ដើម្បីអបអរសាទរដល់បុណ្យគ្រិស្តម៉ាស និងឆ្នាំថ្មី ដែលនឹងឈានចូលមកដល់ក្នុងពេលខាងមុខ ក្រុមហ៊ុន Huawei ដែលជាក្រុមហ៊ុនផ្តល់ដំណោះស្រាយ ផ្នែកព័ត៌មានវិទ្យា និង បច្ចេកវិជ្ជាទូរគមនាគមន៍ (ICT) ដ៏ឈានមុខគេ និងជាក្រុមហ៊ុនទូរស័ព្ទស្មាតហ្វូនដ៏ធំលំដាប់លេខ៣លើពិភពលោក បានដាក់បង្ហាញទូរស័ព្ទស្មាតហ្វូនថ្មីបំផុតរបស់ខ្លួន Mate 7 Gold, Ascend G7 និង Honor 6 នៅ Fashion TV ក្នុងសណ្ឋាគារ ណាហ្គាវើល កាលពីថ្ងៃទី ១៨ ខែធ្នូ ឆ្នាំ២០១៤។ លោក លី ស៊ីយ៉ាំង នាយកផ្នែកលក់ និងទីផ្សារ ដែលបានចូលរួមជាភ្ញៀវកិត្តិយសក្នុងពិធីនេះ ក៏បានប្រគល់ទូរស័ព្ទ Ascend Mate 7 Gold ដល់ កញ្ញា មាស សុខសោភា ដោយផ្ទាល់ដៃ។ យោងតាមសម្តីរបស់លោកស៊ីយ៉ាំង ប្រទេសកម្ពុជា គឺជាទីផ្សារដ៏សំខាន់នៅអាស៊ីភាគអាគ្នេយ៍សម្រាប់ក្រុមហ៊ុន Huawei ហើយលោកបានរំពឹងទុកថា អតិថិជនទាំងអស់ ពិតជាទន្ទឹងរង់ចាំប្រើប្រាស់ទូរស័ព្ទស្មាតហ្វូន Mate 7 Gold, Ascend G7 និង Honor 6 ដ៏ទំនើបនេះយ៉ាងអន្ទះសារមិនខាន។
លោក លី ស៊ីយ៉ាំង បានលើកឡើងថា៖ "អតិថិជនកម្ពុជាយើង ពិតជាស្ញប់ស្ញែងជាមួយនឹងល្បឿន និងប្រតិបត្តិការដ៏អស្ចារ្យ កាមេរ៉ាបំពាក់នូវបច្ចេកវិជ្ជាទំនើប ថ្មីៗបំផុតនៃ Ascend Mate 7 នេះ។ Ascend Mate 7 ប្រើអង្គប្រតិបត្តិការ Octa-Core Kirin 925 ដែលអាចឱ្យលោកអ្នកលេងកម្មវិធីបានច្រើនយ៉ាងក្នុងពេលតែមួយ។ ដូច្នេះ មិនថាអ្នកកំពុងបើកអ៊ីម៉ែល មើលវីដេអូ និងលេងហ្វេសប៊ុក Ascend Mate 7 នៅតែអនុញ្ញាតឱ្យអ្នកលេងបានទាំងអស់។ "
អ្នកជំនាញ និងនាយកជាន់ខ្ពស់ផ្នែកទីផ្សារបានពន្យល់ដោយសង្ខេបថា Huawei Mate 7 នាំមកនូវចំណុចពិសេសល្អបំផុត 7៖
•6 អ៊ីញ អេក្រង់ FHD ធំភ្លឺច្បាស់ត្រជាក់ភ្នែក នៅលើបន្ទះលោហៈដ៏ស្ដើង
•ស្គាល់ស្នាមក្រយៅដៃរបស់អ្នកភ្លាមៗ ដែលអាចដោះសោបានមិនដល់១វិនាទីផង
•រាងស្តើងបំផុតជាមួយនឹងតួអាលុយមីញ៉ូម
•ល្បឿនលឿនដូចរន្ទះជាមួយនឹងអង្គប្រតិបត្តិការ Octa-Core Kirin 925
•ល្បឿនអ៊ីនអើណេត Cat 6 4G LTE
•ថ្មប្រើបានយូរ កម្លាំង 4100 mAh និង
•កម្មវិធីងាយ ស្រួលប្រើ ជាមួយនឹង Emotion UI 3.9 ។
Huawei Mate 7 មានពីរជម្រើស ១ស៊េរីធម្មតាមានពីរពណ៌(ទឹកប្រាក់ និងខ្មៅ) ស៊ីម១ RAM 2GB និងទំហំ 16 GB អាចបន្ថែមអង្គចងចាំបន្ថែមបាន។ ជម្រើសទី២ ស៊េរីខ្ពស់ មានតែពណ៌មាស ស៊ីម២ RAM 3GB និងទំហំ 32 GB ។
