតិថិជនទាំងនេះ យើងចែករំលែកចំណេះដឹងស៊ី ជម្រៅ ទម្លាប់អនុវត្តប្រសើរបំផុតពីបណ្តាក្រុមហ៊ុនផ្សេងៗក្នុងតំបន់ និងបទពិសោធន៍ក្នុងការទទួលបានគុណតម្លៃ ច្រើនបំផុតតាមដែលអាចធ្វើទៅបានពីការវិនិយោគរបស់អ្នកទៅលើផលិតផលរបស់ក្រុមហ៊ុន Microsoft ។” អតិថិជនមានឱកាសស្វែងយល់អំពីការប្រើប្រាស់ជាក់ស្តែងនៃឧបករណ៍ទាំងនេះនៅក្នុងធុរកិច្ច ដែលមានចាប់ពី ការប្រើប្រាស់អ៊ីមែល និងការទទួលបានការបញ្ចេញរបាយការណ៍ ព្រមទាំងការចែករំលែក រហូតដល់ការធ្វើស្វ័យ ប្រវត្តិកម្មនៃធុរកិច្ចដែលជាដំណើរការទូទៅ។ លោក Fitkariwala បានមានប្រសាសន៍បន្ថែមថា “របៀបប្រើប្រាស់ ឧបករណ៍ធ្វើអោយមានភាពខុសគ្នាច្រើនទៅលើឥទ្ធិពលដែលបច្ចេកវិទ្យានាំមកជូនក្រុមបុគ្គល និងស្ថាប័ន” នៅ Thakral One សេវារបស់យើងធ្វើយ៉ាងណាតម្រូវតាមស្ថានភាពជាក់ស្តែងដើម្បីអនុញ្ញាតអោយបច្ចេកវិទ្យាសម ស្រប និងស៊ីគ្នាជាមួយនឹងធុរកិច្ចរបស់អ្នក។”
Thakral One Cambodia នាំមកនូវដំណោះស្រាយ សេវា និងឯកទេសអាជ្ញាប័ណ្ណសម្រាប់រចនាសម្ព័ន្ធ ផលិតភាព និងការធ្វើស្វ័យប្រវត្តិកម្មទៅលើដំណើរការធុរកិច្ចជូនដល់ទីផ្សារក្នុងស្រុក។