កាលពីថ្ងៃទី១៩ ខែតុលា ឆ្នាំ២០១៤ នៅមជ្ឈមណ្ឌលកោះពេជ្រ ក្រុមហ៊ុន i-Qlick ដែលជាតំណាងចែកចាយផលិតផលសុទ្ធម៉ាក Canon ប្រចាំកម្ពុជា បានធ្វើការប្រកាសជ័យលាភីប្រកួតថតរូប Canon PhotoMarathon Cambodia 2014 ។ នេះជាលើកទី៤ហើយដែល PhotoMarathon ត្រូវបានរៀបចំនៅកម្ពុជា ហើយឆ្នាំនេះពិតជាកាន់តែពិសេសជាមួយនឹងកម្មវិធីប្រកួតធំជាងឆ្នាំមុន និងមានការអ្នកចូលរួមប្រកួតជា១ពាន់នាក់។
តាមប្រសាសន៍របស់លោក ជឺរី ថៃ គ្រូបង្រៀនថតរូប បានឲ្យដឹងថា ដោយយោងតាមលក្ខខណ្ឌនៃការប្រកួតកម្មវិធី Canon PhotoMarathon ទូទាំងទ្វីបអាស៊ី អ្នកចួលរួមប្រកួតទាំងអស់ត្រូវផ្តល់ជូននូវ ប្រធានបទសម្រាប់ការប្រកួត បន្ទាប់ពីពួកគេបានបញ្ចេញស្នាដៃថតរូបប្រកបដោយ ភាពប៉ិនប្រសប់ច្នៃប្រឌិតខ្ពស់ ដើម្បីថតរូបល្អបំផុត ពាក់ព័ន្ធទៅនិងប្រធានបទ និងត្រលប់មកប្រគល់រូបមុនម៉ោងកំណត់។ លោកបន្តថា បន្ថែម លើលក្ខខណ្ឌប្រកួតសម្រាប់អ្នកចូលរួមទូទៅឆ្នាំនេះ កម្មវិធី Canon PhotoMarathon Canbodia និងអនុញ្ញាតឲ្យមានលក្ខខណ្ឌប្រកួតសម្រាប់សិស្សសាលា ដើម្បីផ្តល់ឱកាសដល់យុវជនក្រោមអាយុ ១៨ឆ្នាំ អាចចូលរួមប្រកួត ហើយនេះគឺជាផ្នែកមួយនៃសកម្មភាពរបស់ Canon ក្នុងការលើកទឹកចិត្តឲ្យយុវជនកម្ពុជាអភិវឌ្ឈនូវចំណូលចិត្ត របស់ពួកគេក្នុងវិស័យថតរូប។
យ៉ាងណាមិញលោកថា អ្នកចូលរួមប្រកួតទាំងអស់ត្រូវតាមលក្ខខន្តិកៈនានា ព្រមទាំងប្រកួតក្រោមប្រធានបទ ដូចទៅនិង លក្ខខណ្ឌប្រកួតសម្រាប់អ្នកចូលរួមទូទៅផងដែរ ប៉ុន្តែអ្នកចូលរួមក្នុង លក្ខខណ្ឌនេះ និងទទួលរង្វាន់ ខុសពីលក្ខខណ្ឌប្រកួតសម្រាប់អ្នកចូលរួមទូទៅ។
កញ្ញា លី វិនតាន់ នាយកគ្រប់គ្រងផ្នែកទីផ្សារ ក្រុមហ៊ុនក្រុមហ៊ុន i-Qlick មានប្រសាសន៍ថា” ការប្រកួតឆ្នាំនេះ ពិតជាប្លែកអស្ចារ្យ អ្នកឈ្នះមួយរូបក្នុងចំណោមអ្នកឈ្នះទាំង ៩រូបពី Open Category និងត្រូវបានឲ្យជ្រើសរើសឲ្យចូលរួម ក្នុងដំណើរកម្សាន្តថតរូប ជាមួយអ្នកឈ្នះដទៃទៀត នៅក្នុងតំបន់ នៅប្រទេសជប៉ុន ដឹកនាំដោយអ្នកថតរូបអាជីព ល្បីៗក្នុងសកម្មភាពពង្រឹង សមត្ថភាពថតរូប របស់ពួកគេ ឲ្យឈានឡើងដល់កម្រិតអន្តរជាតិ ក្នុងនោះរាល់ការចំណាយទាំងអស់ត្រូវក្រុមហ៊ុនជាអ្នករាប់រង៕