Ascend G7 ជីវិតរបស់អ្នក ជម្រើសរបស់អ្នក ពោលគឺជាជម្រើសដែលឆ្លុះបញ្ចាំងពីកិត្តិយស រូបរាងទាក់ទាញ តុបំពាក់ដោយអាលុយមីញ៉ូម ស្តើង ស្រាល ពេញដៃ ពេញចិត្ត ពេញភ្នែក អេក្រង់ធំទំហំ 5.5 កម្រិត IPS ច្បាស់ដូចធម្មជាតិពិតៗ ល្បឿនអ៊ីនធើណេត 4G LTE Cat 43 ថ្មប្រើបានយូរកម្លាំង 3000 mAh ។Honor 6 ស្តើង ស្រាល លឿន ជីវិតកាន់តែហ៊ឺហា ពោលគឺបំពាក់នូវបច្ចេកវិជ្ជាទំនើប ថ្មីៗបំផុត ត្រឹមតែ 0.6 វិនាទីជាមួយនឹងអេក្រង់ទំហំ ៥អ៊ីញ កម្រិត FHD អង្គចងចាំ 3GB ទំហំ 16GB ជាមួយនឹងល្បឿនលឿន អង្គប្រតិបត្តិការដ៏លឿនដំបូងបង្អស់លើពិភពលោក Octa – Core 1.7 ។
កញ្ញា មាស សុខសោភា កំពូលតារាចម្រៀងដែលកំពុងមានប្រជាប្រិយភាពក្នុងព្រះរាជាណាចក្រកកម្ពុជា បានសម្តែងនូវអារម្មណ៍រំភើបរីករាយជាខ្លាំងនៅពេលទទួលបានស្មាតហ្វូន Ascend Mate 7 នេះ។ កញ្ញាពោលដោយទឹកមុខញញឹមថា៖ «ខ្ញុំពិតជាអន្ទះសារក្នុងការវិលត្រឡប់មកប្រទេសកម្ពុជាវិញ ដើម្បីសាលល្បងប្រើទូរស័ព្ទ Ascend Mate 7 នេះ។ ខ្ញុំជឿជាក់ថា វាគឺជាទូរស័ព្ទស្មាតហ្វូនដ៏ល្អឥតខ្ចោះសម្រាប់ជីវិតប្រចាំថ្ងៃរបស់ខ្ញុំ។ ខ្ញុំតែងតែរវល់ និងធ្វើការចល័តពីកន្លែងមួយទៅកន្លែងមួយទៀត។ ខ្ញុំពិតជាត្រូវការស្មាតហ្វូន ដែលអាចជួយខ្ញុំរក្សាទំនាក់ទំនងជាមួយក្រុមគ្រួសារ មិត្តភក្តិ និងដៃគូការងារ តាមរយៈអ៊ីម៉ែល និងប្រព័ន្ធទំនាក់ទំនងសង្គម។ ទន្ទឹមនឹងនេះ ខ្ញុំចូលចិត្តទស្សនាបទចម្រៀង និងខ្សែភាពយន្ដថ្មីៗតាមអ៊ីនធើណេត ប៉ុន្តែខ្ញុំមិនចូលចិត្តរង់ចាំយូរដើម្បីមើល ឬទាញយកទុកនោះទេ។ ជាមួយនឹងល្បឿនឥតដែនកំណត់របស់ Ascend Mate 7 ខ្ញុំអាចរីករាយនឹងការកម្សាន្តជាច្រើន បានគ្រប់ពេលវេលា គ្រប់ទីកន្លែង។»
កម្មវិធីនេះ បានបញ្ចប់ទៅដោយភាពសប្បាយរីករាយ និងជោគជ័យ ជាមួយនឹងការប្រគល់រង្វាន់ធំសម្រាប់អាជីវករពីរនាក់ ចំនួន ១.០០០ដុល្លារពីកម្មវិធីតបស្នងអាជីវករ និងការចាប់ឆ្នោតផ្សងសំណាងដល់អ្នកចូលរួមដែលមានទូរស័ព្ទចំនួន ១០រង្វាន់។ទូរស័ព្ទ Huawei Ascend Mate7 អាចរកជាវបាននៅហាងលក់ទូរស័ព្ទដៃនានានៅក្នុងព្រះរាជាណាចក្រកម្ពុជា។ លើសពីនេះ អតិថិជនអាចរីករាយនឹងការប្រូម៉ូហ្សិនពិសេស៖ ទិញទូរស័ព្ទ Ascend Mate7 មួយគ្រឿង នឹងទទួលបាន Bluetooth speaker និង ស្រោមទូរស័ព្ទដ៏ល្អប្រណីតដោយឥតគិតថ្លៃ។ សូមប្រញាប់ឡើង ចំនួនមានកំណត់!
មិនតែប៉ុណ្ណោះ ក៏មានកម្មវិធីចាប់ឆ្នោតផ្សងសំណាងផងដែរ សម្រាប់ការលក់ Ascend Mate 7 ចំនួន១០០០គ្រឿងដំបូង ដោយអតិថិជនត្រូវផ្ញើលេខកូដ IMEI លេខទូរស័ព្ទ និងឈ្មោះរបស់ពួកគេ ទៅកាន់ទំព័រហ្វេសប៊ុក Huawei Device Cambodia ដើម្បីមានឱកាសឈ្នះរង្វាន់ជាច្រើន ដូចជា៖ ម៉ូតូ Yamaha Taurus ១គ្រឿង ដំណើរកម្សាន្តទៅកាន់ទីក្រុងហុងកុងជាមួយសំបុត្រយន្តហោះទៅមក ឧបករណ៍ Wifi Router ប្រាំពីរគ្រឿង និងទូរស័ព្ទ Ascend Y520 ចំនួន៧គ្រឿងទៀត។