ថ្ងៃទី ១៥ ខែតុលា ២០១២ គឺជាថ្ងៃដែលប្រជាជនខ្មែរគ្រប់រូបចងចាំ និងត្រូវបានចារទុកក្នុងប្រវតិ្តសាស្ត្រ ដើម្បីឱ្យ ពលរដ្ឋខ្មែរគ្រប់រូប គ្រប់ ជំនាន់ បានដឹងអំពីថ្ងៃនៃការបាត់បង់ដ៏ធំធេងរបស់ប្រជាជនខ្មែរទាំងអស់ ដោយសម្តេចព្រះបាទ នរោត្តមសីហនុ ព្រះបិតាឯករាជ្យជាតិ និង ជាឥស្សរជនដ៏ឆ្នើមបំផុតបានយាងសោយទិវង្គតក្នុងព្រះជន្ម ៩០ ព្រះវស្សា។ ការចូលសោយទិវង្គតរបស់ព្រះអង្គគ្រាន់តែជាការបាត់ បង់ ព្រះកាយតែប៉ុណ្ណោះ ប៉ុន្តែចំពោះព្រះកិត្តិនាម ស្នាព្រះហស្ត និងព្រះរាជបូជនីយកិច្ចដើម្បីឯករាជ្យជាតិខ្មែរ ក្នុងគោលបំណងស្នេហា និងបុព្វ ហេតុជាតិ ពិតជាមិនសាបសូន្យឡើយ។
ដើម្បីចូលរួមចំណែកក្នុងការប្រារព្ធពិធីគោរពព្រះវិញ្ញាណក្ខន្ធព្រះបាទនរោត្តម សីហនុ “ព្រះបរមរតនកោដ្ឋ” ក្នុងឆ្នាំនេះ ក្រុមហ៊ុន Samsung ដែលយើងគ្រប់គ្នាបានស្គាល់ថាជា ក្រុមហ៊ុនបច្ចេកវិជ្ជានាំមុខគេនៅក្នុងប្រទេសកម្ពុជា និងលើពិភពលោក មានកិត្តិយស និងមោទនភាពដោយបានចូលរួមឧបត្ថម្ភជាមួយសាកលវិទ្យាល័យភូមិន្ទវិចិត្រ សិល្បៈ ក្នុងការ រៀបចំកម្មវិធីសម្តែង សិល្បៈដើម្បីរំលឹក ពីធីគោរពព្រះវិញ្ញាណក្ខន្ធព្រះបរមរតនកោដ្ឋលើកទី ២ ក៏ដូចជារំលឹកដល់ស្នាប្រហស្តដ៏មហាធំធេង និងកម្រង សិល្បៈតន្ត្រីដែល ជាព្រះ រាជនិពន្ធផ្ទាល់របស់ព្រះអង្គ អមដោយការសម្តែង សិល្បៈបុរាណ សម័យ នានាដោយក្រុមនិស្សិតដែលនឹងប្រព្រឹត្តទៅនៅសាលមហោ ស្រពចតុមុខចាប់ពីម៉ោង ៧ យប់ នៅថ្ងៃទី ១៨ ខែ តុលា ឆ្នាំ២០១៤ ។ នៅក្នុងកម្មវិធីនោះដែរ យើងអង្កេតឃើញមានវត្តមាន និងព្រះវត្ត មានដ៏ខ្ពង់ខ្ពស់របស់ សមាជិកព្រះរាជវង្សានុវង្ស មន្ត្រីរាជរដ្ឋាភិបាល ថ្នាក់ដឹកនាំក្រុមហ៊ុននានា និង អ្នកចូលរួមទាំងអស់ប្រមាណ ៧០០ នាក់។
Samsung គឺជាក្រុមហ៊ុននាំមុខគេលើពិភពលោកផ្នែកបច្ចេកវិទ្យាដោយផ្ដល់លទ្ធភាពថ្មីៗ ជូនមនុស្សគ្រប់រូបគ្រប់ទីកន្លែង។ តាមរយៈការ បង្កើតថ្មីនិងរបកគំហើញឥតឈប់ឈរ យើងកំពុងតែផ្លាស់ប្ដូរឱ្យកាន់តែប្រសើរឡើងនូវពិភព ទូរទស្សន៏ ស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីនថតរូប ឧបករណ៍ផ្ទះបាយ ម៉ាស៊ីនថតចម្លង ប្រព័ន្ធ LTE ឧបករណ៍វេជ្ជសាស្ត្រ ឧបករណ៍ផ្សេងៗប្រើប្រព័ន្ធអគ្គីសនី និងដំណោះស្រាយផ្សេងៗប្រើប្រព័ន្ធ LED។ យើងមានបុគ្គលិកចំនូន 286.000 នាក់ នៅទូទាំង 80 ប្រទេស ដោយមានបរិមាណ លក់ប្រ ចាំឆ្នាំចំនួន 216.7 ពាន់លានដុល្លាអាមេរិក។ព័ត៌មានបន្ថែមសូមមើលគេហទំព័រ www.samsung.com។
